المساعد الشخصي الرقمي

مشاهدة النسخة كاملة : خيمة الدوبيت


ابو الخاتم
30-04-2007, 06:17 PM
أهلي وعشيرتي الطيبين بالعزازة ..
مليون سلام ..

أخي / عبد المنعم عوض الكريم
أخي / محمد بابكر محمد

أخواني .. وأخواتي .. أهل المنتدى ورواده من كل واد
في هذا الرحاب الممتد (سودان العزّة) وإنسانه المسافر
عبر بحار العالم ، وبوابات القارة السمراء ...
المتمدد فيها كنيلها وسطاً وشرقاً شمالاً وجنوباً وغرباً
والمصلوب فيها (وتر وفن مديح وغناء)
والمسلول منها ( سيف وخنجر وسكين وكوكاب )
والمحمول فيها ظهراً ويداً (عكاز ومجداع سفروق وشوتال)
والمسكون فيها نم ونضم (دوباي وغناء وجابودي وشاشاي )

أحييكم عبر هذه الصفحة من صفحات هذا المنتدى الرائع الشامخ شموخ إنسان العزازة ..

وبعد/ استميحكم عذراً وآمل أن أوفق في هذا الطرح الذي أنا بصدده :

ستفرد صفحة كاملة عبر صفحات هذا المنتدى (للدوبيت والشاشاي والجابودي) من تراث الأدب
القومي في السودان والمنتشر عبر بواديه وسهوله ووديانه تحت مسمى (خيمة الدوبيت ) تندرج
مع قائمة (التراث) .

وكما هو معلوم لديكم أن أدب الدوبيت من الآداب الراقية في الشعر السوداني والدوبيت أو الشاشاي
أدب ثر في عديد أو كل بقاع جزيرة العرب أهل اللغة العربية لكن تحت مسمى (الشعر النبطي) .

والدوبيت في السودان أبدع فيه شعراء وأدباء كثر على رأسهم :
(ابراهيم العبادي ، وأبوصلاح ، وأحمد عوض الكريم أبو سن ـ (الحاردلو) ، والطيب ود ضحوية ، والصادق ود آمنه ، وطه البطحاني وود شوراني ، وآل البناء ، الخ...... )

وبعضهم كتب الدوبيت ونم وختم حياته بالمديح أمثال (بشير الحضري ود الفراش أبو شريعة ود الرضي ود أبوكساوي وأحمد عبد الرحيم العمري وأحمد محمد الشيخ (الجاغيرو) والنصيح .. الخ ... ).

أما مقطع الدوبيت يتكون من مربع والمربع أربع أبيات ليس صدر وعجز إنما إما صدر أو عجز ... وللضرورة يمكن أن يكون المربع ثلاثي ..
وقد تناول الدوبيت وصف قضايا عديدة أهمها الهمبتة والغزل ووصف الطبيعة والسفر ووصف الجمال والشجر والنبات والمطر و الخ ...

بسم الله نبدأ بتنفيذ الفكرة :

سوف أتي بمربع أو مربعين مقطع أو مقطعين نازلين على هذه الصفحة من صفحات هذا المنتدى .. لشاعر مشهور من شعراء الدوبيت ، ثم يأتي الرد على الموضوع من أعضاء المنتدى أو القاري الزائر بكتابة مربع أو مربعين أو ما شاء حسب ما يملك ويحفظ من (مخيلته أو خميلته) منقوله أو مقوله تكون كرد .. ويأتي قاري بعده ويكون رده كالسابق .. مقطع مقطعين .. يعني رد بالدوبيت خلاف ذلك لا نرغب شيء ..
لا تعليق ولا شكر ولا أشياء من هذا القبيل .. ويستمر المنوال وتصبح (خيمة الدوبيت عبر منتدى العزازة كتاب مفتوح ومكتبة عامرة يتصفحها كل الذين يعشقون هذا النوع من الأدب الرائع والراقي ) .

أخوتي .. معذرة إن أطلت لكن المدرسين دائماً شرحهم طويل وكلامهم كتير ..

سوف أبداً بأبيات للعبادي :

جعلي ودنقلاوي وشايقي إيه فايداني
غير نبذت خلاف خلت أخوي عاداني
خلي نبانا يســـري للبعيد والداني
إكفي النيل أبونا والجنس سوداني

وأردف بمربعين لأحمد عوض الكريم أبوسن :

البارح كلام الناس بدور يفرقنا
كلو مرق كضب بعدين صفينا ورقنا
الدعجة أم شلوخاً ستة مالكة عشقنا
تتمايح مثل قصبة مـراتع الحقنة

يوم قسمو الجمال أدوكي روحو وقلبو
وأدوني السهر جفني الغميدة تغلبو
في التلت الاخير الواعي يعبد ربو
وأنا فتشت ويـــن ابن الملوح دربو

يلا الرد بالدوبيت مربع أو مربعين أو إن شاء الله صفحة كاملة ...

بت العزازة
30-04-2007, 07:56 PM
شكرا ايها الاستاذ الرائع شيخ شباب العزازة ابا الخاتم واسمح لى بان اشاركك هذه المساحة شاشاى ودوبيت ومسدار
يوسف ود البنا قال :ـ
تعال أمش العزازة بتلقى فيها دروسا
وجنياتاً كتار عزو البنضوى خروسا
اياهم حدار جقلة ام رزيم وخروسا
بالجيم والكلاش من الهواب محبوسة

النعيم الزين
30-04-2007, 08:01 PM
ابا الخاتم
يستهوني الدوبيت ويخونني الحفظ ولكني اطرب له غاية الطرب و الزول بي بليلة بعاشي
الناس بتلد الناس ساكت حسادة
امك بتلد الصيد سمح القلادة
شعر بلا مشهاد هدل الوسادة
وسنا بلا مسواك برق المكادة
وعلى نفس الوزن
الناس بتلد الناس ساكت حمير
وامك بتلد الصيد سمح الضمير
شعرا بلا مشهاد هدل السرير
وسنا بلا مسواك برقا يشيل

أبو أسامة
01-05-2007, 04:43 PM
أخي العزيز أبو الخاتم

لك التحية والشكر برغم تحذيرك لمرتادي الساحة من ذلك ولكن من لايشكر الناس لا يشكر الله والفكرة دعوة للتفاعل والمشاركة الإيجابية .
ذكرت في مقالك قمم وأساطين ودهاقنة الدوبيت مما يجعل دعوتك لإقتحام الباب محفوفة بكثير من المخاطر ولكن أجر المحاولة يكفي .
ثم أنك لم تذكر علما كتب كتيبا صغيرا ملئيا بالإبداع الأدبي من الدوبيت ( وإن كان لا يصلح لمثل منتدانا هذا لأنه سياسي خالص .. أحسب أنك عرفته ) .. صلاح أحمد إبراهيم رحمه الله وقد رأيت الكتاب عند الأخ / كابو وطلبته إستلافا للتصوير والإعادة على وجه السرعة لكن الظاهر صاحبك ( غطس حجره) وأظن ذلك من شدة الحرص لا من شدة البخل وسألت عنه مرة وأخرى لكن يبدو حقيقة أن الكتاب فقد والله أعلم .
يعجبني في الدوبيت بجانب روعة الأدب بداهة ، إنه (كلام سوداني) مما يجعله متميزا وهذا سر من أسرار الإبداع في ظني فالمحلية أقصر الطرق للعالمية وربما أمكن قراءة الأدب الراقي للطيب صالح ولو جزئيا من هذه الزاوية ( كقولك يعني ناطحات السحاب وعمارات البيرسول في كل الدنيا موجودة ولكن طرافة القطية والراكوبة والدردر ليست كذلك ) آمل ألا أكون قد أفسدت ما أرمي إليه بهذا الإسترسال .

تحياتى لك وعبرك لمن حولك
ودمتم آمنين

أبو أسامة

أب عاقلة أخوي كلامك استهواني
ومسكت القلم والمنام جافاني
حاولت الكتابة .. مرة .. وتاني
وقلت القطر كان ما لفيتو ما برجاني

دحين ياخويا هاكا مني هدية
تستاهل تمام .. ما فنجرة وذوقية
نرد لإقتراحك وما نهملك كلية
وندخل منتداك رايقين وعينا قوية

حبيبنا عبد المنعم والأخوان تملي معاهو
ندعو المولى الكريم يتولاهم ويتولاهو
عملو المنبر الكان من زمان كلنا بنتمناهو
بالفكر السديد أرعوهو .. وﹺتمو بناهو

يا شباب العزازة مني ليكم نمة
ومنبركم عمر بقوة وعزيمة وهمة
باكر في البلد بهناك للبحر نتلمة
ونبنيها العزازة الفيها نبض الأمة

يا بنات العزازة كلامكن كتير عاجبنا
لكن كمان البعد عن البلد تاعبنا
نسأل ربنا الغفار بذنوبنا لا يعاقبنا
وصديقنا الحميم لا يلومنا لا يعاتبنا

الفعل العظيم في بدايتو شورة وفكرة
والفعل السمح لصاحبو ببقى سيرة وذكرى
اتلموا الجميع ما ننتظر لبكرة
وخير البر أكيد في عاجلو .. بلقى الشكرة

خليكم بالفعل قبيلة واحدة قوية
للجار والصديق بادرو بالجودية
والبقصد تفرقة .. ينقلع فورية
بالقول الحسن وكان عكس زندية

ما تربو الخلاف يا اخواني فيما بينكم
وابليس ينبسط وعن الحق تغمض عينكم
اعملوا بعزيمة ودعوات الإله بتعينكم
ابنوها الحلة باخلاص وسددوا دينكم

بت العزازة
01-05-2007, 06:58 PM
من أجمل المرثيات ما قاله الشاعر الراحل صلاح أحمد إبراهيم يرثي صديقه الشفيع أحمد الشيخ بعد إعدامه من قبل النظام المايوي عقب الانقلاب العسكري الذي مُني بالفشل وراح ضحيته الشفيع ورفاقه في الحزب الشيوعي، حيث وصفه بجبل الذهب واضع الساس الذي لم يهتز ولم يتزحزح حين التف حبل المشنقة ودُرِعَ حول عنقه ..


فارس الساحة جيَّاب الحقوق للناس

سنَّاد الضعيف وكت الضيف ينداس

يا جبل الدهب .. إنتَ الوضعتَ الساس

وما اتزحزحتا يوم درعوا الحبل في الراس

ابو الخاتم
02-05-2007, 10:46 AM
أخي العزيز / محمد بابكر محمد
لك كل الود وخالص المنى ،
وقبل البدء أقول (اللهم أرنا الأشياء حقها) .

قرأت الرسالة وضحكت .. ضحكت .. في أولها .. ثم واصلت .. وكنت أتوقف
عند القراءة كثيراً ، ولاشك أن قراءتك لها كانت .. من نوع القراءات الذكية ..
وأيقنت أن ردك سيكون من بنيات أفكارك لكني ما كنت أعلم أن موهبتك في الدوبيت فاقت تلك التي في الشعر العمودي واسمح لي يا أبو أسامة أن أضيفك لقائمة (شعراء الدوبيت) .. فقط ما تتواضع وتقول لي .. يا راجل ...

أما عن الكتاب العجيب (محاكمة الشاعر للسلطان الجائر) فما يزال صاحبي
(يقنج عليه) حتى كتابة هذه الأسطر .. وقد حاولت في إجازتي أن آخذه ولو سلف لأيام لكني فشلت ورجعت (بخفي حنفي) (حنين) .. سوف تضحك طبعاً ..
وما زلت احتفظ بقدر يسير منه ضمن بعض الأوراق .

ثم طفت بالذاكرة مع رد الأخ محي الدين حيث أرجعني للوراء لأنه حوى عبارة
(أن الذكرى ناقوس يدق في عالم النسيان ...) وتذكرت القصيدة وحزن الكلب
على أنيسته التي رحلت وكيف كان يروح ويغدو ، ويرقد مطرحها .. ويشتم موطاها .. ويدير عينيه يمنى ويسرى ..ويتفقدها ولم يجدها .. ويا سبحان الله ..

أما (خيمة الدوبيت) بمنتديات العزازة .. نأمل أن تكون نيمة ظلها في الأرض شاسع نستريح فيه ونريح .. أعصاب الجسد المشدودة .. في بحر الغربة الممدودة ..
وفي النهاية الرد على الموضوع :
مقاطع من الدوبيت باسم (حنين) لصلاح أحمد إبراهيم

قلبي مع الشهيد تحت التراب دافننو
قلبي مع السجين بين القضيب رامنو
قلبي مع المواطن الحر أذى ملاحقنو
ديل سودانا ديل والباقين يمين ما منو

يا طير إن مشيت سلم علي حباني
جيب خبر الوطن إمكن قليبو طراني
جيب نسام زلالو المنو مرة رواني
جيب نفحات جمالو الأصلي مو براني

عرج من جبال كرري وتوخى يمينك
وفي أطراف مقابر البكري أحني جبينك
وسلم لي على الدايماً بيسأل وينك

أدخل ليهو بالباب الصغير دامع
وفي حوش التراب أسجد تحية جامع
أخلع بين إيديهو البين ضلوعك ساجع
وقدم اعتذارك قولو جيتك راجع

مجكّن في الأرض تحكيلو محني الراس
ما شغلتني عنك تب بلاد الناس
وما شاقتني من غيرك مغاني وكاس
ولا وسوس بقلبي إلهامي بيك وسواس

محمد حنّ في يثرب لأنفاس مكة
هل معقول صلاح في الغربة ما يتشكى
يا طير إن مشيت قول لصديقة مكة
ما ببنساك حت لـو الأرض تندكا

مع خالص تحياتي ،،،

أبو أسامة
03-05-2007, 01:21 PM
أخي الحبيب أبو الخاتم
تحياتي وشكري لتقديرك هذه الكلمات التي أطرق بها باب المنتدى فأسعد بتواجدي بينكم .

دمتم بخير وعافية


في نادي الكبار لى إسمي قلت تقيد !
عاجبني حسن الظن .. والمديح الجيد
ديل أساطين صنعة وقولا بديع متفرد
ونحن للأدب الجميل نطرب كتير.. ونقلد

أكيد في ردي ليك بقول .. يا راجل !!!
ما من تواضع .. لكين بالحقيقة ببادر
ديل أصحاب بيان وفصاحة تالد وحاضر
وشن جاب النحاس .. للدهب النضيف النادر

قصدت المشاركة في المنتدى البنريدو
في فنا جميل ما كل البحاولو .. بجيدو
كان وجد القبول وطاوعنا القريض .. بنزيدو
وكان طلعت فشوش ( فعيب الزاد ولا عيب سيدو)

النعيم الزين
03-05-2007, 02:54 PM
لك التحية ابا اسامة

ابو اسامة حرفك كبير مابتجارى
لعب ناس كبار ما تضقل حارة
فدامو حروفنا صغار وقفت متحارة
واتلخبتنا لا عرفنا كيبور لا فارة

ابو اسامة بي بليلتنا جينا نعاشي
نختو صحنا بقدحاتك نفاشي
ترعاه حرفنا لصغيرو تراشي
المقامات محفوظة شن جاب البحبى للماشي


بليلة بنعاشي بيها معاكم

ابو الخاتم
03-05-2007, 04:48 PM
أخواني لكم التحية مجددة ،،، وأكرر الدعوة بالمشاركة
عبر هذا الطرح والسفر الجميل (خيمة الدوبيت) .

ذهب أحمد عوض الكريم أبو سن (الحاردلو) للسوق ووجد جماعة عندهم شبل صغير (جنى أسد) معروض للبيع وكل الناس ملتفة حوله وتناظر وتتفرج ، في هذا الذي أقتيد ؟ وأين كان والديه
عندما سرق ؟
فنظر إليه وقال :

جابوك في السوق ساكت درادر وضيعة
وأمك في الحريم ماها المرا السميعة
نترة ناس أبوك للرجال لويعــــة
وإت كان كِبِر جنباً تقلب البيعــة

وقد جاريت (الحردلو) في هذا المربع حينما ختن ابني بمستشفى المسلمية وقبيل وصول الوفد المستشفى مروا بالسوق والحكاية
كان قايم بيها شيخ الريح (شيء لله) .

فقلت :
جابوك في السـوق للعديل والزين
وأمك في الحريم ماها أم وجيهاً شين
كفة ناس أبـوك في الصداق كفين
وإت كان كِبِر ما بخدموك بالدين

نتواصل إن شاء الله ،،،

أبو أسامة
04-05-2007, 05:30 PM
الإخوة الكرم
التحية وكل الود

النعيم ياخويا كتر خيرك
وشكرك واجب علي بالحيل .. وما بمش لغيرك
كل يوم المنتدى بيقوى .. ويزيد تقديرك
والما عاجببو .. الليموت بى غيظو ..
يمين ما نقولو الله يجيرك


يا عمار أخوي الهجرة ما حقتنا
لكن الظروف فوق دروبا رمتنا
كل ما غنا شادي .. الشوق بدموعو لفتنا
وربنا يحفظ السودان واهلو من الفتنة

من قومة الجهل الأرض رابطانا
نكرف من عبيرا .. واليوم فراقا أذانا
غلطتنا الجميع .. الما بنينا برانا
واليوم كلام ونستنا .. البلد طاردانا

في السياسة وكتير كلامها.. حريقة
هي واحد من أسباب خراب بلدنا وضيقا
خلت كل واحد طافش بى كضب .. بى حقيقة
جركانة ليبيا مشهورة .. وموية إبريقا

الناس بالأهل شادين ضهورن يمة
والزول الغريب فوقو الكلاب تتلمة
ندعوك ياكريم تفتح لهذى الأمة
نرجع للبلد غانمين .. وبلدنا فوق القمة

دمتم آمنين

أبو أسامة

بت العزازة
04-05-2007, 06:15 PM
سلام ناس الخيمة ام غناياً حافل
سلام يا اولاد بلدنا من الصعيد للسافل
لمة رجال تلم الكبير والجاهل
ان شاء الله معاكم نلقى لينا مداخل


الليلة العزازة اصبح ليها ضل وفروع
يجوك جنياتا في الحين نمهم مسموع
يسووا القوق يطبقو النمة ستين نوع
يزيدو الشوق عليه الحزمو المبروع
ابعاقلة وهبارومحمد والنعيم النمهم مسموع

النعيم الزين
05-05-2007, 10:12 AM
اسم النعيم الزين اسم تنادي به امي عائشة و لاتنادي بسواه وهو اسم محفور بين وجداني باحرف الحنين
فكانت هذه المحاولات
اما لـــــــــي حنينــــــــــة فوق العادة
سمتني النعيم وبالزين لبستني قلادة
سائل الكريم في الخير تخودي خوادة
يطول عمرك ومن عمري ليك زيادة

بت الديوان المن بعيد مقصــــــــود
لا انقفل بابو و لا اتعارض يو عود
ذكر ابواتك على مر الزمن موجود
ومتل ابواتك ياريت الزمن بو يجود

ام الحسين يطول عمرك والصحة موفورة
حنينة وطيبة بين جيرانك مشكورة
قهوة شدرتك من القاشي والماشي محضورة
كرم ضيفك ارث لا بدور قعاد لا شورة

أبو أسامة
05-05-2007, 07:27 PM
التحايا والود

مرحب بيكى يا بت العزازة وصلت
وبين أخوان بنات في الخيمة .. إنت نزلت
نختار الحرف بعناية .. شانك إنتى
ونقول ليكى يا بت الكرام حاشاك .. وما قصرتى

دمتم آمنين
أبو أسامة

النعيم الزين
06-05-2007, 05:59 AM
استسمحك ابا اسامة

مرحبتين بت العزازة الجاتنا
وبين اخوان بنات الليلة ضوت شمعاتنا
تختار الحرف بعناية تعلي هاماتنا
ونقول ليك يابت الكرام براك ما ليهن طعم خيماتنا

ولك ولها التحية

بت العزازة
06-05-2007, 08:49 AM
في منتدى العزازة بسطّر الكلمات
نتضرع للإله النجاة من الآفات
فيهوبنات عُفاف فوق الشرف زايدات
وفيها رجال صناديد دايماً لِقاها ثبات
الليلة المنتدى ليهو اسبوعين مرّه
الشكر موصول لكل من زاره حت فد مرّه
ابو كريم وابو اسامة فرسان حوبه جوه وبرّه
أخوان بنات دايماً بلوكو المُره
استاذ محمد بابكر شرفت الديار وازينت ببهاها
عماها الفرح يوم العزيز يغشاها
مناك يتم وتبقى ليك السعادة براها
ما تشوف شر ابد وتشوف البتتمناها
ابو وداد اياها المحرية فيك وانت العلى الكرم تابى
تكرم الضيف النزل ليهو دائما حابى
تلحق الدركان والبجيك متشابى

النعيم الزين
06-05-2007, 10:13 AM
بت العزازة حرفك كتير زاهي
وكلامك اكيف لا جبنة لا شاهي
وابواسامة قمر المنتدي البيهو بنباهي
تسلموا واعمر منتداكم بركة الاهي وجاهي

بت العزازة اهلك في بيتك جوكي اتلموا
سمحوا الحديث كل زول برز نمو
وان طاش الحديث ابو اسامة تاني بلمو
اياهو راس حربتنا واللعب الناقص بتمو

ابو الخاتم بعد الطهور ما شفناه
حارس الوليد ما بخلي بي وراه ؟؟؟
ما تخاف عليه دا النجم فوق ثرياه
دا الخاتم علي اليمين الجمر بوطاه

النعيم الزين
06-05-2007, 11:42 AM
عزيزي هبار
ترى ابو اسامة داك ما بنقدر عليهو
لكن معاك بنضقل غايتو اقبلنا
مجاراة لابياتك

ود هبار من الخيمة ليك مني سلام
نظمك درر ما بقدرنو الاقلام
فيه الحكم فيه الحلم فيه مواصلة ارحام
يضوي الخيمة تبقي تمام

أبو عاقلة للخيمة فتح ابواب منشرعة
جاب نسام العزازة من سندة للترعة
جمعت كل اديب وكل جمال وروعة
ضوت رتاين مو نور شمعة

ود هبار هيلك الاسم اساسو متين
ود الرجال الماب بقول دحين
شيال الهموم الما بنسمعلو انين
نفخر بي هبار نهز ضامنين

ابو اسامة صادق القول والفكر
عشاي الضيوف في الليل الودر
اسد الغابة ما هو كديس كتر
راجين منو الكتير مطر الخريف المنهمر


أم الصادق هيلك القلم مأصل فيكي
عزف اسكترا ما ضرب ام كيكي
سائل الكريم ربي لينا ايخليكي
تكتبي للانصاري واكتب ليكي

بت العزازة
06-05-2007, 03:39 PM
ود هبار .. لقيتك في الدوبيت كم ضالع
علِّي غُناك ..وبالدوبيت .. تعال لي طالع
من عذب الحديث ..خيمتنا تصبح فارع
وابو الخاتم ... بتلقاو .. لي كلامك يجادع
النعيم ..حبابك يا الكوكب الساطع
فى نظم القصيد يظهر عليك كم بارع
جيتك ما بعرف بس بحاول اجادع
وابو اسامة داك بى غادى نورا شالع

ام كريم
07-05-2007, 04:38 AM
سلام اخوي ابواسامة اابو الخاتم ابوكريم
سلام عليكم سلام اخواني الكبار
سلام لي بت العزازة واخوي عمار
انا في باب خيمتكم بقيف بحتار
لابعرف دوبيت ولامسدار
بس بزوركم كل ماصبح علي نهار
وبلقاكم اياكم اخواني البي خشمكم بتاكلو النار
وبي خيمتكم وبي لمتكم بتعمر الدار

ابو الخاتم
08-05-2007, 10:09 AM
أخواني ، أخواتي ، الأعزاء والعزيزات
سلام يغشاكم بلاء ما جاكم ،،،

ما على ظني بأس يجرح الدهر ويأسـو
ربما أشرف على المرء من الآمال يأس
ولقـد ينجيك إغفال ويرديك احتراس
والمقاديـــر سهـــام والمحاذيـر قياس
يا أبا (أسامة) ومن ساواك في فهم إياس
يلبـد الليث السبنتي وله بعد افتــراس
فتأمل كيف يغشى مقلة المجد النعاس
ابن زيدون ،،،

الأخ العزيز عمار :
سلام عمّار سلام ولداً قدل فوق عِزّة
سلامْ عمّار سلام ولداً عرض هزّ
سلام عمّار سلام ولداً أصيل بنعزا
سلام عمّار سلام لا كرة فيك لا فزة

الجنيات عموم محسوبكم قريب عمار
ولد ناساً عزاز أسياد النحاس والنار
معروفين زمان من كوستي لي سنار
بالجود والكرم ، وفي العزازة منار

الأخ عبد المنعم :
النعيم الزين أخو البنات ود شمة
النعيم الزين ود ناس رقية العمة
النعيم الزين عشاي الضيوف في الظّلمة
النعيم الزين ترياق الدبيب والسمّة

الأخ محمد بابكر :
أبو أسامة الأديب فوقك بجر النـم
يا ود عزاز ناس البيوت من جــم
كريم أنساب نسل أماتو خاتي مذم
لا عزَ الفطيم .. خاصم ، لا وقف في ملم

المشاركات :
يا مسدار للشالن ليلن هجعن ،
نزلت في (خيمة دوبيتنا) .. كتبن شعراً غنن رطن
يا بنيات بالأدب إتصفن
شدن حيلن ، قامن بي روقن ، في ليلن رجعن ،

أم الصادق أنا ما ناسيكي
كل الجنيات بتمجد فيكي
الأدب الراقي وقلماً ليكي
ما بتجاري .. يا رب تسلم إيديكي

سماح غيمة البرق العبادي الصبت
في الحي القدامي
جات قاصدة الخيمة عديل نظمت دوبيت
في البادية جميل
أوفت وكفت ..


إلى لقاء ،،،،

hafiz
09-05-2007, 01:25 PM
ما قالوا السلام سنة دخول الدار

الصوفي الورع كما يحلو لي ان اسميك ابو الخاتم خيمة عامرة كخيمة الحردلو ...عجبت لما وجدتكم تنظمون الدوبيت كنظم السبح واتيت مبشرا ولست ناظما لك ولشعراء الدوبيت وللانيق ابو اسامة الرجل المفخرة ولكل من عبر وعبَر امتنانات..


ردا علي صحيفة الصحافة والذين تابعوا الحدث:-
العزازة بلدنا ما بنرضي فيها اذية
رجالة اولادا ظاهرة وكافي حسن النية
(وللنغم مواصلة)
ولك اخي ابوالخاتم
فارس الساحة جيَّاب الحقوق للناس
سنَّاد الضعيف وكت الضعيف ينداس
يا جبل الدهب .. إنتَ الوضعتَ الساس
وللنعيم الزين هذا المسدار
فى حدق العيون وطنك تملّى مكانو

تعشق لون ترابو وفرحتو واحزانو

فى كل المحافل باقى انت لسانو

وتتواصل المسادير

ابو الخاتم
09-05-2007, 04:54 PM
أحمد عوض الكريم أبوسن :
روعة دخول الليل على الفريق :
ثبت المال ، مسك مرحاتو، رست العجة
صقر الليل فرد جنحاتو غمت الفجة
مبيخراتن صغار ولع جمرهن وجّ
ريحة الشاف مع الباشندي وقفت قجة

وصف الخريف :
بعد دور الجفاف قام عِفرتِك مِتباري
وسحابِك نيلتو زرقة وبرقك يلفح فاري
إتكسا بالخدار وجهك الكان عاري
وإنعقدن رواينك يام نداياً تاري

ود شوراني قال :
لا آيات الله لا مال لا عرف لا فوايد
أبن ما يحلحلن عقد أم وضيبا قايد
أنا وياكي يام خيراً موفر وفايض
نختر ختره يات من فينا ما يجي عايد

أحمد عوض الكريم أب سن قال :
رفاعة الربة قافاها البليب طربان
ناطح المنو ميثاق قلبي مو خربان
فوسيت السواقي البي اللدوب شربان
بلودو بعيدة فوق بادية العربان

ابو الخاتم
09-05-2007, 04:57 PM
إلى الصادق ود آمنه :
أنا يا أب آمنة الغميض جفا عيني ماطلاها
وحركة سير شراييني الضغط شلاها
زهرة أرقو اللوضيب تلاها
حظي نقلني بي طايرة ووراي خلاها

فرد الصادق :
قول لي عطية قوتنا الرشيد قالاها
إلا الحالة شافع الأمة يتولاها
أحاكي الضفدعة الوابل العين بلاها
لامن عقدة الليل الحمار حلاها

ود الشلهمة للبطانة :
نار وجهِك خلاس وأصبح عريسك باش
وسيلِك بالمعالي وبالمراتِع كاش
نفسِك من سماحتو تحلى جابلو دعاش
وعربِك لي جفافُن جبدو البرّاش

النعيم الزين
09-05-2007, 06:37 PM
ود البدوي اهلين بي طلتك زاد نورنا
بي نضمك نحتفل وبيه يزيد سرورنا
وحشونا ناس ابو اسامة وناس دورنا
والله نحن طلتك بندورها حتى ان ما بدورنا

ابو اسامة عل المانع خير طول ما طليت
ومتلك ما بقلبو نضم ولا بقيفلو بيت
واحشنا يا راجل لو سمحت رضيت
بدونك ما تبقي دي خيمة الدوبيت

بت العزازة
09-05-2007, 08:16 PM
سلام وتحية يا جماعة جد اعزرونى ما بعرف بس بحاول اجادع عشان اتعلم من الجماعة ديل وذى ما بقولو عيب الزاد ولا عيب سيدو
ابو الخاتم
يا شيخ شباب حلتنا الخيمة ختيت ساسا
القافية استحت ابت تب تمد لى راسا
لانك قبيل كنت من حراسا
اسالو شوقى والزمخشرى وعوض الكريم ابو سن وابو نواسا

النعيم الزين
ابو وداد يا كريم ربى يديك العافية
يا ود شمة جد نظيف السريرة نيتك صافية
مهما اقول صدقنى عاجزة كلماتى ليك ما كافية
شاحداك يا كريم تفتحلوا ابواب رزقوا
وبفرجك يا رحيم من كل ضيقة تمرقوا
دى السواهوا لينا كل ثانية بنفاخربوا
حامدين فضلوا بعد الله وبنجاهربوا

ابو اسامة
محمد بابكر اعزرنى ما قت استاذى
شاعرنا العظيم الروعة ليك بتابى
فاقدنك كتير فى الخيمة ليك كتابى
ارجع تعال بسراع حرفك ادمناهو
الزيك حنين لازم يعود لجناهو
وكل قلوبنا ليك الخير بتتمناهو

عمار هبار
شقيق المنتصر فوقك بجر النم
ودهبار حاشاك والله ما بتنزم
ود ناسا عزاز ورثوا المكارم صم
ياكا متل ابوك (له الرحمه )لى شينة ما بتنضم

ام كريم
ليالى النغم والله انتى عزيزة
وفى مطبخك والله كل حاجة لذيذة
فى الخيمة انتى نزلتى برقا شلع فى دقيقة
جبتى القافية حلوة يا ربى ليها تزيدا
وصيتى ليك ما تقيفى اصلو الكتابة فنون
فى الاول صعبة حبة بس تانى تبقى جنون
اصلو الكتابة عشق جوانا بس مدفون
لكن كيف نعرف نمرقوا ونسطر المضمون

اكرر رجاء المعزرة لانها مجرد محاولات اعزائى ......

أبو أسامة
10-05-2007, 07:16 PM
إخواني الأعزاء

واله أنا أكثر شوقا أن ألتقيكم ولكن زحمة عمل آمل أن تكون عابرة ولكم ودي يا اهل ودي فكلماتكم تثير في نفس الشجي وكأني أنقل بين بيوتكم العامرة وليس فقط هذه الصفحات والتي نامل أن تكون عنوانا للعزازة وأهلها لكل زائر للموقع ( فدعونا نعمرها بجميل الكلام فانا أرى بين يدي إبداعا يسعدني ، وكما قال الشيخ لطالب العلم ( تكلم حتى أراك) ، ولكم العتبى .

دمتم آمنين

تقديري ليكم من غير شهود بحكيهو
ما القلب البريد محبوبو بشعر بيهو
إحساسكم وصل وجوة الفؤاد طاويهو
واشكركم كتير كان الشكر بوفيهو

لو كلمات الشكر .. تتلمة
كنت نسجت منو قلادة للأخوات
وللأخوان .. كان فصلتو .. جبة وعمة

بت العزازة
10-05-2007, 07:35 PM
ابو اسامة بفرح كتير لما اسمك القاهو
عرفت انك طيب ودى الكت بتمناهو
ما قبيل كت بقول والدا رجع لجناهو
يارب طوالى بينا الغياب دى ما بنرضاهو
نور منتداك وفى الخيمة افصح عن هواهو
http://www.21za.com/pic/salam_kalam008_files/114.gif

النعيم الزين
11-05-2007, 10:18 AM
نقف ، نقول مرحبا ابا اسامة
قرأت الحمد لله على السلامة " بت العزازة " فسبقت الزمن ونتمنى لك السلامة :

مرحب باخو الصادق ود الصادقين
جانا الخبر الليلة صبحنا فرحانين
قسمنا الكرامة ناس الخيمة والغائيبين
سائلين الكريم حفظ الجميع قولوا امين

اكرر امنياتي لك بالسلامة والعود الحميد

ابو الخاتم
12-05-2007, 07:44 PM
شاعر مجهول يخاطب جملو مع مغيب الشمس
وهو يغادر البندر (رفاعة) متجهاً صوب البادية :

الدرب إنشحط واللوس جبالو إتناطن
والبندر فوانيسو البيوقدن ماتن
بنوت هضاليم الخلا الإنجاطن
أسرع قودع أمسيت والمواعيد فاتن


صلاح أحمد إبراهيم :

سردب يا جمل مالك عراك وجوم
الليل شايفو طوّل في بلاد الروم
ما حيلتنا كان سألونا يا أخو القوم
غير العنكبوت في البيت نسجلو هدوم


سردبنا وتحملنا ونفوسنا هنية
ومن لحم المسيكين ما أكلنا الشية
ما اتكرفنا جردل شايلو ود باندية
وأخرتها كوم تراب والذكرى تصبح حية

النعيم الزين
15-05-2007, 08:41 PM
هذه دعوة من اهل الخيمة للعزيز ابو الوفاء
اين انت ايها الصديق
تقف على باب خيمتنا ترقب حروفنا ومثلك لا تتعثر عليه المداخل
وباعك في صياغة الحرف ذو كعب عالي
نتمنى ان نراك يا صاحب الدار

أبو أسامة
16-05-2007, 06:56 PM
الخبر الأكيد قالو العزازة (اتجلت)
ومن زمنا قديم .. في حارة تب ما تخلفت (واتخلت)
أولادها الكرام .. بروها ..وفوق (البسيطة) .. إنشرت
بى موقع رصين .. بيهو الأهل (إنسرت)

(عزيزة الجزيرة) الليلة شوفي عيالك السووهو
شيدوا منتداك وبي جهد الجميع .. عمروهو
(بالعام) والفصيح (ورد) الكلام قطفوهو
سلوا القلم من غمدو ..
وكان دعت الظروف سنوهو

مشاكل الموية ما (ظنيتا) يوم تعجبكم
وما تخلوا اختلاف الراي يقيف فى دربكم
لموا الصف .. وشوفو الشورة
وكان ( روقتو ) حل الموية ما بغلبكم

العطشان فصاحة الدنيا من أقصاها لى أقصاها ما هاماهو
ويات من حي .. من الموية .. رب القدرة .. أبدعو وسواهو
جماعة الخير .. !! عدم الموية في حلتنا كيف نرضاهو ؟
وليها أيادي سالفة علينا .. (ودين) يا اخواني واجب أداهو

لازم كمان يا اخوان بالرأي جميعنا نشارك
إيد فوق إيد جميع نبنيها .. وما (نخليلنا) دربا شائك
نشيد للفصول .. ونصلح المتهالك
ونمنع للسيول في (9) و(8) ..
وفي السندة برضو كذلك

ياسرودالشيخ
16-05-2007, 07:30 PM
اخى عمار لك التحية .. طبعا انا اهوى الدوبيت شديد ..
بس ما حافظ شى والله ..
لكن اعجبنى الطرح . والفكرة اكثر من رائعة ..
ويا ريت نقدر نجاريك ..و
( فى سوق ابو جهل .. لاقيت رئس الدولة
شفت عيونو .. لولح راسى ..قلت لاحول عاد لا غولة ..
الفرد شلاخا جل المولى ..
ان مرقت موضة ساكت .. تحارب اكبر دولة ..)
ولو غلطان صلحنى . لك التحية

النعيم الزين
16-05-2007, 07:42 PM
مرحبتين رفيق الجمعية
حضورك مرحب بو فوق المية
نضمك درر تقودبو سرية
وحاشاك الغلط وسوء النية

أبو أسامة
16-05-2007, 08:04 PM
الخبر الأكيد قالو العزازة (اتجلت)
ومن زمنا قديم .. في حارة تب ما تخلفت (واتخلت)
أولادها الكرام .. بروها ..وفوق (البسيطة) إنشرت
بى موقع رصين .. بيهو الأهل (إنسرت)

(عزيزة الجزيرة) الليلة شوفي عيالك السووهو
شيدوا منتداك وبي جهد الجميع .. عمروهو
(بالعام) والفصيح (ورد) الكلام قطفوهو
سلوا القلم من غمدو ..
وكان دعت الظروف سنوهو

مشاكل الموية ما (ظنيتا) يوم تعجبكم
وما تخلوا اختلاف الراي يقيف فى دربكم
لموا الصف .. وشوفو الشورة
وكان ( روقتو ) حل الموية ما بغلبكم

العطشان فصاحة الدنيا من أقصاها لى أقصاها ما هاماهو
ويات من حي .. من الموية رب القدرة .. أبدعو وسواهو
جماعة الخير .. !! عدم الموية في حلتنا كيف نرضاهو ؟
وليها أيادي سالفة علينا .. (ودين) يا اخواني واجب أداهو

لازم كمان يا اخوان بالرأي جميعنا نشارك
إيد فوق إيد جميع نبنيها .. وما (نخليلنا) دربا شائك
نشيد للفصول .. ونصلح المتهالك
ونمنع للسيول في (9) و(8) ..
وفي السندة برضو كذلك

ياسرودالشيخ
20-05-2007, 08:49 PM
يا الزين النعم .. الجمعية قطعا عادت
ابشر بالمنتدى وايام لقانا العادت
وقول لى المحمود اصبر شوي .. اتوادد
الماسورة كبت وليهو تب ما عادت

النعيم الزين
21-05-2007, 07:38 PM
يا ود الشيخ .. الجمعية كانت محبة عظيمة
ويا ليت في المنتدى نعيد ايام لقانا الحميمة
وقول لى ود محمود ما بننسى الخوة وقديمة
لكنها ايام الغربة وظروفها اللئمة
الماسورة كبت وتاني بعيدو ليمها

لي ود النيل كتير سلامات
وعليك يا وليد تتنزل الرحمات
علاء الدين يا رفيق المهمات
والسترة ليكن يا اعز اخوات
وقول لي ود علي الكهرباء جات

محي الدين بابكر
29-05-2007, 08:59 AM
عزازتي وليدك إن كان هميم وناجح
بدمو بسقي الحلة
وبت السترة أم ضمرة
كان نظرت
بس تداوي العلة
وايد في ايد ترمي بعيد
حتى إن كان حجر أم جلة
واختو الخصام
وكتر الملام
وتكون غايتكم رضا الله

admin
04-06-2007, 01:52 PM
ابو الخاتم سلام الخيمة وين بتروح
دي محروسة نفيدها بالمهج والروح
دي للنفس راحة وللبال فيها بروح
بس زعلانة هجروها اللي لقلوبنا دوا جروح

ابو الخاتم
04-06-2007, 03:03 PM
الحراية في الخيمة :

الليلة الخيمة جابتلها إنكتامة وحرة
وغاب بارد نسيمها والسحاب إنصر
حليل أيام كان لينا فيها مسرة ..
شاحدين الله الكريم للخيمة تاني الطلة

وين فرسان نميمها أصحاب الوجوه النايرة
وين النعيم الزين ترحاب الضيوف الزايرة
وين أبو أسامة سيد الأدب ريس الدايرة
بندورالملم في الدنيا أم غرور الزايلة

وين أمات الصغار كريم والصادق
وين ستات النضم والحديث الصادق

معروفات من ساساً قديم بالكرم والجود ...
وأصناف الطعام .. الأيدي بيهو تجود
ما همانا شكلو لأنو جودو من موجود

ما لو عمار أخوي طول علينا غيابو
ما سائل عننا ذي النسى أحبابو
ما بنعاتبو ما بنلومو بس إسرع ويرد بخطابو

بعجل إرسل لينا نضماً لذيد أنغامو
من مغسول حديثو وشعرو وكلامو
البارد لهجو وحلو نسامو

وين ود العم العزيز أبو الشيخ ياسر
ود ناس خال أبوي النضمو موهو مشاتر
أب سيطاً سطع كل جنوبنا العامر
والاسم الكبير الفي البطاحين ظاهر
رسلنا ليك جواب والدعوة ليوم باكر



ونواصل ،،، إن شاء الله .. أبو الخاتم

النعيم الزين
05-06-2007, 11:16 AM
مجادعة دوبيت بين احد ابناء المغتربين و ودرشي عزازي
المقطع الاول
شهادة عربية
انا الكنتاكي ماكدونالز والكولا مصاصة
ذي ناس قزاز في رفوف مش ماصة
لناس اشبيشكل مش ناص قلاصة
كتشب ، مايونيز وحاجات حساسة
درشي
انا الديك الزعوري لليوم الاسود ساعيني
ولي ضيف الفجاءة بعد الجزارة خاتني
ماني الطرور نافشي ريشي قدام الفراريج متني
اتكجرن اضارن بي سواسيون ان شافني

شهادة عربية
انا الاسكوتر اب عجلتين سرتي
روعة وسريع في شوارع الاسفلت
ان صدم في حجر اه اكستندتي
لازم الامبلوس وشيليني يا انتي
درشي
انا عتود البرم اب قرونا بارزة
لايك لاجمي ما بتغريني ام ضروعا نازة
دغاي ونطاط ونطاح التقيلة الرازة
ومن لمحة اعرف الدارة والغارزة
ولنا لقاء مقاطع اخرى من خلال خيمة الدوبيت اذا اجيزت اصوات هؤلاء البراعم

ام كريم
06-06-2007, 04:56 AM
اخواني سلام
الليلة العزازة تتباهى بيكم وسط جيرانا
جاتكم بت الامين وجابت معاها اخوانا
وجاكم الفارس الفي ودمدني عندو مكانا
وجاكم عروة وخالد و بورتبيل ونوروا منتدانا
العزازة الماشموا نسيما ومااتربوا في اركانا
بس بي سمعتكم يااخواني سمحتوا صورت سكانا


مالوا اخونا ابو اسامة الليلة قافانا ؟
كمان ابو ميعاد ليه كم يوم ماجانا ؟
ياخواني انا برجى كلامكم وبيه جد فرحانا
وعايزاكم تتلموا كيتن علي اليابانا
كتير المستنينا يومن نلقى روحنا برانا
وكتير المستني اكمل كلامنا واتقفل منتدانا

سماح
06-06-2007, 07:41 AM
<div class='quotetop'>إقتباس</div>انا الديك الزعوري لليوم الاسود ساعيني
ولي ضيف الفجاءة بعد الجزارة خاتني
ماني الطرور نافشي ريشي قدام الفراريج متني
اتكجرن اضارن بي سواسيون ان شافني[/b]

هييييييييييييع

ابو الخاتم
06-06-2007, 11:19 AM
القطر :

ده رعيد بابور ولا رعيد مطر ما فرزناه
ده قطر المشترك أحمد محجر دزاه
طقع فلنكة في فلنكة
وعاط عيطين وفي الثالثة دخل المحطة

الشاي

يا أخوانا
ده الشاي ما أحلاه وما أغلاه
حداد ما دقاه
صايغ ما صباه
ده جابو النصراني أبو جزمة
وبالقرطاس عماه
أداهو سوق الأبيض والفاشر
والنهود محل المهدي جك العصا
***
الشاي أبو شعير الهني
الما بشربك الدني
حلال لي ثلاثة وحرام لي تلاتة
حلال لي الفقير البدلي في كتباتو
وحلال لي التاجر البوزنو بي وقياتو
وحلال لي الرزيقي يشربو بي لبن بقراتو
وحرام لي ثلاتة
التامة والبرقو والفلاتة

ABULWAFA
06-06-2007, 11:59 AM
سلام أولاد عزاز ,, وعزاز .. سلام أهلى
سلام للمبدعين بى جاى
حباب أب عاقلة ودخالى
سلام بى هناك .. سلام بى جاى
وكل توليفة بيناتنا .. سلام بالجد وبالهذلى

سلام فى الحلة لى كل زول
حضور فى فرحتى وزعلى
سلام .. أولاد رافع السمحين
وفى جواى قلب عمران
بحب بطحانى أو كاهلى
سلام أخيار بطون بهناك
سلام للشكرى والجعلى
سلام لى حلة خالية خصام
حباب نسبا يزيد وصلى
سلام لى ضيفنا بيناتنا
اذا للفاتوا .. أو تالى

أنا من حلة راقدة هناك
حنينة خلاص
بين السكة والترعه
فيها البفقدك ليل
فى فرحك وفى وجعك
ولى ضيفك يقيف سرعه
وقفلت بابو مى صنعه
وكرم أبواتو كان شرعه
وبعد ما يضيفوا الضيفان
ويلقوا الرايحه لى سيدا
يفرحوا ليك
وكم زغروده من زينب
شبيهة الريلة فى جيدا
وشان تبقى الملمة كمال
يجيبوا الندهة ترديده
نقول .. يا .. اب شام
ويا عبد الله ياغرقان
وسابق يا .. بتلحقنا
واذا ما الهابر اتبين
نشيل رايات
وكم (نص وقه) لى باكر
عشان مايكترو الجنيات

سلام ياحلة لى عيونك
مساك بالخير صباح لونك
ومنى سلام .. لكل مبدع فيك
تكتلو الحسرة من دونك
سلام للعلمونا وقوف
سلام للدرسونا حروف
كتار صبيانك الضكران
كبار فى الخلقة والأخلاق
يجوك لى نجدة الملهوف
سلام لشيوخنا فى الخلوات
سلام من فاطنه بت عشه
سلام لى كافة الأمات

سلام للشرفونا زمان
ولعبوا الكورة زى فنان

سلام من شيخنا لى طه
وبعده الصادق الصديق
ولو (بوسنينه جاب النور)
أكيد تنتخبوا ود حسان

سلام تانى .. سلام آلاف
سلام ود سالم الغناى
وود السرة فى القوقاى
وشيخ الريح الوصاى
زمان بى غناهو أطربنا
وهسى كلامو يا مولاى

سلام لكافة البنوت
سماحنا السمحة فاتت جيل
وبت أب شوك
أكيد خدامه زى قنديل
وتكرم حت ضيوف الليل
وأم الصادق الفنانه
شرف الشوق
بتكتب تروى زى النيل
وديك دكتوره أو (عابده)
وكل بنوتنا فى الداره
يمينا لى شقاهن أشيل

جيت بى دعوة شان أكتب
(نعيم الزين) رفيق الرحلة والسنوات
علاقة متينه ماها كضب
وعشان خاطرك جاتك جايطه
وحلفت انا ليها ما رتب

بت العزازة
09-06-2007, 05:19 PM
طال غيابكم وينــــــــــكم انتو ووينو قولكم
وينا لمــــــــــــــتكم هنا ووينو ريــــــــدكم
وينا كلماتن حنينه نابعه من اعماق شعوركم
تانى ما تغيبــــــــو وتدو فرصه لعزولــــكم

ابو الخاتم
12-06-2007, 07:00 AM
ابن الخال والخالة
والعم والعمة
ابن البيوت بره وجوه
النذير ..
لك التحية ..
أب أحمد ..
يا عديل الراي
أبو الوفاء ..

وعذراً أنا احتج على الألف واللام الزائدتين
رغم أني لا أنفي صفة الوفاء عنك وفيك
وأنت أهل لها ولغيرها ..
سعدنا والله بانضمامك
وده من حقك
ونحن كما كنا سنظل
إن شاء الله ..
ما بقي الزمان موالاً بيننا
وأخضراً
حيث كنا وما زلنا
ما في فرق والمسافة البينا
ثلاثة أمتار فقط
تجاوزناها طولاً وعرضاً
وكماً وكيفاً
الصينية مازالت واحدة
مختوتة
تحت ظل النيمة
أو جوه الديوان
يعلوها (قرع بوكاسا)
وفاصولية صلاح العاقب
وجذر وبنجر شيخ الريح

أخي النذير
تحية وسلام مجددة
وحبابك عشرة في الخيمة
وشرفت وآنست
واستأنست إن شاء الله

ونتشرف بقدومك
ولنا فخر
ونقول جانا منادي
غنى معانا ...

ومليون سلام ،،،،

ابو الخاتم
12-06-2007, 03:32 PM
مسرحية المك نمر ــــــــــــــــــ ابراهيم العبادي

طه : أخوك يا ريا أخوك وقت الخيول إدبكن
أخوك يا ريا أخوك وقت الرماح إشبكن
أخوك جبل الثبات وقت القواسي إتحبكن
كــــــم بكيت وكم قشيت دموع الببكن
ريا : وراك أسود عليّ ما نمت هسع طيب
طه : ها بســــــم الله ... قولي أخوك طيب
وشديد وحاضر وقلبو ما هــــو مغيب
إلا الشفتو في النوم من هوايلو يشيب
الزول في الصُحا مهضوم عليهو شقاهو
وإن غمد شويـــــة تجي الهموم لا حقاهو
الصف أب ليوث أنا ما بخاف لقياهو
يا ريت الحلم في صحوي كان بلقاهو
كان خير ولا شر برجاهو ما بهم بالي
وحارسنـي الثبات من الكبار قُبّالي
وقت هسع حسيت وشفتك قاعدة قِبالي
إن إتلخبـط الكـون تاني ماني مبالي
ريا : كعب نوم النهار أمس العصير كــت نايمة
رأيــت قدام فريقنا أشوف صقوراً حايمة
كبيـر غـار علي من نومـي تبيـت قايمة
صحيـت مهجومة لا مفصل ولا فيني قايمة
طه : إنت كمان رأيتي صقور ؟!
( هنا يشعر طه أن حلمهم مع بعض ) .
علامة كافية ظنيت الحكاية قريبة
هاك مني الصحيح الما بتدخلو الريبة
هادي الحلة بي عيني بشوف تخريبها
( دحين يا أختي يلاك لي أرض الجعليين نعيش باقي حياتنا معاهم ) .
.. هنا ريا قنبت تبكي) .
طه : ما بفيـد البكاء وكـلامي أحسن تنسي
ريا : كيف ما ببكي كيف أفوت مراتع أنسي
أفقد كل شيء عزي ورجالي وجنسي
تطلـق فــوقي ناراً عقباً تقــول أنسي
ما ببكي الفريق ببكي الرجال قُبالو
شن طعم الفريق ما بيوت شقاق وحبالُ
خرابو إت حين ما يمر بالبالُ
إلا يقـع قتالاً بعدو نلقى وبالُ
طه : ها فال الخير أخير ما شفنا شيتاً جت
كل الشفنا أحـلام في طريق إتعدت
قبل الليلة بي دي حماني قط ما نـدت
ما بنهـدم شرفنا لــوالسـما إنهدت
ريا : وريني الحلم التوركَ مذهول ؟
طه : أصبري لي أروق عقد الفكر ممهول
أحكيلك شنــو الشفتو والله مُخـول
شفت الوحدة .. وشفت النار .. وشفت الهول ..
أحكيلك تمام الشفتو ما بتغابى
جايين العصير أنا وإنت من الغابة
سايقا ليك بهم قدامك بي رُقابة
بينا والفريـق إتولعـت التُقابة
قـدر ما نشوف بعيد قدامنا نلقى حريق
وقـت النار علت ما شفنا تاني فريق
باصرنا المروق ما لقينا لينا طريق
تشكي من العطش وأخوك يابس ريق
فتــرتي قعدتِ وأنا محتار جلست حداك
حاقب الدركة ختيت سيفي فوق أوراك
وقـت بعد البهـم دا كسحتي إنت براكي
كسحتي وجيتي ومعاك كور صقور تبراكي
تبيت بي عجل شافني جفلن وطارن
غابن من عيوني وفي اللعوت إضارن
ما غابـت كتير جـن إقدلن إتبارن
قدامـن كبيـرن عيرني وغارن
سل سيفو لا قاهم أخوك يا الضامرة
تور عنـــز أم هشيم الفي المجامع دامرة
سيل تلا واندفــق فوق السحابة الهامرة
حجر الصاقعة فرتاق الصفوف العامرة
بادرني الكبير ديك إستعـدن وقفن
ما مهلتو طار راسو وجناحي يرفـن
طارن ديك وقت بي ريشو رقد إتكفن
ريا : عارض ومات لي الليلة إمكـن عفن
طه : نحمد ربنا الليلة مات عارضنا
وإن كان عمرو طال يا ريا كان قارضنا
يلحقــو بي عجــــل ديــش همنا المارضــنا
إن بدا زواجنا بكرة منو البجي يعارضنا
بطال البعيش في الدنيا أصلو مناهو
إن كان مالو راح غير أهلو مو مدناهو
سمح الفـوق أساس أبواتـو تم بناهو
والـزول دون قبيلة مناهـو شن معناهو
ما بنفـرح بمال ونقـول كفانا ورثنا
نفـرح بالرجال في الحارة يبقوا ترسنا
نجمع ناسنا هيلــنا من الكبار حارسنا
يحضروا أهلنا فرحانيين يباهوا عرسنا
كل بطحاني يفرح بي عرسنا مناهو
ساعة جمعتهـم بيتنا بنتـم بناهو
عزابي عيشة يا ريا ما مُرضيه مناهو
سمح الزول حبيبه يلد ويربي جناهو
( كان والدها لم يتم السنة عايزه كلام ذي ده لا يذكروا ليها سيرة العرس ) .
ريا : ده الأعـوج تراه والشين نهايـة حدو
وإن شاع ده الخبر يملاً الفريق لا حدو
إقــولوا أب كبس من دخـل ود أحدو
فرحوا وعرسوا لا من حزن ولا حـدو
وإن كان في الفريـق ماتت مرية ذليلة
للحول يرفعوا العـرس البختوا الليلة
خليهو أب كبس رأس الرجال وقليله
لو كان بيقيلـوه تعدي تبقى قليلة
خليهو الكلام وعرسنا سيد الحال
من بالك أمرقو محال وألـف محال
على ميتة أبــوي الليلة حول ما حال
نصبح بكرة ونسة ونشب بشاتين حال
طه : هأ الموت مو شمت غاية البفوت والببرو
والحد والحزن ما جابـو زول من قبلو
الـزول في الشدايد أول يلزم صبرو
بترحى الكريم مولاهو كسرو يجبرو
بنخاطر من الوجعة هيلنا برانا
نحنا أهل المُصاب الناس لــزم جابرانا
في آخر المـراح دايماً تجي الفترانة
عادة الحد ندوسها الناس عقب تبرانا

ريا : الناس بالمكارم والفعال تتباهى
وينشأ الـزول فطرة حسب مرباهو
عادة جدو عادتـو ومتل أباه نباهو
يلبس تو ب قبيلتو إن دارو والله أباهو
من الليلة حول نقضيهو تاني اتكلـم
الدايـر يتـم رب العبـاد إن سلم
طه : تاني أنا أقضي حول وأنا بالحسار أتألم
علي حكمك صعب أنا قابلـو ما بتظلم
لكن مشيتي للسنة قاسية وصعبت علينا
ريا : تم الاتفاق من الكلام خلينا
زي عادة البلد لا زدنا لا قلينا
إن شاء الله السنة بي خيرها زايدة علينا
يا طه البهم قَاربن راجوعة الراح
بنات وأولاد هديك ناس فريقنا الراح
تصبح سمعتـها من الكبـار الراح
قالوا العربي ما بنعز كان ما مراحو
( هنا تخرج ريا ماشة ويظل طه يعاين ليها ويقول ) .
طه : آه يا ريت السعادة إن كان بقت بي إيديا
كنت أعيش هني في الدنيا بالزندية
علي حكم ناس الفي طلبـوا الديـــة
المـوت بالعطـش والمويـة فوق إيديا
ريا علي قاسية وزايـدة في التفنين
آه يا ربي أرحم صدري أنس ضنين
يمحق دي السنة ربي الحليم وحنين
يخصم من حياتي رضيت بعشرة سنين
كيف أهنأ وأعيش وأنا صبري ولى مودع
وسببو الدحرج المـن ما متــور متفــدع
جنيــت وجني جن وحالي أصلـو مبـدع
أهج في الجيش أهج .. فاضلي تاني أجدع
(قامت ماشة على الفريق لا قوها جماعة كدي قدام الفريق بجمالن وبتاع ده يعني ملامح من الحلم تقريباً يعني ديل نفس ناس ود دكين ومعاهو جماعة ماشين حتة إسمها أم شديدة جات مارة كدي فوقهم ساكت فايتة فوقهم ناقم واحد عربي مع شيخ العرب قاليهم ) .
العربي : بي الضيفان تمر لا سـلام لا كلام
صدقوا أهل المثل توب العرب صُـح لام
( هنا ريا تلتفت إليهم وتقول ) .
ريا : حبابكم عشرة من دون كشرة وألف سلام
يا وجــوه العرب المتــلي ما بتلام
أنا بـت الرجـال أهـل الحـدق والسيف
بت المابهــم بي حساب الخريف والصيف
بت البحجزوا المرقوب البكرموا الضيف
أنا ريا إن كان شفتكم أفوتكم كيف
العربي : من وين في الأهل يا بنية كفاك فخر ؟
ريا : أنا بــت البيـوت المـن بعيد معنية
أنا بت أب كبس في النسبة بطحانية
بي فوق للسماء نفوسنا وتاني بيوتنا حنية
( هنا شيخ العرب عرف زولتو الدايرها لانو قبال كده سمعان بيها ساكت رد عليها ) .
شيخ العرب : آه عبد الله أب كبس عز البطانة وفخري
وفي راس العـرب بنعــد وما هـو الوخـري
كريم وهميم وصميم وكان للقبائل دخري
بــت شيخ العرب هيلك صحيح تفتخري
توقــــد نارو ديمـــة المابكــوس الجمرة
وفي ضيفان يمين وسكينو دايماً حمرا
بي كـاس ماعبر لـبن إجيـك بالعمرة
هيلو الشكرة .. هيلو الراس .. هيلو الإمرة
المرحوم أبوك كان للقبيلة غطا
عـزاك قديـم حسين أبو طه
إن شاء الله يكون أخوك دي السكة ما تخطاها
( دايرها تديهو كلمة ناقصة في ولد عمها ) .
ريا : كان ما بسد مكانـــو قدمو ليه ياطاها
لا يفوت ولا يموت الساحتو يوت مغشية
تقابة الفريــق يوقد صباح وعشية
زايد في الرجال طالق قفاي ووشي
ضيوف الليل يكفيهم مرارة وشية
شيخ العرب : ما دخلت التراب البركة في الزرية
والخلاك وراه ما هو المات يا ريــا
دايماً في القبائل سيرة أبوك مطرية
بيك وبي أخوك تزيد ودي المحريـة
( تاني العربي داك سأل ) .
العربي : ما بتسألي لامن وين ولا وين ترسو ؟
ريا : كيف العربي يسأل ضيفو كيف تنسو
أول بكرمــو وبخابـرو ساعة أنسو
من مقلب حديــث تعرف أبوه وجنسو
العربي : عملتي حسابو ضيفك وكرمو وجيتي
ويخجل كان سألتيه وإسمو ما عرفتيه
واسم شيـخ العرب سامعابو ما عرفتي ؟
( داير إوريها بأنو حمد ود دكين ده راجل غني وراجل كذا وكذا عشان تقبل بيهو ) .
ده خريـف البطانة الفيها ما لو مشـــارك
هيلو السارحة .. هيلو الصاهلة .. هيلو البارك
ما وقع ليك كلامي .. ساكتة لي شنو خبارك ؟
فخرك ود دكين جاك في فريقك زارك
ريا : مرحب بالعز وموهو كفاية
أب ناراً تولع لي الضيوف دفاية
بي شيخ العرب الافتخار مو كفاية
نتابعو إن جانا نفخربو ونخدمو حفايا
شيخ العرب : بارك ربي فيك عقلك يــدوم يا ريا
وكرمك موهو كلفة دي طبعتك فطرية
إياك بت أب تروب والسمتة فيك محرية
قديم فوت البطاحين عزة للشكرية
( هنا في المحل ده جاء داخل طه ود عمها ) .
طه : سلام شيخ العرب مرحب خريفنا الزارنا
مرحبتين حبابك واشرفنبو ديارنا
تنـزلوا في الدرب ليه ماتت نارنا
شيخ العرب : حباب طه الضرس الفي الصهيباب راس
الجود والكـرم هيلك قديم ميراث
نـارك ما بتمـوت يا ولدة الحُراس
قاصديـن أم شديدة ومعانا عوجة راس
طه : لعدوك العوجات في الكبس سراي
راسك ما بدوس مليان رجالة ورأي
باكر لأم شديدة بركب معاك براي
يا شيخ العرب لكن تختوا كراي
(كراي دي لخمت شيخ العرب ما قدر يعرفها قال لي طه) .
شيخ العرب : هادي الشورة يا طه القلبنا دليلها
كل البنزلو فيك نلقاهو قليلا
طه : كراي الدايرو تبقوا ضيوفي إنتو الليلة
ترقدوا في الفريق حتى إن عشاي بليلا

شيخ العرب : مسكنا الدرب أسرع قــوام ما تلعب
ودارك ديمـــة عامرة والسمح ما بتعب
بكفينا الوصـف لا تشد جمل لا تتعب
وهدنا الطريق عقب الوصول ما بصعب
طه : يمين تخشـوا الفريـق بتفوتـوا نحنا مقابر ؟
شيخ العرب : ما تهدم فرحنا إن شاء الله أمر وإياك مرسى العابر
(مشطوطين خلاص مسكنا في الزمل لزم خاف عوجة الطريق من للمغور خابر) .
طه : دريـب جابر مزم والسكة سالكة ورايقة
فـرقـان ما بلاقـوك ما بعقــوك عايقة
أخـت خاطرن نحنا قالوا واصلة السايقة
بتتراوح لي أم شديدة باكر وماملك فايقة
شيخ العرب : الــزول إن وعد شين كان ميعادو يخلفو
وفي ربط اللسان يسخابـو دمو يتلفو
سفـري الليلة زولـين فيهو ما بختلفــوا
ضروري أصل أم شديدة علي وعد بحلفو
ما بعرف أزاوق من نشيـت تبيت
فريقكم لي فريق وبيتكم يمين لي بيت
أجيكـم ديناً علي إن بقيـت حفيت
هاك وعداً نجيــض أرجاه بكره مبيت
شوفتي للفريـق أيام بكاء أبواتك
مو غابيني حال وسمعت بي أخواتك
فريقك بكرة نحنا ضيفو وما بفوت وحياتك
إلا أحققك وبراي أشوف نفحاتك
يا ود الهميم النفسو مو معارضاه
كرم الضيف عليك مكانة أبوك فارضاه
جاييك في أمـر إن تابا وإن ترضى
غيرك ما بكوس وأملي بس تقضاه
طه : غرضك مقضي إن احتاج لخيل وجمال
والضان والإبل سارح يمين وشمال
شيخ العرب : فـوق القلتو أنا لي فيك آمال
طه : ها الغرض بي دمي ده بقضاه خليه المال
( ده ماشي بي جاي وده ماشي بي جاي طه عرفو داير شنو ) .
شيخ العرب : سمح وين الدرب خطرنا
طه : دربكم في السلم

شيخ العرب : والله تـــب مـــــــــا ودرنا
وبكرة نجيك إن قلينا
والله كترنا ...
(وقاموا فاتوا) (باكر بتكلم طه مع بت عمو) .
طه : في البال ضمير شيـــــخ العــــرب متعوب
وقايم نفسو يختف في الكلام مزروب
الراجل زمان كـــــــان ضحـــوك ولعوب
مو خاتيك شيء ما شفتي كيف مرعوب ؟
حمد ود دكـــــين مرتع ديارو وربعو
ده الشيء السمعتو من الآباء والتبعو
الراجل فعايلــــــو ببيننلك من طبعو
أنا ود الخلا البعرف أسودو وضبعو
ريا : شـــــــــين كــــان إخلــــف الليلة ميعاد جيتو
رجال وحريـم عموم أهل الفريق في رجيتـو
قطع السارحة كل زول في مراحو وسعيتو
كبـــار وصغـــار وحتى الراعـي خـلا رعيتو
طه : محال يخلف محال قال جايبو غرضاً عندي
ريا : كــــــــــان غرض صعب ..
طه : كان راس نمر في شندي
أوعدتو أقضيهو وأبذل كل جهدي العنــدي
كان بي المال وكان بالراي وكان بالزندي
ريا : هيلك قديـــــم إنـــــت البجيك تحجالو
لكن ود دكين عاصر بدين برجالو
( تشعر بيها إنها عرفت حاجة ) .
طه : ريا الكـــــلام ده أخيــر تقفلي مجالو
وكت أوعدتو بقضالو غرضو الجالو
( ها في محلهم ده جو داخلين تلاتة بطاحين عبد الله ، خلف الله ، وأحمد قالوا سلام يا طه ) .
طه : مرحـــــــب بكـــبار قبيلــتي وعــــــزي
مرحب بالأسود البكبعوا المستهزي
ريا جــات قبيلتك فوق انكعي بهزي
وإن زحيتي يوم الحـــارة قرنك جزيـــه
ريا : أولاد بطحان تعيشو ويزيد مراحكم ناير
وناركــــم في سرات الــوادي تهدي الحاير
بتحلوا النضــــــم بتصدو غارات الغاير
ما هيلكم تزحوا إن كان يزح الداير
( هنا في واحد إسمو خلف الله قعد يرجف هاش ) .
عبد الله : خلف الله ولدي أقعد قبالة عمك
كــــــــــلام ريا ده بشوفــو غيــر دمك
مـــــــــن زمنناً بعيد متمني أسمع نمك
فـــــــــــــرج همنا مولاي إفــــــــرج همك
( دوبيلنا قول دوبيلنا ) .
خلف الله : ( هنا قعد خلف الله يدوبي .. طه جاهم قال ليهم ) .
طه : هـداك ود دكين بي زملو بان شفناهو
داير اليـــوم يروح خلف الوعد خفناهـــو
الراجل في الأصول مو خاتي لي معناهو
يا ريا استعـــــــدي الــــــــــزول جميع نعناه
( جاهم شيخ العرب قال ليهم ) .
شيخ العرب : أولاد بطحان سلام أهل النبأ والشكرا
ســـلام عز العــــرب أهل الفحل والبكرا
سلام يا طه يا أهل راس الكرم والضكرا
جيت لي غرضي يا طيب الأصــــل والذكرا
طه : مرحبتين حباب شيخ العرب حباب خريف الرازة
مرحــــبتين حبابــو البيهو القبايــــل عـازة
حباب سيف النصر البيهو هايشة وهازة
في يمينـــــك قبيلـــة ما بتقبــــــــــــل فازة
عبد الله : هي جايهو الزمل
شيخ العرب : خليها يا عبد الله غرضي إن ما انقضى زملي ما بتدلا
طه : النـــــــاس في رجـــــاك مـــــن الصبـاح في ملة
كدي شوف الطعام شيخ العرب بسم الله
شيخ العرب : ما باكـــل طعام كان ما حسابي اضرب
وقضيــــان الغرض فيكــم حقيقة مجرب
الأمـر العنيتــــو وجيتـــــــو كـــان ما أدرب
ما بنفعني أكل وما برويني مهما أشرب
عبد الله : يا شيــــخ العرب أمرك خلاص همانا
قول غرضك عديل خصصنا أو عمانا
هســع نقضـــــــاه ليك في محلنا اللمانا
كان بي مالنا كان بي بالنا كان بي دمانا
شيخ العرب : عندكم الغرض لا بدور قلم لا ورقة
ومو غرضاً تسافرولو وتقيسو الفرقة
بقضى كان قلتو خير لا بدور سيف لا درقة
وإن قلتــــــــــــو لا يـــــروح شمـــــار في مرقــة
ما مقبوض ولا جني جيتكم فوقي جنية
بي خيــــــــــري ومرحاي وتاني نفسي غنية
جيتكــــــــم نسيـــــب تـــــــــــدوني بطحانية
عبد الله : خير سميها
شيخ العرب : في بت أب كبس لي نية
عبد الله : بفتخروا البطاحين ساحتهم راحة بالك
لكـــن ريـــا أمـــرها منهي مـــــن قبالك
فات فيها الفوات لي طـــــــه هدا قبالك
من دون ريـــــا قـــــول الدايـــــرو في بالك
دا فريـق الصهيبان ما في واحدة حقيرة
مال ورجال في الحلة ما في فقيرة
كتير زي ريا مليان البلد من غيرها
إن درت الكبار وإن كان قصدت صغيرة
شيخ العرب : إن مـــــال الشجر ما بتكسرن فراعو
وقمحان لي الطلب لمن يجيبوا ضراعو
ليـــه يا أهلنا البيناتنـــــــــا ما بتراعوه
القال راسي موجعني بربطولو كراعو
عبد الله : حبل المهـــــــــل يربـــط وإنـــــــت ارتاح بيت
وباكر نمر سوا ونفلي البيوت بيت بيت
وسمي الدايــــــرو لــــــــوم البقــــــــــول أبيت
شيخ العرب : يمين بالله غير الغاية ما لي مبيت
طه : يا شيخ العرب أمرك بشوفو حقارة
وما جابباك مرأة الجابتك بس غارة
وقرناك كثير نفسك أبت وقارة
خبرك هـــــذا ما بدورلو دق نقارة
( واحد مع شيخ العرب إسمو علي رد علي طه قال ليه ) .
علي : قبلك في اللجج يا طه راحوا إنهدوا
بتجــاسر علي شيــــخ العــــــرب بتهذو
زولكم مو عاقل يا كبار أكمل تهدوه
بعنادو الفريـــــق خايــــــــــف يسبب هدو
طه : أنا المالح الكارب خريفي وصيفي
المتلك تبيع ما أظن يطل فوق قيفي
كـــــان ما الليلة في بيتي وبعدك ضيفي
في الشيء السمعتو برد عليك بي سيفي
شيخ العرب : كفى يا بطاحـــــــين فيكم أتغشينا
وكرمك جانا طامح رخسة واتغشينا
بعد الشيء السمعنا تاني كان ما مشينا
خايــف في اجتماعنا تقــع وقايــــــعاً شينـة
أها في وداعة الله ــــ تاني بيناتنا ما في علاقة
وإت يا طـه إتشفيت شبعت شــلاقة
عمرت الشر سعيت دليتو بي معلاقة
نحنا وإنت بعد الليلة يوم نتلاقا
عبد الله : مـن ولد زعلت كــل البلد بتكــــــــاور
أرحكم بيت نبيت ونحنا زولنا بنداور
نتقابـــل جميـــع نحـــزم جميـــع نتشــاور
(هنا تشعر بيهم زي الخافو منهم كده شوية البطاحين خافوا من الشكرية لأنو في قلة بعدين شيخ العرب قال ليه ) .
شيخ العرب : ضيف الغابة حالف ده الفريق ما بيجاور
عبد الله : سمـح أرجانا يمكن طه نحنا نجبرو
شيخ العرب : الزول في الرقاد شقو البريحو بخبرو
والـــزول البليد بي يــدو بحفر قبـــرو
عاد بنسوي عوسنا وطه يلــزم صبــرو
طه : سوي الدايرو وكتر الكلام خليهو
والشــر القصدتــو معاي أبقى عليهو
طير أصـــل السما حتى القمــر دليهو
يوم نتلاقى كل واحداً بعرف الليهو
(بعدين هنا طه دايز إمرق قام أحمد لحقو قال ليهو )
أحمد : أقيف يا طه عندي نصيحة ليك أبداها
العقــــــــدة الصعيبة العاقــــل بتعداها
الشكرية كـــــــترة نحنا ما بنلداها
أنا عندي العرب بي ريا أخير نفداها
طه : خـــــــــــــلاص يا أحمــــد تــــــراك بفكرك
روح لي ود دكـــين وريهو يسمع شكرك
يديك مال كثيـر وقبيلتو ترفـــــع ذكرك
تصبح عمدة فوق رؤوسنا تخلف حكرك
(جاء عبد الله برضو قال لي طه غايتو أتعبو خلاص) .
عبد الله : ليه أحمد تهينو نصيحتو مو ضاراك
مـو حــق التقـــص إنت بتعرفــــو براك
وكت بتسوي عوسك وما بتشوف بي وراك
نشـــــــــــاور ريــا إمكــــن ريــا مـــــو دايــــــراك
طه : صدق القالو خربانا البلد بي كبارها
هديــــــــــــل ريا أسألوه واعرفوا أخبارو
من غير السفـر ما عندي تاني دبـارة
نحنا وإنتو بي دي الحالة ما بنتبارا
أحمد : يا طــــه المصاعـــــب لـي القبيلـــة تقــــــودا
مسافر وين مخلي النار بي وراك ميقودا
طه : أنا السمتان جليس الردفولا عقودا
حد السيف بقطع عقدتو المعقودة
ما ولعـــت نــــــار إنتــــــــو تقعوا فيها
شن دايرين براي وأنا ناري متدفيها
أحلف ليك يمـــين دي الحلة متقفيها
باكر من صباحي قبل يحس الفيها
عبد الله : نحنا كبار أخيرلك ترضي بي عرفتنا
مع الشكرية أحسن نشتــــري الفتنة
نــــدي ود دكـين ريا ونكتل الفتنـــة
ما من خوف .. ملاقاة الرجال حرفتنا
طه : من الفيها ما بزح إن كان تزحزح مرة
وإن حـــــين نعــــود إن طــــال زمنا ومـــرة
عيش الدنيا إن كان يحلى وإن كان مرّ
الزيـــن ما بــــدوم والـــزول بموت فد مرة
عبد الله : وقت صممت ما ترجع وتسمع قولنا
وسفرك ده محال ما بقبلنو عقولــــنا
الموت ما بنخافو الخوف يمين ما هولنا
بنعايـــــن بعيـــد بنخــاف بهـــادل عـولـــنا
الشكريـة بسيوفـنا صغيرنا معتــق
ما بنابا القتال ونقول جرحنا اتفتق
مرحبتين حباب الشـر محل ما بتــق
تنقـــــد الرهيفـة إن شـــاء ما تتلتـــــق
طه : الشكرية غوش واكتر علينا حساب
وضيف ليهـم لميم ما بتربطوا الأنساب
وأنا لغارتهــــــــم حسبت ألف حساب
لو تتعدوا رأي يقين عذابكـــــــم ساب
بجيكم حمد ومعاهو الرجال تابعاهو
قولـــــوا طـــــــــــــــه طفـــــــــش وريا معاهو
كيف نرضي السفيه الأدبة ما برعاها
يرفض طلبك إنت ونحنا كيف نسعاهو
أبقوا قصادي وحدي القبيلة محايدة
عقبال من رجع فوق الخساير عايده
إن كان دارني أنا ما بترجع جموع الزايده
وإن حصلني قـــــــط ما أظن إعود بي فايدة

عبد الله : ما بقيف ود دكين واصل السرج ملعوق
وفي دربك بســـــــــوق وإياك يا طه ملحوق
وإت صنديد تصـــــــــد المية ماك ممحوق
بنخاف كترتـــــــم وإيد الرجــال بتحوق ؟
طه : ليه خايفــــــين على الدنيـــــا عيشــا مخاطر
الواجب نسويــــه ونرجى ستــــــر الساتر
في وداعة الكريم الليلة نيتي خاطر
يا دا ر ريا ما كان الفـــــــــراق بالخاطر
كفاية مع السلامة انتهيت خلاص
غير الشورة دي ما لينا تاني خلاص
في يــمــــيني الحريري الدكري القصاص
ما بخاف ود دكين إن جاني بالرصاص
(قام مارق منهم وساق بت أعمو ماشي بيها طبعاً لأرض الجعليين .. ما شي للمك نمر يوريهو على إنو نسيبك ده جاي يقلع مني بت عمي ــ قام مارق ــ بعدين أحمد قال لي عبد الله) .
أحمد : عـــــــم عبد الله خبرك هـــذا شيتاً فاجع
كيف بنطاوعو من بيناتنا إطفش ناجع
عبد الله : سمعـــت كــلامو مــــن الفيــها مـــا متراجع
وفي الشيء الشايفو قط بي هينة ما بعود راجع
أحمد : نركب نلحقو نخليهو يمشي بر اهو
عبد الله : شورة القال أخير من لحقو ونبراهو
العاقل بحسب للتجي تافراهو
بفكر في القدامو والبي وراهو
أحمد : فوق سقوط القطرة في ظني ما يخلوهو
كيف موقفنا ساعة إلحقوا يكتلوه
عبد الله : إن وقـــــــع القدر ما بتقدرو تصدوه
وده كتر كلام أحسن أخير تخلوه
(بعدين آ آ آ ساق بت عمو وفي الخلا كان بحجي فيها) .
طه : درقي يكركب كيم
ركبي يشيــل بر عمــو
أصلي بطرز أمو
مني تحود الأمـة
جمل يكسر القـــربة
سيف يحل من مجربة
قلبي سنـــين تربة
ما بتدماني الغربة
يا ريا الحلم ما شفتي كيف إتهول
واتفسر براهو وبالشين علينا إتأول
داخــــل راسي فكــــــراً منو ما بتحـــول
بقتلو ود دكين إن كان قرب أو طول
ريا : أسو د ود دكين بي إسمو ما تحجينا
هــو الفرقـــنا قمـــنا من البلـــد هجينا
عقب في دار جعل تاني الخراب ما بجينا
ما بســـــــــــوي الـــرماد المك نمــــر بحجينا
ريا : ماك شايف الدرب ؟
طه : ما شيهو بي كرعي تلات أيام وضحي وكان معاي سعية
كيف إلحقنا زول شندي ومعاه معية
قبيلـــة دار جعــل محميــة فيها أسودا
تقدل بالمكارم وديمة حاقدا حسودا
را س المك نمر كل القبيلة يسودا
ركازة القبايل في السنين الســـودا
بكرة نجيه وسيفاً يجيك بولادو
العز والكرم من الكبار تيــلادو
ما أظن ود دكين بي شينة يوطأ بلادو
ما خد بت أخوه شمة أم أولادو
إن ودعتك المك ما بخاف المتلو
أهــــون زي شراب الموية عندي أكتلو
وارجـــــع للبطاحــــين وتاني راينا نفتلو
والشكرية تقيــــــو غير حـــرب ما بتلو
يا ريا البطاحـــــين أصبحت محقـــــورة
علي الشكرية دايماً سارحتم مدفورة
ما بتقــــــال عز وتعيد مكان وقـــــــورة
إلا الغارة وتقضى صقورا
ريا : في داب الشديــــــدة أبقالــــــنا قـــــوم دربنا
بي وصفك دحين من شندي نحنا قربنا
ما بفتـــــــق عشــــــــنا بالفتقـــــة دي تفرقنا
ما بنـــــوم الرجال إمكن يمسكوا دربنا
طه : يسمع حركة ..
ريا : شد ديل يبقى رعاوية
طه : حركة صُهب ده ركوب سروج مو حوية
وقربــــــن مننا وفي ظـــــــني ناســا شوية
وكان ناس فزع ما بجيبوا حتى ضوية
ريا : ياهم ناسنا خمسة عقاب رجالــــو وينن
ما بتشوف ود دكين برز براهو هوينو
طه : الشيء البــــين نحنا سعينا لي تهويلو
وضايقنا الصعج ما أظن يعود لعويلو
الناس المعاهو عـــرب صعيد يا ريا
ما أولاد عم ديل والله ما شكرية
معروفين تمام في كل بلد وجرية
كان حفرولو بير ولقــــوه شجرة ضرية
عارفين ود دكين ما بهم بخيل وجمال
بكتلني ويســـــــوقك وهم بسوقوا المال
وبقتلوا ود دكين ودي الطانها في فكري
بتشوفي الفضايـــــــح المابجيك من شكري
الشكرية فرســـــــان ومستحقين شكري
ده الصح قلتو ليك أنا لا بخاف لا مكري
ريا : يا طــه استعــد الناس عنـــــونا عديل
طه : وين شفتي القطاع بتسوي هم قديل
بضاير العوقة أخوك المابهــم من ديل
براك بتشوفي ياما أشبعهم من بهديل
(هنا شيخ العرب جاء وقف جمبهم قال لي طه)
شيخ العرب : أتعبت الزمل حفيت وراك مستبقاً
أحسن ليك تفوت ريا وتحل الرفقا
طه : كان كل القبايل جات علي منطبقا
أفوت من ريا يا شيــــخ العرب ما بتبقا
شيخ العرب : البــــلاوي القبايل ما بسوي سواتك
خربـــــــت قبيلتك يا طه وين داواتك
تاني بحد جريك البشهدنو أخواتك
فارقــــــت الثبات فارق درب أبواتك
أبواتك تيوباً كانوا باعهـــــــم طايل
إيـــدن في الـــرقاب تحـــجى وتعـــــــدل المايل
سيف باعك كراعك ما بتخاف قول قايل
أفــــو يا ود حسين فيك الســــؤال مـــو خايل
أبـــــقى لي نسيـــب أحجاك وآمن روعك
وقول الدايرو في الملك أجيك في طوعك
من هـــــذا الغرور يا ولدي أولى رجوعك
طه : يا شيـــخ العـــــــرب جربت لحسة كـوعك
كل ما أوغرك ... في الشينة أراك تتقدم
إتعرميت خلاص أنا صبري حسمو إتهدم
أصلــــــو البينا ما بتنفك مــــن غير دم
الكاينة التكون بي وراك مافي ندم
(واحد جاي مع شيخ العرب ـــ عربي ــ قال لي طه)
العربي : أصلو الخملا مابسمع نصيحة الهادي
أول خفـــــــــنا ليك من البهادي الهادي
يا طه البهــــــــدي الما بضــــرب الــــوادي
يمشوا علي الرجال ويقرن مقبل فاضي !
طه : هسع وصلت الميس دحين حديد يلاقي حديد
ينبــــرش الطرور ويثبت الصنديد
خليهو المضى لاقي البجيك جديد
(واحد برضو مع شيخ العرب قال لي طه)
عربي آخر : ما بتشيل قدر يا طــــه إنت عميت
وفي المروق وقعت عترت ما سميت
من الجاية قضيت وبقيت خلاص زول ميت
في تركتك كفاي أنا بركب أب سوميت
(أب سوميت ده جمل طه)
طه : الداير الغنى يعمل حساب لي فقرو
وكعب الزلـة وين المتلي تكابــرو
أب سوميت خليهو الليلة سيدكم أعقروه
وين تاني الملاذ وكت يتلب صبرو
شيخ العرب : لم باقي الكلام يا طه بهمك سرب
جيتك استعد
طه : مرحب حبابك قرب
من قومــــة الجهل أنا لي لقاك مدرب
يا شيـــــــخ العــــرب الليلة يخمل غرب
(وهنا وقع القتال ها ها ها ها ها طه ضرب شيخ العرب جدعو والتفت علي جما عتو قال ليهم) .

طه : ترا شيخ العرب قبض الربح من تجرو
واتوسد تقيلو إن شاء الله ما بتصبــرو
إنتو الليلة كيف عند الزمل بتحجرو
صنقعوا دي السما بتطــــول ولا بتجروا
أحمد : أنزل يا عمر الـروح في يد الخالـــــق
بتجايه الضرب وفي الدركة ساسك غالق
عمر : عاين ده الخشيم دايماً تنط متشالق
ما تنزل عليه إت ماك بالغ ؟
طه : دربي صعب على وصف البوصف عازر
وفي قارب التلوج أنا ما يدي دايماً عازر
أسمعوا يا طرش كان ما يجيني مبارز
واحد منكـم بضرب طــــــــرف ما فارز
ترا أب سوميت أركب يا عمر سافرت
قبيل وقت الكلام من الأسد طفرت
ما لو دمك بهت متل التقول جفرت
عمر : من القلب أنا ليك تبت واستغفرت
طه : أنا علي حلف إن كــان بقيتو سرية
منكم انتهي قبــــــال تجي العصرية
جيتكم استعدوا تاني ما فيش نية
(وكلهم قالوا ليها) .
هادي السيوف واقعين وراك يا ريا
طه : يا خضرة المفرهد فوق جروفو نديــة
على الواقع وراك أنا كيف أشيل إيديا
حتى إن كان قتلني أعفي ليهو الدية
دمــــــــــي ومالي هيلك وأقبليهو هديـــة
ريا : رجال التابــة إنتو السترة تب ما فالكم
إتأمنتم خلاص قوموا سوقوا جمالكم
حتى جمل ود دكين سوقوه إتبع مالكم
نحنا نمشي في حالنا وإنتو أمشوا في حالكم
(الجماعة قاموا صوف إتلفت طه علي ود دكين قال لي ريا ) .
طه : زايلــــــــة رقــــد دكــــــــين أســـد القبيلــة الراعـي
كان ما ضايقني هو ما كنت قطعتو ضراعي
ريا: تتأسفلو ليه كان داير يجزبو الــــراعي
والنعلات حرام ما تضوقا تاني كراعي
(يعني إن مات ود عمها ده لي القيامة ما تلبس نعال ) .
طه : موت المتلــو نقصــان للعــــــرب في الجملة
كان راس الجراري وهو البقود الحملة
أطرف عايل إقيف ليه .. إقيف بعد ما يملا
كان ما شــوية كـــــان داير إعمــــل العملة
(بعدين قاموا طوالي مشوا في دربهم .. برضوا يعني في مسيرن برضو ما شيين للمك نمر .. طبعاً قبيل كانوا ماشيين وحصل ما حصل .. هم برضو حيكلموا المك نمر .. ساق بت عمو ولقى المك نمر قاعد وجماعتو قاعدين جمة الجعليين وأولادو قاعدين وهنا جاهم قال ليهم) .
طه : التلـب الذوم مدخور يفيد العايلة
أقدل تمهل فوقو الحمول الهائلة
إياك ميز القبايل فيك تسند المايلة
فـــراج كربة الهم أب قبائلاً جايلــة
عامر جمعكم إن شاء الله ما ينفض
ما جابني مال مابدور ذهــب ولا فضة
بــــدور المك نمر سيد النحاس الجضة
جيتــو علي حملة غيـــــــــــرو ما تنقضّة
المك : تقضى كان بقدرها
طه : إنت اللزوم ماك حاشي
ألف زي حزمتي تشيلا تقدل ماشي
التقيـــان تغشو والضعيف بتراشيه
ما داب قبيلتك النحنا بيك نفاشي
جيتك وأملي فيك يا مك تكشف همي
في الأول وداعتك وفي حماك بـــت عــمي
وقتين تقبـلا إت شلت تلتين همي
والتلت الأخير تحجاني تحقن دمي
بت عمي أب كبس ما كان أبوها فقير
أبوي قبال مات ورباني كنت صغير
وقت أعيش وراه ماني حقير
أصد الغارة على جاري ولعروضي أغير
المك : مالك هسع شن جاك ؟
طه : جاتني جنية حربة ربي ما بخاطري ما بالنية
المك : قتلت منو وجريت ؟
(التفت على بت عمو قال ليها) .
طه : ها ما بتسمعي يا بنية
هدي المابيها لكن خفت ورانية
الموت ما بخافو الخوف مو هولي
الشيء البخافو بخاف بهادل عولي
الناس الوراي كان بي راي يسعولي
في راس الكتلتو أقيف يمين للحولي
كان هم برضو بتارتو ياخدوا الهيلتي
ما كنت التجيت ضاقت علي مهيلتي
يا مك ناسي قلة بخاف إخربوا قبيلتي
بجعل احتميت فوقك سندت تقيلتي
الشكرية تقيوا وللجوار ما براعو
حمد ود دكين في راسي خت كراعو
سمع بي سفري لي شنــــدي قام فسراع
وقاطع دربي يخرط ريا قال بي ضراعو
جيتك من أهلي قاصدك ما بقبل تار
انكشــــــف الأمر براك دحين اختار
إما تبقــــــــــى بيني والبخافـــــا ستار
إما تكتلني إنت نسيبو تاخد التار
إياك عز القبائل والكرم فيك طبع
وجارك ما بهــــــــم إن يســـــوي السبع
إن كان أجلو تم أخد قصاصو السبع
واللياكلو الأســــد أخير لـو من الضبع
( آآآآ .. المك نمر هنا التفت على الجعليين قال ليهم ) .
المك : مطارق جعل إنتو الكلام سامعنو
قولوا دحين رايكم وفكركم الشارعنو
(واحد جعلي تلب وقف علي حيلو قال ليهو) .
جعلي : كان ضيفنا ما نحجاه وندافع عنو
نرمي سيوفنا ليه تاني الحصان ساعينو
قديم يا مك ديارنا مرتع الآمال
وشربة الكون .. ركازة الزمان إن مال
سعينا من جاري العوق يمين وشمال
بدمانا النــــــزيل نحجاهــو قبل المال
أديهو الأمان يقدل ويلقى مناه
البقى في أمان المك منو البدناه
كل إسم جعلي من أعلاه لي أدناه
محـــــال يقربــــو والمك نمــــــــر أدناه

المك : انتو كبارنا شورتكم ما معنى بتعمرو
ما رستو الدهر ضايقين حناضلو وتمرو
غايــــة الحي فناه الموت نهايــــــة أمرو
لكن بي وراهو ذكرو يصبح عمرو
إياها الضامرها وعليها كنت مصمم
ما اتعداه رايكم جاي ليها متمم
صار في أماني طه الزمام متزمزم
أدوه هدومي وبي عمامتي اليكون متعمم
أرتع في أماني أنا البقش البطقو
إلزمني غرورو وللرقاق ما اعتقو
بالمال الشريتو عازم أباصر رتقو
وإن قـــــــال لا عقباً نوســـــع فتقو
تقدل بالأمان فوق النحاس بشربو
لامن يسمعو الناس البعاد والقربـو
عقب البدنو طه يمين عقابو نخربو
أنا المك نمر كبريتي يحرق الجربو
(طه طبعاً اتكيف من كلام المك نمر خلاص قال) .
طه : نمراً يركب الكيك البطل إتحرن
نمراً يقلب العوقا أب صفوفاً جـــرن
خلوات صدرو في علوم الجروب كم قرّن
سيفو بينسف الدرع الحديد مقرن
مو متل الشدر حاضن فروعو مقيل
ده النمر البضاير الصف محل ما يميل
كـل ما أقول شكر ألقاهو فيهو قليل
كفو بيخجل العين أب سحاباً ميل
غابــــــــة المك قبيلة ما تخطى أصولا
العشمان يعيش فــــوق ظلها ومحصولها
بالشينة البدورها بعيد عليهو وصــــولها
فروعو سيوفها ومطارق جعل في أصولا
عرمان جدكم والنسبة عباسية
وأيام فضلكم لليلة ما منسيـــــة
هاهي الدنيا حية بفخركم مكسية
نزيلكم ما بهم إن سوى ألف سيئة
من سابقة العرب في أصلها وفخورة
مثبوت الرجالـة وعندكم مأخــــوذة
صغيركم يدخل الحارة أم ميوس ويخوضها
مجرب من قديم سيفكم بوابر الخودة
(واحد حاجب كان قاعد جنب نمر قال) .
الحاجب : نبه بالأمان فرسان فازت وهــزت
دقين النحاس فوق الرجال إنعزت
عروس الكجرة فرحانة وطرب أهتزت
عرمان عز لله قبيلة بيك اعتزت
المك : وصلــوا طــه للبيــت المخصص ليـه
واحفظوا كل موجودو وجميع ما ليه
خدمتك بأحسن تقعد معاه تسليه
في كل يوم تعين ناس غفر عليـه
طه : عشمكم ...
المك : أبــدأ بنصايحـــك وبيها أخير أنصحنا
واختم بالحماس بالفيها قول لي نحنا
النصيح : خلي عجب النفس الدنيا قيدا قصير
وجهك أطرحــــو لا يكون دوام متغير
لا يغرك هواء ظـــل الضـــــــــحى المدور
كــــــم سبـــق الأجل خلا الأمل متحير
الروح على أي حال يأتيها نصيبها
والصايباها من خالق البرية تصيبا
أرضى بمسـودك قدرة وتنصيبا
وإن لـم تـرض قد زدت المصيـبا مصيبا
الليك إن قاطعك كان كنت فاضل واصل
وأعفي لـم أسـاء واجعل برك واصـل

تمت ،،، أبوالخاتم 21/5/2003م الرياض

ابو الخاتم
17-06-2007, 07:46 PM
<span style="color:#0000FF">تسلم يا الإمام :

تسلم يا الإمام يا التلفا ساعة العترة
يا جبل الضرا والـري نهارة الخترة
عندك طبعة ساعة تتدي إيدك تترا
زي صفق الأراك الشمّ ريحة النترة
***
تجيك بي مهل وبي لطـف تتكل
والصندل مرشرش وبالقرنفل عنكل
حلاة خصرو النحيل وتحت فوقو الشفون مشكل
مرة إغطس مرة إقلع برتكان البركل
***
بتجيك بي مهل والفلجة لما تشوفها
عمقاً باهي مخروطة ومضمر جوفها
زي مهر السبق متحضرة ومكلوفة
قلبي الكان صميم جابتلو فرة وخوفة
***
عشاي للضيوف
بعد قطعة الحايمة
وكتير من فوقو جاره الوسادة ونايمة
من ضرب السيوف حرم درقتك صايمة
ووالدك بركب النيل في الدميرة العايمة

يا أبو النعيم يا ربي تاسع أيامو
وللحرم الشريف تسعى وتطوف أقدامو
سراج الحي منير الفي الحجج منضامو
قلمك بنصف الصدر الحكم لي إعدامو

بعد الشيب ربت في الهامة أخير تتيقن
ونيران الدغس كل ساعة أشوفن بقن
الزول الديسو حلال وموهو ملقن
داير ليمو لكن بي شراي محقن

ود ضحوية لي طه :
تاكل باردة ما ضق حارة
درق البازا جاك زي السحابة الكارة
أطرى الليلة يا طه أم حمد والسارة
طه :
باكل حارة ما ضق باردة ماك داريرني
واسأل مني رباعي البجيبو قريني
حس أب قدرة والقربين دوام باريني
أنا أخو العازة كان إبقى الكلام عانيني[/b]

hafiz
21-06-2007, 04:38 PM
شيخ العرب في الدوبيت لا يعلي عليه الشيخ احمد عوض الكريم تتبع ماثره واتحفنا بها وعلي زكره اذكر ان روي لي احد همباتة تنبول حينما كنت طالبا برفاعة وكان الرجل يحكي عن شيخ العرب في جلسة جبنة قال ان والده ارسله مرة لتحميل العيش من قري السرق البعيدة من رفاعة فذهب برتل من الجمال ودام كغير عاداته اكثر من شهر فارسل والده من يتقصي خبره ووجدوه هو وجماله في نفس القرية وبجواره شوالات العيش فسالوه عن عم عودته فقال:
السبب الحماني شيل العيش هنهيننا بسونوا الدغش بي شويش

وهو يقصد هنا صوت الابل في الصباح الباكر وسماه بالهنهين يالروعة هذا الرجل يستمد موسيقي اشعاره من صوت الابل..اعتقد استاذي انه اجمل من كتب عن الدوبيت فهلا اسعفتنا من كلماته التي ليست ككلمات الاخريين..
مدخل للخروج:-

البارح حديس الناس بدور يفرقنا
كل مرق كضب عقبان صفينا ورقنا
الدغسه ام شلوخا ستة مالكة عشقنا
تتمايح متل قصبة مدالق الحقنة


المولى الكريم ال بالجمال خصاها
شقريب الملاين شوفو كيف رصاها
سلطان الغرام بالتيه على عصاها
شمبانيها ريشت قلبي تب قصاها

لنا عودة لخيمة المسادير
بدوي تحيات

ابو الخاتم
26-06-2007, 10:04 AM
لشاعر ود بشير يرثي أبو جديري عمدة كلي

أب عجّات* اللحو* وكتين* يزم ينتر *
إن جاتو الألوف لا يضل ولا يفتر *
حوّد* يا الخصيم بي غادي دربو كتر *

حليلو أب جديري الفارس المنبور *
بِحرِن في المحاصة* وكت الرحابة تدور
رحل ياشمة أبوك وقفا خلا الدور
وانحل النظام الكان قبيل مستور

بي وجود ناس أبوك قبل العبوس ماتجود
إتهد الجبل وتشتت المعمور

يا أبو زينب وراك إتكشف المستور
بجيب قولاً صحيح في أبو شامة ماهو شكر

مثبوتات فضايلو مافي من ينكر
أبو زيد الهلالي زايد عليو قدر
عباسي وقريشي إلا ما بيفخر

الزناد أن حركوه يقوم وما بيذكر*
دابي القاش حليلة الفي المحاصة بخر*
من شوفتو تضل ناساً ذقونهم قر *

شاف الحديث بقالو كتر *
يشلخ في الصفوف أمات طبول وزمر
زي بن الوليد في يوم حنين وبدر

سيف الصاقعة أبوكي اللي الخصيم بدمر
أب قدحاً سبيل مساء وصباح مجرور
للضيفان بباشر وشو ما مصرور

منو البمسك مكانك ويفهم المضرور
بتراجع في المواشي وفي خدمة البور
قرار العبوس ما بتشبه لي زول
والقدر إن نفد ما بيحجب المقدور

أب رسوة أب هرش الضارب الوكرة
تمساح دار كلي البمرق مع الهجعة
أبو شمة اللزوم كم درج العاطلة
دا القدر إن نفد دونو الرجال قاصرة

تمساح القيوف يااللعزول بتكيد
ياأبو مسكاً يفوح عم القريب وبعيد
يوم جاني الخبر أسفاً علي شديد
ياعمدة كلي فرقك علينا صعيب
________
أب عاجات : هو النمر أو الأسد ، اللحو : الكميت

admin
26-06-2007, 09:29 PM
ابا الخاتم
لك التحية وانت تقلنا من دوحة وارفة الى جنة دانية
شكرا لحسن اختيارك ودمت عامرا بالابداع

ودالبدوي
27-06-2007, 02:26 PM
(في انتظار ابوسن)
شيخ العرب في الدوبيت لا يعلي عليه الشيخ احمد عوض الكريم تتبع ماثره واتحفنا بها وعلي زكره اذكر ان روي لي احد همباتة تنبول حينما كنت طالبا برفاعة وكان الرجل يحكي عن شيخ العرب في جلسة جبنة قال ان والده ارسله مرة لتحميل العيش من قري السرق البعيدة من رفاعة فذهب برتل من الجمال ودام كغير عاداته اكثر من شهر فارسل والده من يتقصي خبره ووجدوه هو وجماله في نفس القرية وبجواره شوالات العيش فسالوه عن عم عودته فقال:
السبب الحماني شيل العيش هنهيننا بسونوا الدغش بي شويش

وهو يقصد هنا صوت الابل في الصباح الباكر وسماه بالهنهين يالروعة هذا الرجل يستمد موسيقي اشعاره من صوت الابل..اعتقد استاذي انه اجمل من كتب عن الدوبيت فهلا اسعفتنا من كلماته التي ليست ككلمات الاخريين..
مدخل للخروج:-

البارح حديس الناس بدور يفرقنا
كل مرق كضب عقبان صفينا ورقنا
الدغسه ام شلوخا ستة مالكة عشقنا
تتمايح متل قصبة مدالق الحقنة


المولى الكريم ال بالجمال خصاها
شقريب الملاين شوفو كيف رصاها
سلطان الغرام بالتيه على عصاها
شمبانيها ريشت قلبي تب قصاها

لنا عودة لخيمة المسادير
بدوي تحيات

ابو الخاتم
01-07-2007, 06:27 PM
مربع للصادق ود آمنة في خريف البطانة :

العجمية من بحر المحيط انجرت
يومين بالسيول قارعة النعم ما فرّت
بطانة أب سن رمت توب الحزن وانسرت
ألبل عافن الكترة وعجوفن درّت

جقلة الماها بقرة عقداها ديمة يزربو
فوق الجوع تصابر والعطش تسفربو
عندها طبعة يوم تنوي الرفق بتخربو
عيصها يقلّم الحطب الصريع ، يفطربو

الدرب البجيب كمش النقود موهين
وما بمشيهو ديك بيتو أب جليدا لين
الولد البيقوم من أم حمد متدين
غصبا عنويا الساحر يسوقن بين

الليلة أم هلال أمست سراتك تارة
وأسايدك سواويق لي الردوف والداره
إن بردن نكافيبن سوالف السارة
وإن حرن صناديدا نقابل الحاره

سمع «ود ضحوية» أن رفيقه «طه الضرير» قد حكم عليه بالسجن
فقال:

الليله النّفس أمسَت حزينة وعامدة
وما بَتْسلّى بي بُرقُع حميده وحامدة
فارْقَنا أبان قلوبا جامدة
ناس طه اللّحو ضو القبيله الخامدة

ابو الخاتم
24-07-2007, 05:10 PM
ود الفراش قال ..

الليلة الصعيد طراني بلدا زينة
مريودة أمها البي الخمرة رشو قرينة
إن جيت للجمال زي الريال يا عينا
لكن يا خسارة الفلسة حاصلة علينا

ودي الرضي قال :

باَهي وَريدَه عَالي صدَيرَه فَاْقله رَقيقةَ
تَمْشي مَنْ الُترَفْ في كل ثَانيه دَقيقَه
وهَذَا منْ الطبعْ مَا أتْصنعْلو حَقيقَه
مٍقْدارَ ثَانيهَ فَيهَا الحٍنه تبَقْي عَقيقَه

محمد بشير عتيق قال :

الحب يا مناى فى جوفى جزرو ومدو
علق روحى فوق وهيامى جاوز حدو
قاضى هواك أمر اعتقالى ومدو
مايقبل دفاع من سبدرات أو شدو

سامية أديبة ما بتحمل مشاعرك همسة
حني شوية خلي الروح تجود بي همسة
قسما بي جملك والحروف الخمسة
نيرانك تلهلب فينا تصبح تمسى


دوبيت من شعر الحردلو :

من الهودي قام بي مكندي
وكت جبد الرسن .. جاب راسو عندي
قال لي يا سيدي انعدل اللوريك ذندي
و عقب نحضر مشاط بت اللفندي

البارح رقادي كسيدة فوقكا بريش
وراكبوتن تجيب صقطة ومعاها رشيش
الـ حماني ما اشهل جمال العيش
هنهينأً بيسونو الدغش بيشيش

وهذه أيضاً :

بالهنا والسرور العيد عليك مبروك
يا ست النجيمي الفي العقل مشبوك
قدمك للمجاربو بيودر ام سمبوك
زولك غير نعال بيفتر بيجيه الشوك

ولدا ما سافر لا من يقولن فات
ما طلع الجمل دل السداسيات
ماكجر الحوايا وفي ضراهن بات
كيف يبكن عليهو دقس العيون إن مات
ولداً ما سافر لا من شهيرو يهل
وما ورد البحر عطن شنانو يبل
وقت الشوف يشوف متل الصقير يقدل
واخيبةً على ولدا يعيش بالذل

ود ضحوية :

دردرنى الفقر لامن بقيت شنكيت
ودنى الغباين لى جبال فرتيت
امن جبت مالا فرح أم سوميت
وأمن فى جبل تقلى إنجدع ما جيت

دوبوا يا جماعة ،،،، أبو الخاتم

بت العزازة
01-08-2007, 12:09 PM
يا اهلى الحنان الخيمة حالا ما سرانى

مالكم غبتو عنها وابتعدتوا يا اخوانى

فيها كلام حنين ايام خالدة فى وجدانى

ياريت تجوها يا اخوان البنات من تانى

تخلو خبرها يسرى للبعيد والدانى

ابو الخاتم اآخوى وينهم جميع اخوانا

ام كريم والنعيم الديما بحمى حمانا

وابو اسامة العزيز النضمو بيه جمانا

وودهبار كريم اخوانو ديمة معانا

وحافظ بدوى بيدخل وساعتها ما همانا

وياسر ود الشيخ الغيبتو كتير شاغلانا

ارح يا اخوان تعالو دى الخيمة هىّ هوانا

شاحداك يا كريم ارجع والقاهو سمعو نداءنا

ابو الخاتم
01-08-2007, 06:12 PM
سلام أحبابي الزينين وحمداً لله على السلامة :


الخيمة قجوها وبالنضمي حلوها
من (فاس) تجيبوها ومن العين تضاروها
أوعاكو تنسوها وكل يوم تزوروها
وبالشعر عبوها وتكملوا حلوها

الخيمة خيمتنا وتعبير لحلتنا
نادوا فرقتنا تشهد ملمتنا
تشهد ملمتنا وتعزي محنتنا

أحبابي يا الطيبين تعالوا متطابقين
تقولوا نضماً زين يشفي القلوب ... آمين

النمة نمتنا أحبابنا بهجتنا
في الشين وفرحتنا
لي سوح عزازتنا

عمار تعال بي جاي غنينا بالشاشاي
شان نشرب كبابي الشاي
الجاي من كيناي

يا شيخي يا (أبولينا) ندعوك تحجينا
قريفينا رامينا لي أدبك الزينا

نعيمنا يا زينا كمل مساديرنا
أبداهو نضمينا وين (شمة) عدينا

أخواتي يا الزينات أزواج عشي (البايتات)
في الحارة عزايات بكثير من الدمعات

الله لا جاب أيام الحزن ،،،،
شاكرين ومقدرين ،،،

أبو الخاتم حبيبكم ،،،

ام كريم
01-08-2007, 09:44 PM
نحن جينا ولقينا بت العزازة البتفقدنا وتقتينا
لقينا ودهبار الماعرفة منتدى لحمنا ومننا ولينا
لقينا ابوالخاتم اخوي واخو البنات كل يوم انادينا
ونحن في انتظارك ياابو وداد وابو وفويه وابو لينا

hafiz
04-08-2007, 03:01 PM
مبروك النقل يا ابو الخاتم ويلا ورينا ما وعدتنا به عن ابوسن

admin
04-08-2007, 03:06 PM
في البداية لي ناس الادارة اعتذاري
شان ابو الخاتم مو الخيمة انقل داري

الراجل طلبكم وانتو رحبتو
جاني الطب من بعدكم نفذتو

طال غيابي يا عمار عتابك جاني
لولا الظروفي ما بارحتو مكاني
في زول يغيب من عيالو وبيتو التاني

ابو الخاتم
04-08-2007, 08:39 PM
الإبن العزيز حافظ ، سلامي وتحياتي الحارة
هاك من شيخ العرب
والباقي إنت تكملو ،،،

الشم خوخت بردن ليالي الحرة
والبراق برق من منا جاب القرة
شوف عيني الصقير بي جناحو كفت الفرة
تلقاها أم خدود الليلة مرقت برة

المعزي البجارن ديمة فوق في خلاهن
بالغات النصاب أنصاري ما زكاهن
من (ود البصير) جايب إذن بغناهن
شوفن (يا الزبير)في لساني ديل ما احلاهن

من عوج الوكت ما بتركن وانساهن
فوق حيا فوق محل دايما بكوسو رضاهن
ملزوم بي مراتعهن وخبرة ماهن
وصلنو المصب واتوكرن في خلاهن

كلبي الشارعو فيهن جا منقلب هقلان
واتحير قعد ساكت بقيت محنان
تيسن ديمة من حر الرحيح كملان
وجاهن من قفر بلدا بعيد ضبلان

من الفجخاء هبر خـــلاهن
لا من دور أمات رميلة وجاهن
عند المتني فوق عاجبا جديد لماهن
ختمن بيلا فوق ميع البقر دلاهن


المعزى : الماعز
البجارن : من يجري
رفض زكاتهن : لجمالهن وكونهن عزيزات عليهو
ود البصير : شاعر معروف بغناهن يعني وصفهن
الزبير : أخ يتخاطب معه
عوج الوقت : ضيق الوقت
ويقول هو ملزوم بمرعاهن في مرعى أو في جفاف
ويقول أنه ملزم بمرتعهن يعني الراحة والرتعة وملزوم بالماء لشرابهن
وصلنو المصب : النهر لم يجد لهن طريق لمصب النهر أي موكرات في مكان وسط
يصف الكلب حارس المعيز والتيس فحل المعيز
الفجخاء : مكان جرى تركهن
بحث ودور عن أم رميلة قيزان ثم أتى لهن مرة أخرى
المتني : مكان
عاجب جديد : مرعى غني يعجب سيد المعيز
ختمن بيلا : أتن بيلا من أمامها
ميع البقر :نوع من البقر

ام رامي
15-08-2007, 07:13 PM
يسبشسءئ

ام رامي
15-08-2007, 07:16 PM
اهاا ازيكم فوق خيمتكم العامر دة

كيفنكم نعلكم طيبين

خيمتكم دة فوقو مكانتن للنسوان

والا رجال بس ؟

عاد اكان خيمتكم رجال بس الرماد كال حماد!!

علا تسولونا خيمه الليل حريم

والاشنو يا ابو الخاتم

كدى هكم ده

أنا المجنون وسـر جني البجنن شوقو
أنا الكاتلني شـوق ليماً معسل ضوقو
كل منـاي أشوفو وأطفي ناري بريقو
حلالـو يعيقني يامولاي يـوم ماتعيقو

سافر شال منامي وشـن بلاهو منامي
وكان صادتني غفوة بشوفو في أحلامي
قربو سبب سعادتي وبعدو سر آلامـي
يا مولاي سألتـك زيـدو مـن أيامي

سألتك ربـي تجمع كل حبيب بي حبيبو
وتحفظ عُشو من عين الحسود ما تصيبو
وترحـم قلبو من شوقاً يـدوي لهيبـو
وتجمـع شملي بالشايـل قليبي تجيـبو

ابو الخاتم
19-08-2007, 10:56 AM
حباب أم رامي أهلاً بي قدومك وحرفك
والقلم الأنيق ما سكو دايماً كفك
والفاكهة الشهية من جداول جرفك
والنضم السمح بعض شيء من ظرفك
وفي داخل الفصول دايماً أولة فصلك

كان ما شالك الكتف إشيلك الرأس
أبشري تب
ليك لي داخل الخيمة

ابو الخاتم
21-08-2007, 09:57 AM
أحتار أنا
أحتار أنا

بدأت معنا يا أم رامي بشيء جميل
وحسبتك مبدعة من طراز فريد
ولسع فاكرك ،،،

واعتبرتك لحن غريد
وقلت أضع على عنقك
عقد نضيد
ولسع فاكرك ،،،

ما ذا دهاك ،،،
وهذا النهار الشاحب القصيد
وهذا المقطع الرائع الفريد
للحاردلو شيخ القصيد

دهـ ظاهر الحاردلو
كتبو بالانجليزي

مع خالص ودي ،،،،

ام رامي
21-08-2007, 08:49 PM
العزيز ابو الخاتم لك كل الود والاحترام واشكر كتير بس انا ما احفظ كتير من الدوبيت بس حبيت احرك خيمة الدوبيت شايفه الناس هجروه وقعدو في السهل حبيت اقول ليهم ابقو داخل
واحد واربعين بت اللبيب عبدالله
لا حامت فريق لا جالست خلق الله
نفسك مستكا وحاجبك هلالن هلا
وشوفتك تسند الراقد سنين ما وّلا
واحد واربعين بت اللبيب عثمان
لا حامت رفيق لا جالست صبيان
نفسك مستكا وحاجبك هلال رمضان
وشوفتك تسند الراقد سنين مرضان

النعيم الزين
22-08-2007, 09:58 AM
ابو الخاتم
وام رامي
اعذروني لكن جاييكم تب وسعو المكان بس
ولكم التيحة

ابو الخاتم
22-08-2007, 10:16 AM
الله يا أم رامي ،،،
ما تقيفي واصلي ،،،

أنا متأكد سوف يكون لك شأن في هذا المكان


الزول البريدو يا ريتنى كان ردتو
كل ما ازكروه الحال العلى يبتو
أصل الشتله بتشيل الثمار وتحتو
وانا كان مت فنجان وانكسر عن ستو


الناس فى العروض ما تقيسه بى تيبانه
ما يغرك لباسم والعروض عريانه
ديل حراس رزق ذى التكنه امانه
ذى ابل الرحيل شايله السقى وعطشانه]

shaugiazaza
23-08-2007, 03:52 PM
سلام جاكم .. عافيه وطيبين
قلنا نعرج على خيمتكم دى ونشارك بكلام ودالبنا عجبنى بالحيل شديد

المابيك ساكت من غير سبب ماتسكو
اشطب اسمو من اخر ضميرك حكو
ود البودك والبدكك دكو .........
شتتو فى الخلا ... وعكس الهبايب فكو
الناس ذى الهدوم فيها السمح وجناح ام جكو
والساترو زول اخيرلو يمش ام فكو

أبومحمد
24-08-2007, 10:57 PM
خيمتك ياابعقوله,تااللاهي واسعه فسيحه
من يومك القجيته,بااااااااااااين عليها مريحه
أسأل الله الكريم , يدينا ليها قريحه

ابو الخاتم
01-09-2007, 05:37 AM
شوقي سلام ،،، ما عندك عذر
من زمان كنت وين ،،،،

أنشدتك شعر يا شوقي القريب مني
يليق بي مقامك ومكانتك عندي
وفي ظني ما بترضى الشكر يا أفندي
بس قاصد لقياك لو بالقصب والزندي

ابو الخاتم
01-09-2007, 05:45 AM
]

أخي العزيز حمد النيل
سلام أيها الغائب الحاضر ،،،

يستحضرني هنا قول ابن زيدون :
يلبد الليث السبنتي وله بعد افتراس *** فتأمل كيف يغشى مقلة المجد النعاس


وهاك بالدوبيت :

(حمد) أخوي من نشيت معروف خطيب في لسانك
الدوبيت الرصين قطرة بس في بيانك
والذوق والأدب عيارو من ميزانك
فقت علي الندادة والكبار قدامك


(أبو النيل) أخوي الدوبيت الجميل طاريك
والشعر الرصين ... إرثاً قديم باريك ...
زرتْ الخيمة والخيمة إتشرفت بمجيك
الله يلهمك قريحة ... والله يبارك فيك

من يوم ما نشينا وقمنا تيمان برقو
كايسين كل الدروب وديمة ما نتفرقوا
الطبع الرزين ماسكين دوام في دربو
وكمان حب البنيات في قلوبنا فقهو وشرعو

عمر قرفة
04-09-2007, 02:36 PM
وواحد نهاض يخاطب بعيره:
بيش ما بيش أخير من العدم بتخيَّـل
وبى بيتين تعدي التالتة حتى تقبِّـل
كم لله راكب فوق كلس مو قلـيـِّـل
مو متلك إديبس وبالعلال متكيـــِّل

فرد عليه البعير:
أنا عارفك فصيح وعلى النبز متحيًـل
كان أنضم معاك تراني متلك عيـِّـل
الفرقة التبقسى على القفارو مسيل
أنا بقطعها وزينه مسورها منيـِّـل

ابو الخاتم
05-09-2007, 09:39 AM
ابن عمي عمر :
أولاً حبابك عشرة ، ونتشرف بحضورك ...
ويسرنا أن نقدم لك بطاقة استقبال وترحيب كعادتنا في الخيمة :

عمر أخوي كريم جودو زى الغيمة
راشاى للضعاف وكفو ذي الشيمة
فى الزمن الفلس من قرش من مليمة
مارق ناس كتار من العوج والشينة

وعلى ذكر أبياتك الجميلة التي وردت .. نديك دي :
واحد يريد من جملو أن يسرع للقاء المحبوبة ..
لكن الجمل بدأ عليه الإعياء و المشي ببطء ..
فأنشد الرجل يخاطب الجمل :

خبّك مُو مشيك الليلة مالك
تتقل في اليمين وتجر شمالك
بنيتاً لي شيوما مشني حالك
رقاداً دونها قط لا تسيهو بالك


أبو الخاتم رد على لسان الجمل وقال :

خبي مو مشي من العلي يا أسيادي
بتقل في يميني وبجر معاها شمالي
ما قاصد عنادك وإنت أدرى بحالي
مبيتك دون حبيبتك ما خاتو قط في بالي[/color]

لي شيوما : الوصول إليها أو السفر.
مشني حالك : فاضح حالك بالبطء في السير والإعياء .
ثم لا تفكر أيها الجمل أني أبيت بمكان غير دار المحبوبة [/color]

النعيم الزين
09-09-2007, 09:20 AM
احبابينا الكرام اهل خيمتنا
حبابكم سلام اهل حارتنا
اعذرونا طالت غيبتنا
ما هو جفا لكن الزمن فلتنا

ابو الخاتم
09-09-2007, 10:39 AM
الأخ النعيم ،،، مليون سلام ،،،
عاذرين ،،، ومتشكرين ،،،
وصباح الخير ،،،

صباح يوماتي قايم للشغل مبدّر
وصباح يوماتي في الوراك بتفكر
العمل والظروف للخوة ما بتعذر
أطرى الخيمة (يا النعيم) لا تودر

ابو الخاتم
09-09-2007, 10:43 AM
[color="#0000FF"][b]الأخ النعيم ،،، مليون سلام ،،،
عاذرين ،،، ومتشكرين ،،،
وصباح الخير ،،،

صباح يوماتي قايم للشغل مبدّر
وصباح يوماتي في الوراك بتفكر
العمل والظروف للخوة ما بتعذر
أطرى الخيمة (يا النعيم) لا تودر

بت العزازة
14-09-2007, 09:34 PM
ابو الخاتم اخوى حبابك يا فريد أزمانك
الفكر الجديد دايما خصيلتك وشانك
زان المنتدى واتبهرجت الوانك
يا ريت الشباب يلفوك ويبقوا اعوانك!!

بت العزازة
14-09-2007, 09:37 PM
ام رامى يا بت العزاز ...شرفتي بيكي فرحنا
مين غيرك بنوِّر دارنا ويفرحنا؟؟؟؟؟
يا الضواي سماك ما شفنا منك محنة
ام رامى ..الصباحات من سناك سمحنا

بت العزازة
14-09-2007, 09:44 PM
منظومة الشعر ... الفى كلامك رسمة
ألوان الربيع .. وزهور فرح مبتسمة
فى صيف الحزن .. تهدينا أجمل نسمة
تتألق حروفنا .. ومعاك تعلا وتسما

ابو الخاتم
15-09-2007, 09:44 AM
أم الصادق أسمك عزيز وفي الفم جميل ترديدو
وارد في كتاب الله وجايز كمان تفسيرو
وفي المنتدى ليهو مقامو ووجب تقديرو
يكون ظلمناهو لو راح الشكر لى غيرو

ابو الخاتم
15-09-2007, 09:48 AM
تعالوا يا ناس الخيمة نجاري الحاردلو ،،،

عندما ضيق الخليفة عبد الله الخناق علي أحمد عوض الكريم أبوسن (الحاردلو) فكر الشاعر في الهجرة
ثم أنشد وقال :

البلد الأبوك عمدو وجفوك نظارو
زي المتلي قاعد فوقو شن أفكارو
أولى الخترة فوق جملاً تكب فقارو
ماخلقنا زول .. مولانا واسعة ديارو

مجاراة (1) :
البلد اللباك زرعو وجفاكا خدارو
زي أب عاقلة قاعد فوقو شن في بالو
أولى الهجرة لي بلد النبي وزوارو
الزارعنا غير الله اليشيلها حجارو


مجاراة (2) :
البلد اللباك أهلو وجفاكا فريقك
ليه يا أب عاقلة قاعد فوقو وينو طبيقك
أولى الهجرة لي مكة البتفرج ضيقك
لا تنسى الذكر إبقى صيف وخريفك [


/b]

بت العزازة
21-09-2007, 10:00 PM
<div class='quotetop'>إقتباس(شوقى عزازه @ Aug 23 2007, 06:52 PM) 5370</div>سلام جاكم .. عافيه وطيبين
قلنا نعرج على خيمتكم دى ونشارك بكلام ودالبنا عجبنى بالحيل شديد

المابيك ساكت من غير سبب ماتسكو
اشطب اسمو من اخر ضميرك حكو
ود البودك والبدكك دكو .........
شتتو فى الخلا ... وعكس الهبايب فكو
الناس ذى الهدوم فيها السمح وجناح ام جكو
والساترو زول اخيرلو يمش ام فكو[/b]
شوقى عزازةاخوىلسانى بلهج ويقول
مولاي يا كريم ينتم ليك مرادك
تنعم بالسعادة وصحتك تتبارك
تقدل بي مهل بين اسرتك واحبابك
تتحف منتدانا البحترم افكارك

بت العزازة
21-09-2007, 10:04 PM
استاذى حمد النيل مــرحب حباب ابو مريم
في خيمتنا شايفنـّو نجمك ظاهر
مــرحب بيــك في بيتك بيــك بنفـاخــر
قدر ما تذورنا ثق! نملاك درر وجواهر

بت العزازة
21-09-2007, 10:10 PM
قرفة اخوى المفارق أكيد لي دار حبايبه بِيَرْجَع
العشم الكبير... ليك يا وطَـنَّا بِنَرْجَع
يِتْلَمَّ الشَّمِلْ.. والفرحة ضاحكة بْتَرْجَع
عـايشين بالامل .. إلاَّ القليب إتْوَجَّع

عمر قرفة
22-09-2007, 08:08 PM
بُعْدكم بَعْد الليم سلبني الصحـــــة

حاير قلبي طايـر من مكانو إتنحى

ثلاثةأشياءعلي سبب السهادوالوحة

جور أزمان وفُرق أحباب وصبراً شحا

ابو الخاتم
24-09-2007, 11:00 AM
ابن عمي العزيز عمر رمضان كريم
وكل عام وأنت في خير ،،،


قرب بعدك .. وحين شفناك شممنا العافية
فرحانات قلوبنا وشاردات عقولنا ذي شرود القافية
ثلاثة أشياء قرب أحباب وفرح أصحاب
وزوال سهاد وأجسامنا بإذن الله شافية

ابو الخاتم
24-09-2007, 11:09 AM
واحد عاشق قال :

إبتسم الصباح لي كل طائر وغرد
وأنا باكي وحزين من جوة جوفي مهرّد
الساكن جوار النيل وصرحو ممرّد
منو قليبي راجف ونوم عيوني مشرّد

أبو الخاتم :
إبتسم الأمل لي كل عاشق وغنى
وأنا بالحيل حزين من جوة خاطري مشنى
الساكن جنان النيل وفرعو متنى
منو عيونا باكية وبي الغرام محنا

ابو الخاتم
24-09-2007, 11:13 AM
واحد عربي نجيض قال :


أنا الدابي الزرق سمو
وانا الأسد الدشر دمو
وانا الماكل سماية أمو
وانا الشاغل بنات عمو

عمر قرفة
24-09-2007, 06:30 PM
أنا التوب العشاري الباهي زيقو

وأنا فرج الرجال وكتين يضيقوا

أنا الدابي إن لبد للزول بعيقوا

وأنا المأمون على بنوت فريقو

ابو الخاتم
26-09-2007, 09:58 AM
</span>

ابو الخاتم
26-09-2007, 10:07 AM
أنا التوب النضيف اللابسو سيدو
وانا الصبر الجميل وكتين تضيقوا
أنا الأسد النتر رحّل فريقو
وأنا المأمون على أسرار صديقو

عمر قرفة
29-09-2007, 07:20 PM
نحمد ربنا الليلة مات عارِضنا
وان كان عمروا طال يا ريا كان قارضنا
يلحقوا بي عجل ديش همنا المارضنا
نبدا زواجنا بكرة منو البيجي يعارضنا
بطال البعيش في الدنيا اصلوا غناه
ان كان مالو راح غير اهله مين يدناه
سمح لبفوق اساس ابواتو تمه بناه
والزول دون قبيله غناه شن معناه
ما بنفرح بي مال ونقول كفانا ورثنا
نفخر بالرجال في الحارة يبقوا ترسنا
نجمع ناسنا هيلنا من الكبار حارسنا
يحضروا اهلنا فرحانين يباركوا عرسنا
كل بطحاني يفرح بي عرسنا مناه
ساعة جمعتن بيتنا يتم بناه
عذاب عيش العزب يا ريا مر ضضقناه
سمح الزول صبي يلد ويربي جناه

ام رامي
30-09-2007, 08:55 PM
الشاعر أحمد عوض الكريم ابو سن قال ..
بسمة فاهو زى برق العشاء الخطاف
ونشوفوا مزبن الشرق الشرى الريافى
أهيف خلقه أدعج وأكحل الاطراف
ماهو نحيف متبر عالى الارداف
......
ورد عليه عربى ساكت
واحدين فى البيوت ضار بين ضرايا دافى
وواحدين فى فيافيا خبيرهم شافى
شن خلانى كل صباح بجر اوصافى
غير الدمعو بالخد اليمين سرافى

ابو الخاتم
01-10-2007, 10:21 AM
ابن عمي عمر
رمضان كريم وسلام عميم


( كان والد ريا لم يتم السنة عايزه لا يذكروا ليها سيرة العرس .

ريا : ده الأعـوج تراه والشين نهايـة حدو
وإن شاع ده الخبر يملاً الفريق لا حدو
إقــولوا أب كبس من دخـل ود أحدو
فرحوا وعرسوا لا من حزن ولا حـدو
وإن كان في الفريـق ماتت مرية ذليلة
للحول يرفعوا العـرس البختوا الليلة
خليهو أب كبس رأس الرجال وقليله
لو كان بيقيلـوه تعدي تبقى قليلة
خليهو الكلام وعرسنا سيد الحال
من بالك أمرقو محال وألـف محال
على ميتة أبــوي الليلة حول ما حال
نصبح بكرة ونسة ونشب بشاتين حال


وكما قال أبو الطيب المتنبي :

أتتهن المصيبة غافلات **** فدمع الحزن في دمع الدلال

ابو الخاتم
01-10-2007, 10:34 AM
أم رامي سلام يغشاك
وكل الخير جاري قفاك
يا الغالية المافي زول بسواك
تهواك النفوس من أدبك ويحفظك مولاك


وشوفي العربي دهـ كلامو كيف:

أبعدنا الزمان من اللهيجو بشيقنا
عاودنا السهر والنوم بقى مو رفيقنا
يامتين نلاقيهو المنشف ريقنا
ناخد بيعة من كف إيدو نحي طريقنا


من أرض الهشيب يلا طير فى القبلة
حاكى مشى الرياح سو اندفاع النبلة
القلد عشوق تاجوج ومجنون عبله
قلبو انخل وباقيلو الرباط والطبله

ابو الخاتم
01-10-2007, 10:59 AM
واحد عربي نجيض يا أم رامي قال :


فلانه ظبية الحى الغرامها حرقني
زى عناب حضيرة البى حلاتو شرقني
طيفها إن مر لحيظات فى المنام أرقني
قل منامى من عينى ورحل فارقني


واحد مرضان ما مرض حكماء مرض فقراء قال :


طالبني الغرام رسل لي خمسة عساكر
وأنا عامل جنايات والعقل مو فاكر
بعد ودوني قابلتو القبيح الماكر
قال ختوه يرقد في السجن لا باكر

ابو الخاتم
02-10-2007, 09:16 AM
واحد بخاطب في جملو وهو يغادر المدينة آخر الليل للبادية

الدرب إنشحط واللوس جبالو إتناطن
والبندر فوانيسو البيوقدن ماتن
بنوت هضاليم الخلا الإتجاطن
أسرع قودع أمسيت والمواعيد فاتن

إنشحط : طال وتمدد
اللوس : منطقة جبال معروفة
إتناطن : ظهرن للعين
بنوت هضاليم الخلا : الصيد والحيوانات البرية
إتجاطن : أزعجتهن الحركة
والهضليم هو الليل

عمر قرفة
02-10-2007, 11:29 PM
فى فصل الخريف يا ربى كيف العودة
لام قلبا شفيف كل الطرق مسدودة
يا قلبى العفيف دايما وقعتك سودة
روح لا تقيف الحب طريقته وحيدة
شد سرج الغرام و اركب خيول الريدة

الظبى المدرب على السماح و العفة
ساب زولا تغرب أوب تغابى العرفة
يا أب طبعا مشرب بالسماح و العفة
جيب شايا مكرب بالهبهان و القرفة
واقعد جنبى قرب و افتح قليبك ضلفة

ابو الخاتم
03-10-2007, 09:45 AM
أخي عمر .. على ذكرى الخريف :

صبّ مطر الضراع فوق العزازة وخرّف
والبرق العبادي طلّع سحابو وشرّف
مراح البقر شبع من القريب واترّف
جاب اللبن أطنان شبّع الصغار وفرّح


وعلى ذكر الوجع :

فلانة ظبية الحى الغرامها حرقني
زى عناب خشيمها البى حلاتو شرقني
طيفها ان مر لحيظات فى المنام أرقني
قل منامى من عينى ورحل فارقني

عمر قرفة
06-10-2007, 09:50 PM
شكيت محنك علي ربي وكتمت الآهه
قايل إني بقدر يا الحبيبه أنساها
في قربك حياتي الكنته بتمناها
عشره نبيله ما ساكت نفاق ووجاهه

الحب الكتمتو وفي الكبد جرحني
قلل نومي والألم الشديد دوخني
بديك الحقايق إلا ما تفضحني
كم أسعدني طيفك من شقا وفرحني

ابو الخاتم
21-10-2007, 09:17 AM
[size="6"]

ود عمي العزيز ،،،

العيد عليك مبروك ،،،
وهاك مربعين لكن ما عيدية :


الليل الطويل زاد الفراق تعذيبو
جمر الشوق يحرق في حشاي لهيبو
وين الشال قليبي وخلى عندي قليبو
ما بنسى إن نسيت ليلة فراقنا نحيبو
معليش ياأم خدود الحر بيرضى نصيبو



ألم الحسرة ما قالتو لى وسمعتو
لكن الألم فى عيونها بادى لمحتو
بعد ماقلت صبرت بى القسمة وقلبى نصحتو
فاض شوقو ولقيت ود عينى جارية دمعتو


أرح جيب ،،،،[/size

]

عمر قرفة
23-10-2007, 02:41 PM
العزيز ابو الخاتم كل عام وانت بالف خير

غزالاً عشقو هالكني ومعذب روحي
ما ريحني زايد من أذاي وجروحي
وين ألقى الصبر يا نفسي ليش بتنوحي
ضاري هواك وبي ألمك كفاك لا تبوحي

غزالاً عشقو ألهب كليتاي وصفوحي
فوق جمرو البوج أصبح رقادي وسوحي
ذوبي الليله يا روحي المعذبه روحي
نار الذكرى ما ظنيت تداوي جروحي

ابو الخاتم
24-10-2007, 08:48 AM
<div align="center"><span style="font-family:Comic Sans MS">

عمر أخوي ،،،
مليون سلام ،،ويا شافي ،،، تشفي القلوب
لكن يا خوي نقرش قليبك بشيش بشيش



الكاتمنو يا أخوي كان بنمرقو
يلهب روبة الشدر الصغار ويحرقو
صبارين علي الجرح المغور زرقو
وفي رحراح مخادتنا البقيسو غرقو



من لمحة وجيهو بشوفو قمحي وزاهي
والبندر مسكنو وساكن قصاد من داري
الخلاني أسرح فى الخيال دايما وافكر ساهي
كمال خلقو وجمال طبعو ما بيلفظ واهي

</span></div>

عمر قرفة
25-10-2007, 03:56 PM
الخلاني زاهد في القعاد جافيهو
سر شوقاً كتم طول الزمن خافيهو
حاول قلبي يصبر والصبر ناسيهو
ودرّت اليقين ما عرف مكانو الفيهو

أنا يا صاحبي قلبي الصادو تب كافيهو
ملدوغ السوام المصلو مو شافيهو
بشرّك لي الرهاب وأجريلو متلافيهو
دايرو يبرّد الجمر الغلب طافيهو

ابو الخاتم
29-10-2007, 10:04 AM
<span style="color:#2F4F4F">
واحد قال :


[color="#800080"]الليلة الصعيد طراني بلد الزينة
مريودة أمها البي الخمرة رشوا قرينا
إن جيت للجمال زي الريال يا عينا
لكن يا خسارة الفلسة حاصلة علينا




ماهو دخيل بيوت حاشاهو ما بتحشر
ماهو كتير كـلام عسـلا لهيجو مقطر
وماهو قبيح قوام مخلوق طبيعي مضمر
وماهو وراء الغمام مسخ نجوم البندر




[




/color]</span>

ابو الخاتم
29-10-2007, 10:07 AM
واحد قال :


الليلة الصعيد طراني بلد الزينة
مريودة أمها البي الخمرة رشوا قرينا
إن جيت للجمال زي الريال يا عينا
لكن يا خسارة الفلسة حاصلة علينا




ماهو دخيل بيوت حاشاهو ما بتحشر
ماهو كتير كـلام عسـلا لهيجو مقطر
وماهو قبيح قوام مخلوق طبيعي مضمر
وماهو وراء الغمام مسخ نجوم البندر

سامي فداسي
21-11-2007, 10:03 AM
من أجمل المقاطع التي سمعتها و نسبت للحردلو و هي تحكي عن ليلة سمر جمعته مع محبوبته و في الرواية أنها بنت عمه حيث قال :
أنا و قصبت مدالق السيل
في ونسة و ضحك لين مناصف الليل
و كت العنقريب إتشقلبنبو الخيل
لا بخلت لا جادت على بالحيل
لكم الود
سامي فداسي

احمد حسن دياب
21-11-2007, 06:51 PM
الشم خوخن بردن ليالى الحره
والبراق برق من منا جاب القره
شوف عينى الصقير بجناحو كفت الفره
تلقاها ام خدود الليله مرقت بره

احمد حسن دياب
06-12-2007, 07:46 PM
حقيقة افتقدنا الاستاذ ابو الخاتم في هذه الخيمة التي كانت ظلنا الظليل ..
ساحاول الكتابة حتي يعود ابا الخاتم ويتحكر وسط هذه الخيمه ::::::::::


من قومة الجهل ولداً مميز عومو ***وحافلات الخيول فيهن بكتر كومو

خليفة المنتظر عمارة جاك ما تلومو ** جاك كبش الضحية الليلة آخر يومو

من قومة الجهل ولداً ولو بضارة ** يعصر الكيك على الحرب البتوقد نارة

جاييك بامتثال ود عزة النقارة **** خليفة المنتظر قول السماح لي عمارة

من قومة الجهل بركب على المتشابي * وحافلات الخيول فيهن بعزل النابي

خليفة المنتظر عمارة جاك مومابي *** حلفتك بالرسول تقوله من أصحابي
أ
كان اداك وكتر ما بيقول أديت ***** ابدرقاً موشح كلو بالسوميت
ا
بْرسْوه الْبِكرْ حّجرْ شراب سيتيتْ ** كاتال في الخلا عقبان كريم في البيت

احمد حسن دياب
07-12-2007, 04:10 PM
قال أحد شعراء الهمباته

صبيا ماختر لامن شهيرو مات

وماكجر الحوايا وفى ضراهن بات

ماطلع الجبل دلى السداسيات

كيف ابكن عليهو دغس العيون ان مات

وقال الشاعر ودكرار فى الغزل :____

قطيع الزهور قطع معالق الكبده

الحيا والحياة أنا منى بقين جبده

صمامة قلبى حاكت لى النعامه الربده

طول الليل كتاب ام خد نعيد فى و نبدا

ام كريم
07-12-2007, 06:54 PM
ياناس الخيمة ناركم كتير كاوياني
فقدكم عزيز حرق البعيد والداني
بكاهو الكاهلي والرفاعي والبطحاني
وصفو كبير اكبر من كل الحروف وفوق المعاني
وعزاي المادامت لي رسولنا ما بتدوم لي زول تاني





شكرا ياخال زياد لهذا التواجد مع تحياتي

احمد حسن دياب
08-12-2007, 03:46 PM
اشكرك ام كريم علي المرور واعلم ان اسم الشكرية التي انتمي اليها سقط سهوا
علي اي حال يدا بيد حتي لا تاخذ الرياح هذه الخيمه ونحن بين مطرقة الغربه وسنديان الدوام
ويديك الف الف عافيه


نسيتي عجيلة والسوق المسيه رؤوف
نسيتي الكرتي وصقره البخم في الدوف
مع كونك جماداً لا سمع لا شوف
عندك يالمريه قلوبنا قاطعه الخوف

مسَـك القبلة في كوع الشمال براقِك
وقشط سدروا في عامر سحابو وساقِك
تبُونك قرنّن والسيل دهَـك شقّاقِك
الضايق نشوقك حار عليه فراقِك

يا أم هبج اللواري قطعت فسحانك
الموت عزتك لكن زمانك خانك
يوم كشفت عنيبة اتدافرت فرسانك
شقوا وبردوك ومركوها أركانك
************************

ام كريم
08-12-2007, 04:09 PM
احمد يا اخوي الشكرية فوق عيني وراسي
وانت في الحسبة ودعمي واهلك ناسي
انا بت الجزيرة و العزازة بت ابوفروع وفداسي
حليل ناس امي حليل اهلي المن بعادهم بقاسي

احمد حسن دياب
09-12-2007, 06:55 PM
<span style="font-family:Arial Black">
من نظم البنات في الدوبيت

الشايب ما بندورو

بالملالة فوق صنقورو

ناخد الصبي ساكت على حنجورو

الشايب بى التسلو

وبالشوكة التنكسرلو

شايب الضلال أحماني قريني أتلو

الشايب الجمجمــــة

نفسك دعاش الرمـــة

ناخد الصبي ساكت يبرد الحمى</span>

احمد حسن دياب
10-12-2007, 05:14 PM
<span style="font-family:Arial Black">يااب حلقة القعاد طولنا فيهو خلاس

لكن فى القعاد قاعدين مع اولاد ناس

والله العظيم يومى اللعنيهو خلاس

أشوف ياقوتو درا بقلعو الغواس

وسـط الدارة نزلـن من قصورن

عامـن شوقـن قلبـي البـدورن

هج وضج في ود عينـي نـورن

وطابت روحي من نفحـة عطورن</span>

احمد حسن دياب
11-12-2007, 03:53 PM
<span style="font-family:Arial Black">خد سيالو قد فوق الحليلة بدينه
بيتو الليلة فى باكريتو إعدينا
على بلد السيدك مردم دينا
أرح يا القمرى فى باقى النهار عدينا

أرح ياحاج على ببافى المسدار أطربنا
ولا جيب واحدة خلنى أفك السجنة
مسدار الفمرى كل جميل وخاتى اللكنة
قول خير ياود الزين قول إتفقنا
عربا ليا ياريح مابتجيبى اخبارهن
قالت ليا مبسوطين وزينة ديارهن
ياحليلهن كتير بتضارو من شين جارهن
وبعد الهجعة للضيفان بتوقد نارهن</span>

بت العزازة
15-01-2008, 03:33 PM
اهل الخيمة العيد عليكم يعود

صحه وعافيه تامه فرحه وسلام وسعود

اهـــديكم امــــاني مداهـــا مــا محــدود

بعد العيد نعـــــود ابو الخاتم يكون موجود

بت العزازة
25-01-2008, 03:42 PM
يا أهلالخيمة باب الكلام مفتوح
أدّونا فيض نمّاتكم اللى ترد الروح
بين العباد يا أفاضل أصلو الفضُل ما بروح
قولوا كل جميل ومعنى الجمال مشروح

والله بي فد كلمة ياما تبني صروح
مرّات كمان زي بلسم بنداوي بيها جروح
باريين كلام الخير محل يمش بنروح
صار الفرح حادينا أمّا الزعل مطروح

ام كريم

ست الكلام الرائع تعالي يا قل سيرو
جيبي الزلال الحالى وزيدي فى تفسيرو
سوّي التصرُّف وغنّى غناكى بى تيسيرو
ومعاك جموع عاشقين خلف الأصالة بسيرو

ابو الخاتم

ابعاقلة تعال خيمتنا فيك مغروضة
النمة الجميلة ورينا راقي عروضا
رجعتك لخيمتك صارت عديل مفروضة
أنجدنا وتعال نوفّى ليها فروضا

احمد حسن دياب

يا ود عم حسن جيتك معايا حروفي
وبالنّم السمح بدور أبرّد جوفي
نمّك جد بهرني خلاني زدت وقوفي
ما يدوكّا عين ،، بالجد بقول ياخوفي

ابو كريم

ابو كريم بالجديد أشجانا

وكتير بي المنتدى الروح تروح أحزانا

ما قصر معانا وأصلو ماخلانا

لكن ياابو كريم بندور تدوبى معانا

عمار حسن

ياود هبار يا هميم يا انسان
للعزازة ارجع وفيها ليك مكان
زينا بكتابتك ورجع ديك كمان
دايرين العزازة جميلة مزدهرة الالوان

حافظ بدوى

دعوة الخير ماغريبة عليكا
أصلو طبعك ومأصل فيكا
دهب شنقول شنو ؟ مابباريكا
ويازول كده دي المحرية فيكا

عمر قرفة

فى منتدى الحرية النمة ما ممنوعة....
فيو سحر الكلام اتفجرت ينبوعا...
يا قرفة اكتب وكلمتك مسموعة..
نحفظا فى ليك والله ما مرجوعة..

مهدى الصادق السيد

ابو الصادق دوام
سابقنا بي راياتك
ابو الصادق يمين الجود احلى صفاتك
ابو الصادق دوام
نحفظ جميل ابواتك
ملك الملوك بالجد
قليل الفاتك
ارجع عود تعال بسمح كلماتك
للعزازة نعمر وكية لشماتك

ابو ميعاد

الزين مو فسل والفسل مو زين......
والفات راح مشى خلانا مبسوطين...
والخبر الصحيح الليلة جابو يقين ...
ابو ميعاد رجع بقينا تب تامين....

ناس امريكا

ناس أمريكا ياخي والله قصرتو معانا
ومن قبيل راجين عمى وفيصل ود فضل الله والنفوس عجلانا
حباب نجوى بت امونة البى جمايلا مغرقانا
وشذى وداد الفي بيتا الجميل كانت لمانا
يارب ترد الغربة نلقاهم بكرة حدانا

ابو الوفاء

النم الجميل مابغلبك ترتيبو
الدر والسمح متعودين بتجيبو
ماذا انت قائل ؟؟لو تسمع كلام تطريبو
المنتدى في دمانا ومحال تاني نسيبو

ولنا لقاء مع بقية اعضاء المنتدى

ام كريم
25-01-2008, 04:54 PM
ما شاء الله يا حبيبتي واصلي والله معاك
وامكن نغيب يومين كده عشان الامتحانات ربنا يوفقهم جميعا يارب .

احمد حسن دياب
25-01-2008, 07:32 PM
وينا مراتع الدرت الباسط..دايما ببكى عليهن
وين بنوت الحله البكر..عصرا بدرى يسون فى شاهيهن
بعد الليل ما يهويد ونحن نهويد..عاد اماتن ينادن ليهن
نتقادى..نقيس خطواتنا مع التاتاى ومشيهن
والله البعد الحاصل ما نسانى..وحاتكم فى قمراتنا بشوفو وشيهن
علا النضم اب لهجا سكر وين بلقاهو..بنات الريل ادوب ليهن
مقنع سابل وين بلقاهو وطرفا زابل وين بلقاهو وعين بتدنقر من واليهن
الوجنات الشعن..بقن..ود العين النايم زرقن..مو زايغ.. رسيان وميقن
زولهن كان خدران ومحقن..من الشوفه عروقو يطقن
كان الدنيا بصح تتخلى..كنا بركنا معاهن فوق رملات الحله
الا كمان بنشوفها مدله
الجنيات الغابت جابت..انت الجيب بس قايلو قميص افرنجى وكرتونات كرملا
لا لا وحاتك حاشا وكلا
ديل يوم عادوا..اتلافوا الجاهل بحقوق الله
ديل كم لحقوا البشهق ضايق.. وداووا العله
كانوا بحلبوا الضرع الدلا
كانوا بحضروا الخير القدحه معلا
الجنيات ما كفرت بنعمة الله
بالحيل يا جنى
آى والله
.......
من مسدار الغابه
للشاعر محمد بادى

بت العزازة
26-01-2008, 03:28 PM
يا أهلالخيمة باب الكلام مفتوح
أدّونا فيض نمّاتكم اللى ترد الروح
بين العباد يا أفاضل أصلو الفضُل ما بروح
قولوا كل جميل ومعنى الجمال مشروح

والله بي فد كلمة ياما تبني صروح
مرّات كمان زي بلسم بنداوي بيها جروح
باريين كلام الخير محل يمش بنروح
صار الفرح حادينا أمّا الزعل مطروح

ام كريم

ست الكلام الرائع تعالي يا قل سيرو
جيبي الزلال الحالى وزيدي فى تفسيرو
سوّي التصرُّف وغنّى غناكى بى تيسيرو
ومعاك جموع عاشقين خلف الأصالة بسيرو

ابو الخاتم

ابعاقلة تعال خيمتنا فيك مغروضة
النمة الجميلة ورينا راقي عروضا
رجعتك لخيمتك صارت عديل مفروضة
أنجدنا وتعال نوفّى ليها فروضا

احمد حسن دياب

يا ود عم حسن جيتك معايا حروفي
وبالنّم السمح بدور أبرّد جوفي
نمّك جد بهرني خلاني زدت وقوفي
ما يدوكّا عين ،، بالجد بقول ياخوفي

ابو كريم

ابو كريم بالجديد أشجانا

وكتير بي المنتدى الروح تروح أحزانا

ما قصر معانا وأصلو ماخلانا

لكن ياابو كريم بندور تدوبى معانا

عمار حسن

ياود هبار يا هميم يا انسان
للعزازة ارجع وفيها ليك مكان
زينا بكتابتك ورجع ديك كمان
دايرين العزازة جميلة مزدهرة الالوان

حافظ بدوى

دعوة الخير ماغريبة عليكا
أصلو طبعك ومأصل فيكا
دهب شنقول شنو ؟ مابباريكا
ويازول كده دي المحرية فيكا

عمر قرفة

فى منتدى الحرية النمة ما ممنوعة....
فيو سحر الكلام اتفجرت ينبوعا...
يا قرفة اكتب وكلمتك مسموعة..
نحفظا فى ليك والله ما مرجوعة..

مهدى الصادق السيد

ابو الصادق دوام
سابقنا بي راياتك
ابو الصادق يمين الجود احلى صفاتك
ابو الصادق دوام
نحفظ جميل ابواتك
ملك الملوك بالجد
قليل الفاتك
ارجع عود تعال بسمح كلماتك
للعزازة نعمر وكية لشماتك

ابو ميعاد

الزين مو فسل والفسل مو زين......
والفات راح مشى خلانا مبسوطين...
والخبر الصحيح الليلة جابو يقين ...
ابو ميعاد رجع بقينا تب تامين....

ناس امريكا

ناس أمريكا ياخي والله قصرتو معانا
ومن قبيل راجين عمى وفيصل ود فضل الله والنفوس عجلانا
حباب نجوى بت امونة البى جمايلا مغرقانا
وشذى وداد الفي بيتا الجميل كانت لمانا
يارب ترد الغربة نلقاهم بكرة حدانا

ابو الوفاء

النم الجميل مابغلبك ترتيبو
الدر والسمح متعودين بتجيبو
ماذا انت قائل ؟؟لو تسمع كلام تطريبو
المنتدى في دمانا ومحال تاني نسيبو


محمد بابكر

ابو اسامة راقى

في طبعو كان في نمو

ابو اسامة اديبنا

بي رقة وصل فهمو

ولأول مرة قعدنا

وبقينا الكلام سامعنو

ابو منتصر

ابوى السمح الديمة مشيو عديل....
دراج المحن بى سدرو سد السيل...
خلى الضل وراح بحرفو طعن الفيل..
سكت كل عزول و شفى كل عليل..
ابوى السمح ما بنرضى ليك بديل....

شوقى عزازة

بي حرف العجم شوقى ندى تحية
ومع إيماءة خفيفة ورفعة للطاقية
فرحانين بي وجودك فرح اللقالو لقية
أسرع لينا تعال كلامنا عندو بقية
شاحداك يا كريم تفرح فيهو رقية
وكل الناس يعرضو بطحانى او كاهلية

نرمين

الدكتورة جات يا اخوانا ادوها فرقة
أبرُولا القلم .. وادوها معاكم ورقة
ولابد يا بنية .. لا بُدّ تعملي حركة
شاركي بي أي شئ .. إن شاء الله شوربة مرقة

سيف الدين حماد

أمشي وتعال يازول تلقانا جت راجنّك
نجادع مع بعض .. ما بين فنونّا وفنّك
بس ما تغيب كتير .. وارجع تعال لى محلّك

محمد حسن خضر

معاكم جد بيحلو القول
بتنطلق الحروف على طول
قدر ما تمشي ليكم فوق
لي قاماتكم عاجزة تطول

ونواصل مع بقية الاعضاء

احمد حسن دياب
26-01-2008, 04:45 PM
تسلمي بت العزازة وانت تسنهضي الهمم وتحركي المجاديف
وانا كمان بقول للناس تعالو الخيمه

ابو الخاتم
27-01-2008, 08:17 AM
عكير الدامر في الدنيا :


سرورك ما بتم عاقباهو ديمة الفجعة
وظاهرك لينا سكر إلا طعمك وجعة
كم طفشتي مرتاح وقلبو مابي الهجعة
روحو تشابي وإنت قطعت خط الرجعة

تقابلك عروس تعشق معاني رقيصها
تملاك بالمحبة وتمشي نازله نقيصا
ما يغريك دلالها وتوب جمال بلقيسا
عاين للقبور وبعدين سماحتها بتقيسها

...

بتقابلك جنينة تمتعك بي ثمارها
وترقد في أمانا وتنهمك بعمارها
باكر تبقى ليك حنضل تشوفو دمارا
تنسحب منك .... وتدق مسمارها

... [/color][/b]

ابو الخاتم
27-01-2008, 08:19 AM
إتغشينا بي حبك لبسنا عباية
يا موية الرهاب الما ملت كباية
عجيب يا دنيا أمرك الا نحنا غباية
عاشقين الجمال في لمعة الحرباية

بت العزازة
27-01-2008, 08:07 PM
نواصل

لوى محمد احمد

الخبر الاكيد جابوهو في الدغشية
ابو الغيداء داك سيد كرم وتكية
يعدل للدرب ويكرم ضيوفو المية
وان خربت كمان بعدل كمان بالنية

خالد عمر هبار

ابو على الليلة بالنضم حفيتنا
سألين الكريم يوفيك ذي ما اوفيتنا
المنتدي تب نملاهو من دوبيتنا
اصبح لينا دار وبنشوفو يمين ذي بيتنا

ثناء الطريفى محمد حمد النيل

مع خالص امنياتى بالتوفيق

ثنويةالرزينة وزايدة في الروقة
تحلف عديل من الشناف معتوقة
فيها العفة وفيها الدلال في زوقة
والشين والكعب تب ما بمر بي فوقة

استاذى الصادق حاج على

لينا الشرف وانتو قيادة رشيدة
والبتعرف عليكم مابندم ودي اكيدة
المنتدى زاخر بي ناسا دروعة حديدة
واقفين بي المرصاد لي اي زول فى قلبو مكيدة

الغالية سماح الصادق

يا بت عمى وقمر السبوع البدر
الدرب العلي والله تب ما ودر
السر المصون في قلوبنا مد وخدر
لا بد نلتقيك كان الله هون وقدر
ما فقدت الامل وانشاء الله ما يتعزر

احمد الحاج

ابو رزة اخوي بالحروف ما تبقى بخيل
قول واطربنا بحرفك البسند الحيل
اكان نعرف نجاريك ونديك مننا قليل
ما تخلينا تمشي بي وراك لسانا تقيل


سامى محمد قسم الله

سامى اخوى بقدم اعتذارى لاحزانك لو كان حرفى يوم صحاها
واكيد بترجعنا ذكراها يوم الرحيل وندعو ليها ونطراها
دوام الحال محال وما مخلد فيها الاالخلقنا وسواها
فجعتنا فى سيد الورى يوم راح وقابل خالقو وارتاحاا
لو كانت معاك او فارقت دنياك حبك ليها ما بينزاحاا
اهديها شيتا عظيم من كتاب خالق كريم لا بينساك ولا بينساها
واعمل ليها وقف يجدد الحسنات يااااااااااارب دعواتك دوام تغشاها

ياسر الشيخ

ود خالى مرحب والامان قدامك
قول ورينا شعرك وكلمنا عن ايامك
منتظرينك من زمن تدينا من احكامك
جيب لينا الجديد ما تبخل علينا بكلامك

بكر شيخ الدين

ود عمى بشوفك لي النضم سلطان
نحلف يمين انك للنظم عنوان
ما تبخل علينا وخليك للكرم عنوان
قول انشدنا قول ورجعنا لينا ايام زمان

الكودة

يا ود اليبانى الف سلام ومرحب بيكا
خليت الخلوق حيرانا تفتش ليكا
ما وريتنا وينك قلنا نسأل عليكا
اخيرا عرفنا انك فى العزازة هدييييييكا

امجد محمد الامين

حليل ود اللمين الكــانطوالى معـــانا

ماخداهو المشاغــــل طول خلاص ما جـــانا

اريت امجد يرجع تضوي الحروف تريانه

ويلمع حرفو تانى وبيهو تضوى سمانا

ود اللسد

حبابــك اخوى مرحــــب وخليك داني

نمق للكــــــلام انقش صـــــور ومعاني

سنابل او اخوها وحاجات سمحة تانى

كريمات ابو كريم

ان جيت لي الجمال ماخدات فوقو شهادة
وان جيت لي العفاف ديل اصل وريادة
وان جيت للادب والذوق عابداتنو عبادة
ديل بنات عبد المنعم اللي الفهم معتادة
وين بنلقى زيهن في الخلوق يا سادة

نوااااااااااصل مع بقية ااعضاء

إيمو
28-01-2008, 11:37 AM
شكرا خالتو وانشاء الله نكون عند حسن ظنك .

احمد حسن دياب
28-01-2008, 01:34 PM
الليلة السحاب فوق البطانة منيِّل
وولّع جمرة القلْب الـ قبيــل متحيِّل
طريت ست الصبا الـ ما جالسوها العَيِّل
جمالها يفوق على قدر العقل ما يخيِّل



نزلوا .. وعدّوا في "أب شقروت" تمانْة ايام

بقرهُن برعى قمبيلاً منيّل ودام

عنانيف النجوع جابن خبر قدام

وفي اطراف النهار سرّب عقيدهُن قام



مادّين و"الغبيّة" أوان مقيل هدّوها

عركسوا فوكّا ملّوا روايا واتعدّوها
داروا "القُرني" ها الشورة الكبار عقدوها

والعُطفة الموشحة بالحَبَر قادوها



البارح جلس فوق الفراش المـاهل

مهتم شايفو بي نزول اب قفايا باهل
كفّيت بصري قت لي قلبي خليك ماهل
يهوداك خلّ عقلك صبرو زي الجاهل



البارح سمع ساجع القماري النوّح

اتذكر زمن جهلي وشبابي الروّح
بقين دورا ستاتي العطارهن فوّح
لقن ايامي و ايامهن مطرهن شوّح

ابو الخاتم
17-03-2008, 10:51 AM
في مدح الخليفة / الشيخ حسب الرسول ود بدر
غنّت ليك أم ضمير
ثلاثة آلاف وردن حفير
ثلاثة آلاف درّجن صغير
ثلاثة آلاف في المقيل
ثلاثة آلاف شايلات حرير
لاك عمدة ولاك وزير
دهـ الفتح المن القدير
يقصد الجمال والرزق والفتح الرباني

احمد حسن دياب
17-03-2008, 01:27 PM
واصل ابا الخاتم كم افتقدناك

ابو الخاتم
28-04-2008, 07:21 PM
أنا أخو البت اللكعت قرن الخمرة النازة
على وردان الصبوة الراكزة
الجنيات الهازة ..
صدورن لازة
ورقّ النص زي خيت الشلة
بالحيل آ جني إيه والله


الجنيات الحزمو الجبة
وعرق الشتوي عليهم نايا و صب
قول ما دلّه .. رجالا حصدوا الحبة
عيشهن هادو انكال واتعبّ
ومنو كتير في الواطا انكبّ
وباقيه مصوبر واقف قبة
الحمد آلاف .. الشكر آلاف
الحمد آلاف الشكر آلاف


العيش الرقد أصناف أصناف
الولد الكال.. عزام .. حلاف...ضياف
الرزق الجانا مدلة..
الحلق الجاف اتبلة
بالحيل آ جني إيه والله

ابو الخاتم
28-04-2008, 07:27 PM
يا عادل بابكر ...
الحاردلو بوصف البطانية :

ويا عادل وينك وينك
وحيات الما بيني وبينك
تعال نشوف من دوبيتك
وحبرتية بساسق بيني وبينك

montasir azaza
29-04-2008, 11:17 PM
استاذى ابو الخاتم
السلام عليكم
اشكر الله كثيرا ان هيا لنا هذا المنتدى حتى نعبى انفسنا من هذا النبع الصافى وان نروى انفسنا العطشى لحرفكم الندى الشجى المترع بالجمال ,,استاذى ما تاخيرنا عنكم الا استحياءا لحروفنا امامكم فكيف نكتب وانتم اهل للكلم وللحرف ولكن وجودنا دوما بصفحتكم العامرة ننهل منها ما يجعلنا اهل لان نكون بينكم
اردت فقط ان اوقع تلميذا فى حضرتكم مع كثيرون مثلى يعشقون القطف من اطيب ثماركم
دمت فى حفظ الله ابو الخاتم
المنتصر

ابو الخاتم
07-05-2008, 07:22 PM
مختارات من الدوبيت :

الصهب والدليب ما بنفعن عكاز
والدرب الطويل ما بتمشي للراز
أسعيلك هميم تلحقيبو الفاز
عقبال ما بعود حتى إن بقيتي
بت أب زيد الهلالي الجاز

الصبي قاطع الوالدين ولم حبالو
والأخو بي البترمي أخوه مشغول بالو
الخال انسحب ود الأخت سبالو
والعم ود أخوه يدُور نسب يا بالو


الجار قاطع الجار والحيط علوها
وإن قلت النصيحة الفي الكتاب قتلوها
الأخوان على بعض السيوف سلوها
وأموال اليتيم أهل السبح أكلوها

hafiz
10-06-2008, 11:46 PM
الخبر البجي الصديق مقفل جوة
حالف ما بقيف دونو ان بقيت في هوة
عن طرش الدرق مابنسي شرط الخوة
كباس للدهم عند البقول يا مرووووووة
اولا تحياتي العزيز جدا ابو الخاتم ..واظن ان ما يشغلك عننا هذه الايام كتاب جديد كنت تبحث عنه ..بعد ما تكملوا مدوا لينا بي الحيطة ..اها قلنا يا ابو مرووووة بتلحقنا ولا نضرب الكواريك تاني ..المنتدي ينقصه الملح وانت ملحه وبهارتوا كمان ما عدا الشمار ..عايزك تعرف لي الزول دا قاصد شنو بي طرش الدرق في المسدار اعلاه.. نحن في انتظارك وكذلك المسدار..تحية

OSAMA HAMMAD
11-06-2008, 01:08 PM
استميح الاخوة وابناء العمومة ابا الخاتم وحافظ في الاجابة
عل الشاعر يقصد ب:-
عن = عند
طرش الدرق = تصادم والتقاء الدرق

hafiz
18-06-2008, 08:38 PM
العزيز د/ اسامة لك المودة والمحبة واشكر لك التوضيح ونتمني مشاركتك الدائمة في هذا المنتدي والمنتديات الاخري وتحاياتنا لكل الاهل والاسرة..ونتمني من ابو الخاتم ان يخرج لنا بالجديد لانو شايف راحلته اناخت هنا زمنا ولاندري ما حل بها وكذا احمد حسن دياب حزا ما حزا ابوالخاتم ..للجميع تحايا

عمار هبّار
19-06-2008, 08:55 AM
سر الفرحة معطون في حفير الريدة ..
ما بين دكة الهم الملانة محن
وما بين الخريف الموحِل سيدها ..
وكيف ما يكون ..
ماترانا كل ما فرحنا
وقلنا العزازة إنحلّ قيدها..
نرجع نلقاها لسة مكتفة ومحبوسة
ومفتاح القفل عِنْ وليدها ..

عمر قرفة
25-08-2009, 11:52 PM
نـَبْكِي بـِكـَيَ المِطُوُرْ وَكْتيْنْ تـَسُوُقْ السّيْلْ
فـَاقْـدِيِنْ ذَاتـَـكْ الطـَّيبَة وْتـِلاوْة الليل
صَدَقُواالْ قـَالـُوا يومْ رَحَلُواالْ بِعَدْلُوا الميْلْ
إنـْكَسَرْ المِرِقْ وِاتـْشَـتـَّتْ الضَّانـْقيْلْ

ابو الخاتم
29-08-2009, 07:38 AM
سلام عليكم ورحمة الله يا عمر ورمضان كريم ،،،
وهاك ،،،


الصلاة والسلام ما صل حاج أو لبّ
الصلاة والسلام ما زر شارق وعبّ
الصلاة والسلام ما غنى شاعر وحب
تشفع يا الرسول يوم الخلوق تنكب



بى حبّك مؤمّل فى الآخرة ألقى ثوابي
وتغسل كوم درن حـلّ فى أثوابي
وتغفر يا كريم لي أهلي ثم أقرابي
وتمحو سيئات زمرة من أصحابي

عمر قرفة
01-09-2009, 06:29 PM
الليلة السحاب فوق البطانة منيِّل
وولّع جمرة القلْب الـ قبيــل متحيِّل
طريت ست الصبا الـ ما جالسوها العَيِّل
جمالها يفوق على قدر العقل ما يخيِّل

محمد عمر إبراهيم
04-09-2009, 02:16 AM
(هيع) حرم لو كنت جمبك كان غبارنا وقف تكل
لكين اقول ليك حاجه دا دوبيت شهاده عربيه
دوبيت عذوبيه ساااااااااااااااااااااكت

عمر قرفة
04-09-2009, 08:51 PM
شباب النيل حليل لون الخدار و الحنة
و الفرع المميل بالنسيم يتنى
انا طاري الحفلة يوم غنايا هايج جن
و الديوان محضر جرتقن للحنة

يا اخوان البنات يا حليل نواحي بلدنا
حار صوت الفراق جرح قلوبنا جلدنا

هييييييييييييييييييع ابشر بالخير


يا جماعة هوووووي زحو داير انجلد الله يكضب الشينة

ولنا عودة مع الدوبيت والمسادير
فاصل ونواصل
لك التحيه ابن خالي

ابو الخاتم
09-09-2009, 11:00 AM
من شعر الجاغريو السياسي :
نحنا صغيرنا عندو حياتو ما همية
فى زمن الحرب واحد بيازن المية
نحنا أرواحنا يفدن ناس سعاد وصفية
ونحن اللى وطنا وعودنا ديمة وفية


نحن أولاد بلد نقعد نقوم على كيفنا
فى لقى فى عدم دايما مخرف صيفنا
نحن أب خُرس بنملاه وبنكرم ضيفنا
نحن فى رقاب الناس مجرب سيفنا



في لقى : في بسط
أب خرس : هو قدح الكسرة والخرس حلقتين بالجنب يحمل عليها .

الأمبراطور
29-09-2009, 12:32 PM
دقيـت اليميـن انـو القمـر إتدلى
في نص النهار سارح يحوم في الحله
غيمت السما وشـرقت نجـوم تتجلى
وانبهرت عيون عاجـباها خـلقة الله

إتدلى:نزل

سبحان الخلق سواها واحده فريدا
وخلى الليل يجي وينزل ينوم فوق إيدا
والنجم انتظم عقداً جميل فوق جيدا
زي طفلاً وديع من نظرة بس بتريدا
في الذوق والجمال ما شفت اصلي نديدا

أزمعتي الرحيل قصدك تزيدي جروحي
يا ام خشماً تقيل بى حبي مابيا تبوحي
حبك في الفؤاد دايماً مشحتف روحي
وين القى الرقاد كان ناوية انتي تروحي

الخشم هو الفم في العاميه السودانيه,في هذا البيت الشاعر يقصد ان محبوبته تتمنع عن الافصاح عن حبها.

مطر الريد رشع وأنا وإنتي إترشينا
وإتشابينا فوق ضهر السحاب ومشينا
وشك قوس قزح يا السمحة يوم تغشينا
سارحين في الخصل وجوا العيون طشينا

ضهر: ظهر
السمحة: الجميله

محمد شيخ الدين ود الدفع
30-09-2009, 10:35 AM
الاخوة والاخوات من ابناء العزازة بدول المهجر ... لكم التحية .. رد الله غربتكم وكل يحمل ما تمنى وانتم تتنفسون هواء العافية ..وعيونكم تكتحل برؤية من تحبون .
باسم رابطة طلاب وخريجي العزازة بالجامعات والمعاهد العليا **نبعث تحايانا ونؤكد لكم باننا .............
اقوياء بما بيننا *و جميلون بدواخلنا *وصا مدن باحلامنا

الحاج الذين
30-09-2009, 02:32 PM
التحيه لك ايها الرايع امبراطور المنتدى
وشكراً على هذا الكلام الحلو الجميل المموسق
فانت دايماً تختار لنا الجميل من الكلم
نعم الخشم هو الفم فى العاميه
وهنا الشاعر يقصد به الحديث والكلام (النضم)
ام خشما تقيل اى ام نضماً تقيل (ما سرساره ولا بتاعت شمارات)
وهذا مجاز مرسل علاقته المحليه
اطلق محل الكلام (الخشم) واراد ( الكلام)لذلك علاقته المحليه

الحبيب محمد شيخ الدين
اولاً حمدلله على السلامه
والبركه فى الامبراطور ده الدخلك لينا
نحنا لو عارفين الدوبيت بدخلك
من ذمان كان دوبينا ليك
تحياتى عبرك لكل اعضاء الرابطه
وما تنقطع ابقى طلنا بماهو جديد
مودتى للجميع

الأمبراطور
30-09-2009, 04:19 PM
هوي يا زولا فتح الكلمة الجوة الروح
وهوي يا ود العز والجاة
عزك بلدك وجاهك حب الناس حوليك
يا متواصل جوة الفرحة البينا مودة
ويامرسوم بطيبة الدنيا
هوانت ايها الرائع محمد شيخ الدين(عكــــــــــــــــــــــــــــــــــــــــــ ــــــــــــــــــــــــــــر)
وهوي يا زول يلااقدم لي قدام وانحت في جوانا حروفك

ابو الخاتم
15-10-2009, 07:05 PM
الرائعون لكل زمان ومكان ،،
وبكل يد ووجه ولسان ،،
أحبائي الأعزاء ..
الحاج الزين ، والامبراطور، ومحمد شيخ الدين ،
وأحمد حسن دياب ، ومن فاتني ذكره ،،


تحية وشوق وسلام
وشاكرين على هذا التواصل
وإحياؤكم هذه الجزئية (الدوبيت)
التي أعتقد أن لها ضرورة وحضور في كل واد وناد
لكنه للأسف الشديد مغيب (هنا) فقط وكأننا من كوكب
ناسو خدودهـم سادة .. أو كما قال بشري عبد الله
سلطان الدوبيت والعامية الشهير ،،،
واصلوا وأنا معكم سأواصل ..
واركزوا وانجضوا ما أحلى الدوبيت قول وسماع ..


أخترت لكم مقطع من مرثية إسماعيل حسن ،،
للدكتور / محمد بادي ،،


وتبدأ طويرة الاحزان تفتش راحلة غادى و جاى..
تفتش عن حروف مدفوقة فوق درب الرحيل..
منثورة فوق أطراف مجر الناى..
مصيرها تسير مع التاريخ سنين و سنين..
مصيرها تساسق المسكينى بين الباسة و الباساااااى..
و تبكى طويرة الاحزان..ترفرف من تخاى لتخاى..
و تسأل عن صدور مغسولة بالدوباى..
و تنزل فوق مجالس الشاى..
و فى حلقات أبونا الشيخ و فى الشاشاااااى..
تبل الريق من الدمع البيوشل من أرامل الحى..
و تشرق بالرحيح..فى الردحة و الووب حى..
و تمرق من محارى الناس..تولول فيها جرس الصى..
و تصرخ ضايقة..يا جلابة اقيفوا لى!!
و تسأل ضايقة..ما شفتوه زولا لى!!
تضيع صرخاتها فى المجهول..و يرحل من دريبها الضى..
وين تلقيهو يا مسيكينة!!
كيف تلقيهو!!!!
..زولك قالوا ميت ..و حى!!

الأمبراطور
16-10-2009, 06:31 PM
لك جزيل الشكر والاحترام
ابوالخاتم على هذا المرور الرائع
وفعلا فان الدوبيت السوداني بمختلف انواعة فهو تراث جميل
كما انة يعطي الوصف والموصوف لمسة جمالية عند الغائية
وهاهوذا الاستاذ الفرجوني يرثي الحاج علي حميدالفكي ط

1 خـَيِّرْنـَا الْ بـِشُوُرْ يوْمُو الرَّحَلْ مَا شَارْنَا
خَلـَّي العينْ مِجَدْوِلَة والدِّمُوعْ مِتـْـقَـارْنـَة
مَصْحَفـْنـَا وْ هُدَانـَا الْ بيهُ رَحْمَة دَارْنـَا
من يوموالْ خـَتـَرحُسْنْ الصَّبُرْ ما زَارْنَـا

2 نـَبْكِي بـِكـَيَ المِطُوُرْ وَكْتيْنْ تـَسُوُقْ السّيْلْ
فـَاقْـدِيِنْ ذَاتـَـكْ الطـَّيبَة وْتـِلاوْة الليل
صَدَقُواالْ قـَالـُوا يومْ رَحَلُواالْ بِعَدْلُوا الميْلْ
إنـْكَسَرْ المِرِقْ وِاتـْشَـتـَّتْ الضَّانـْقيْلْ

3 فـَاقـْدِنـَّكْ كَتِيِرْ فـَقـْدَاً بَلا مَحَدُوُدْ
يا تـَالِي الكِتَـابْ وكْتْ الضَّلامْ مَمْدُوُدْ
كَمْ سَنـَّدْتَ واقِعاً بالضُّعُفْ مَهَدُوُدْ
ؤكَمْ حَليْتْ قَوَاسِي وْ دَرْبَهِنْ مَسْدُوُدْ







4 نـَفْسَكْ طَيْبَة والتـَّقـْوي المَكَمَّـلَة زَادَكْ
كَمْ أصْلَحْتَ كَمْ أفـْلَحْتَ بـ إرشَادَكْ
الصَّلاة والتـِّلاوَة الْ في الهِجُوُعْ واوْرَادَكْ
في قـَبْرَكْ مَعَاكْ بِتـْوَنـَّسَنْ في رْقـَادَكْ

5 نـَبْكِي بِكَيَ المِطُوُرْ فـَاقـْدِينْ وِجُوُدَكْ بيْنـَّا
يا ضَوْ الصَّبَاحْ الْ كَانْ بِنـَوِّرْ عيْنـَّا
كَبـِيرْنـَا الْ بـ حنـَانـُو بـْسِدْ مَحَلْ وَالديْنـَّا
نـَبْكِيِكْ بالدِّمُوُعْ مِتـْحَزِّنِـيِنْ يَا زينـَّا

6 نـَبْكِيِكْ بالدَّمُوُعْ يا فيْضْ بَحَرْنَا الصَّافِي
نـَبْكِيِكْ بالقِلـُوبْ ؤبِكَيَ القِلُوبْ مُوُ كَافِيِ
نـَبْكِيِكْ يا الْ بِتـَفزَعْ للمِضِيِقْ مِتـْـلافي
نـَبْكِيِكْ يا الْ بِتـَصْلِحْ كُلَّ يومْ ؤتـْعَافِي

7 نـَبْكِيِكْ البِكَا الْ ما بْجِيـِبْ غَضَبْ خَالِقـْنـَا
نـَبْكِيِكْ بالصَّبُر وَالوَجْعَة مَا تـْفـَارقـْنـَّا
نـَبْكْيِكْ يا الْ فـُرَاقـَكْ في القـِلـُوبْ حَارِقـْنـَا
يابـيـْتـْنـَا الْ بـِلِمْ ويِجْمَعْنـَا ما بـْفـَرِّقـْنـَا

8 نـَبْكِيِكْ يا الْ مِثـَالَكْ في الرِّجَالْ مَعَدُوُمْ
يا الْ بالتـَّـقـْوَيَ سَوَّيت الفـَضَالَة هْدُوُمْ
نـَبْكِيِكْ البِكَا الْ مَا بِكْرَهُو القـَيُّومْ
نـَبْكِيِكْ بالصَّبـُر لكِنْ حُزُنـَّا يْدُوُمْ







9 يانـِسـلْ الرِّجَالْ أهَلْ الدِّرُوُعْ وَالخيْلْ
يا تـَالِي الصَّحَايِفْ في هَزَايْعْ اللّيْلْ
فـِيِكْ نـِسْتـَغْفـِر اللَهْ وْبينـَا كَتـِرْ المـيـْلْ
يا المهَلْ الْ بـِبَلـِّجْ مِنْ ضِهُوُرْنا الشّيْلْ

10 يا الْ بِتـْصَادِفْ المِسْكِيِنْ بِتَكْشِفْ ضُرو
ليـْشْ في قـْلـُوبْنـَا سكَّنـْتْ الحُزُنْ بـ حَرُّو
يا ودْ الْ مُحًالْ فوقْ فـَارغـَة ما بـِنـْجَرُّوا
حـُزْنـَا صَادْنـَا بالطـُّوُلَة الزَّمـَانْ ما بفِرُّو

11 ما ودَّعْتـَنـَا وْسَافـَرْتَ غير مَا تـْشُوُرْنـَا
حُزْنـَاً صَادْنـَا مِنـَّكْ حَدُّو بـِبـْقـَي قـْبُوُرْنـَا
نِتـْلفـَّتْ نـَعَايِنْ وَيْنْ ضِيَانـَا وْنـُوُرْنـَا
نـَلقَ الحَالْ كَعَبْ وَالعَبـْرَة خَانـْقـَة صَبُوُرْنـَا

12 ما استـَنـّيْتْ (عُـمَرْ) بَارَكْتْ ليهُ الحَجْ
خَلـّيْتْ ليهُ حُزْنـَاً ذَاتـُو مَا بِنـْفـَجْ
في وَسْطْ الوُفُودْ الْ جَايـَة مِنْ كـُلْ فـَجْ
خـَبـَرَكْ جـَاهُـ فجَّ ضَمِـيـِرُو مـِيـَّة فـَجْ

13 الجَفـَا مَاهُـ طَبـْعَكْْ يَا حَسِيـِنْ الطَّبْعَة
ليْشْ سَوّيـْتـُو خَلـّيْتْ الدِّمـُوُعْ مِتـَّبْعـَة
حَدْ ما يْدَوَّرَنْ فوقـْنـَا اللَّيَالِي السـَّبْعَة
فـَاقـْدنـَّكْ كَتـِِيرْ يا الخيْرْ حَسِيِنْ الرُّبْعَة






14 الفـَقـْدْ الكَبـِيـِرْ فـَقـْدْ التـَّقِي وصَوَّامْ
سَجَّادْ اللَّيَالِي الْ في السَّحَرْ قـَوَّامْ
نـَفـْساً طَيـْبَة عَابـْدَة الوَاحِدْ الدَّوَّامْ
ؤقـَلـْبـَاً مِنْ عـِبـَادَة رَبُّو مُو نـَوَّام

15 حَزْنـَانـَاتْ قـِلُوبْنـَا وْحـُزْنـَهِنْ إيـِمَانْ
رَاضْيـَاتْ بالكِتـَابْ الْ أنـْزَلـُو الرَّحْمَنْ
يا حِزْبْ الرِّضَا الْ لـ دَارْنـَا كُنـْتَ أمَانْ
مَفـْقـُوُدْ بالكَتيـِرْ لـ مـُدَّة الأزْمَانْ

16 منـَادِيـِكْ نـَادَيَ يومْ جِمْعَة وْنـِهَارْ يومْ عِيـِد
نـَزَلـْتَ جْوَارْ كَـرِيمْ رَبـَّاً عَظَّيـِمْ ؤمَجِيـِد
بـِجَرِّحْ قـَلـْبِي كَوْنـَكْ تـَبْقَ مِنـِّي بَعيد
ويفـَرِّحْ قـَلبي كَونـَك في جِوَارُو سَعِيـِد

17 بَعَزِّيِ الكُمـَّل الطـَّيْبـِيـِنْ مِلـُوُكْ النـَّاسْ
عِيَالْ بَطْحَانْ قِلـُوبـْهُنْ عَامْرَةْ بالإخْلاصْ
بَعَزِّيِ الْ فِيِهُنْ الجُوُدْ وَالكَرَمْ والبـَاسْ
لِبَابْ عَدْنـَانْ سُلالـَة حَمـْزَة وَالعَبـَّاسْ

18 بَعَزِّيـِهُنْ عَزَا الحَزْنـَانْ ؤحـَامْدْ الرَّبْ
عَزَاالْ وَدْعيْنـُو طَافـْرَة الدَّمْعَة مِنـُّو تـَرَبْ
أقـُولْ لـ قـَلبْي أصْبُرْ أوْعَـي تِتـْخَرَّبْ
جَزَعْ مَا بْجِيـِبْ، جـِرَاحَكْ قـُولْ عـليْهِنْ كَبْ





19 العَزَا للمِلـُوكْ فـِرْسَانْ عَوَاتـِي الخيْلْ
مَرَاكْزْ الخيْرْ ؤأقـْمَارْ الهِجُوعْ وَ اللَّيل
صَنـَادِيدَاً بِصَادْمواالموْتْ وِيصُدُّواالخيْل
واجَاوِيِدَاً بـِفـُوقـُوا عَلي المِطُوُرْ والسّيْلْ

20 العَـزَا للبَطَاحِيـِنْ جـُمْلـَة دُوُنْ تـَحْدِيـِدْ
رَقـَدْ فـَارِسْنـَا طـَاهْرْ الكَفْ ؤطـَايلْ الإيـِدْ
رَقـَدْ الْ كُلـُّو يومْ كَانْ في الفَضَالَةْ بْزيـْد
رَحَلْ,ؤرَحِيـلـُو رَحَّلْ مِنْ قـِلـُوبْنـَا العِيـِدْ


21 بَعَزِّيـِكُنْ جَمِيـِعْ ؤبَعـَزِّي نـَفْسِي كَمَانْ
وَاقُوُلْ الموْتْ فـَرِضْ مُنـْزَلْ منْ الرَّحْمَنْ
طَوِيلْ عُمْرَكْ قـَصِيرْ، وآخْرْ النـِّهَايَة ضَمَانْ
دِريْبـَاً مَاشْ جِدُوُدْنـَا اتـَّاَبَعوْبُو زَمَانْ

22 بَعَزِّيِ الكَافـَّة أهَلْ الجُوُدْ ؤأهَلْ الخيْرْ
بَعَزِّي الكُمـَّلْ الْ لـ اللَهْ جَـدُّوا السيْـرْ
بَعَزِّي الْ في هَوَايْدْ اللّيْلْ قـِلـُوبُنْ طيْرْ
بعَزِّي الْ بـِصْلِحُوا الأمَّة وْبـِزِيلـُوا الضّيْرْ

23 بـَعَزِّي الْ خَافـُوا رَبْ النـَّاسْ إلـَهْ الكوْنْ
بَعَزِّي الْ في المَرَاتـْبْ العُلـْيَا مَاهُنْ دُوُنْ
بَعَزِّي الْ عِنـْدَهُنْ كُلَّ القـَوَاسِي تـْهُوُنْ
بَعَزِّي الْ بِسْنِدُواالمِسْكِيِنْ مَحَلْ مَا يْكُوُنْ

ابو الخاتم
12-06-2010, 10:57 AM
سلام لكل قاريء ومشارك وماري ..

الواعي ما بوصوه ...

الواعي ما بوصوه من أمس الضحى
تورى أب زنود ساقوه
يا مقنع ولياتو
الواعي مابوصوه
الفتح الدرب خلى العريب يمشوه ..

الممدوح هنا هو (عبد القادر إمام ودحبوبة) قالت هذه المناحة
أختو وإسمها عائشة ..
والبطل مقيد أسير سيق للمحاكمة بمركز الكاملين
أثر ثورته العارمة التي قدم نفسه فيها كبش فداء لأجل الوطن
وحشد وجيش وسلّح الشجعان وألب المجتمع ضد المستعمر.
وأتت بكلمة أب زنود وهي جمع زند وهو الساعد أو الرسق ..
لم تقل توري أب قرون لأن الساعد من لوازم الإشارة للقوة دون القرن ..
ووصفته بمقنع ولياتو أي محارمه يعني يسترهن ويغطيهن بثوب القناع
وهو الحماية من الشر والعدو .. والقُنّاعة بضم القاف كلنا يعرفها
هي غطاء رأس المرأة لزوم الخجل ..
والإشارة هنا مقنع الوليات ليس المقصود غطاء الرأس بل المقصود
غطاء العرض والحماية يعني حفاظ عروض لا يهتك العرض ..

غنيت بجيب مسدار
المكنه بتكاكى جنك مدافع النار
يا قصر الرجال اللي الفقر عصّار
يا قصرالفراسه اللي الضلع كسّار
يا نار الزبل الما بندركلك حال
يا رحل الكحل لابتنزاح ولا بتندار
عوج الطنضبه الما بتعدلو النار
درعولو أم خريز العسكرالزنهار
مأمن بالقماحه اتقدلت ليك برجال
الواعي ما بوصوه من أمس الضحى
تورى أب قرون ساقوه يا مقنع ولياتو
الواعي مابوصوه الفتح الدرب خلى العريب يمشوه ..

المسدار والدوبيت والشاشاي من ضروب الرجز في الشعر
والمكن ومدافع النار هو سلاح المستعمر الذي قاومه ودحبوبة ..
قصر الرجال شامخ وعال وهو يعصر الفقر جمع فقرة
(وهي قفا الرأس) والفراسة هي قوة الملاحظة لكن المقصود
هنا الفراسة بمعنى الشجاعة كسار للضلع .. وهذا القول
مأخوذ من قول الفارس (بشر ابن عوانة)..

فأطلقت المهند عن يميني فقد له من الأضلاع عشرة

نار الزبل هي نار الزبالة عندما توقد نار في زباله
تراها خفية ليس لها حد أو عرق معروف أو كما الماء تحت التبن ..
رحل الكحل .. معروف أن الكحل ثقيل الوزن لذا شبهته
بأنه تقيل لا يوزنه رجل أو فارس .. وأيضاً شبهته بعود الطنضب
وهو نبات ينمو في البادية وله رائحة قوية ومن قوة عود الطنضب
المعوج يخال لك أن النار لا تأكله رغم أنها تقضي على اللين واليابس ..
وأم خريز هي الفرس درعولوا أي ألبسها العسكر دروعاً والزنهار
هو الحزام ..

طارق بابكر
22-06-2010, 04:09 PM
يا سلام يا رائع لله درهم أولئك الشجعان الأشاوس - ياريت لو المرة الجاية تكتب لينا حكاية(الجنزير في النجوم رسم الهيكل المنظوم ما بيخاف) شكرا لمساهمتكم وأريحيتكم قلت لي أبوميعاد بالله بلّغ أبوأحمد بالتلفون عشان يضحك قول ليهو ال500ريال ما شوية على النكّاس لكن يكون نسى فأرجو تبليغه وستسمع ضحكته البريئة

ابو الخاتم
07-08-2010, 05:53 AM
حنين:
البارح بعد ناس الفريق ما هجعوا
عقبان صادنى طاعونى المنوسر وجعوا
البــدو والبنـادر والعريب النجعوا
ما ببقولي متل القدموني ورجعوا !!!

غزل :
دكتور طبِّي عندو دواى ومنُّو إحساسي
تفاح منقة ما هو يسيل وأرضو فداسي
سيد قافية غناى الفيهو صافي اخلاصي
عاجب عيني جارح قلبي مكرو سياسي
المربع فيهو فداسي ...
وقد تناول الشعراء أرض فداسي بالخصب
ومنها عنكوليب فداسي وليمون فداسي .. الخ ...

حماسة :
دار جعل العزاز بلد الملوك والسادة
يا مهد الحضارة ودولة فوق العادة
لو يهجم عدوك بلقى الرجال سدادة
يرحبوا بالردى وحوّة جعل ولاّدة

هجاء :
كتير الفيهم أحسنت وعليك إتباهو
جاهن ريش طغوا وكفك نسوهو جباهو
ود الدابي بالصح بلدغ الرباهو
وأب قنفد حقيقة بجرح الحباهو
المعنى واضح أحسن في من يستحق الإحسان
جنا الدابي بيلدغ أبوه
وأب قنفد كلما قربت ليهو شوكو ضربك
ذي شوال الدقيق لو دخلت يدك ما بتسلم من غبار الدقيق..

احمد حسن دياب
08-08-2010, 12:24 PM
أنا ماني التنبل الفي البيت صِنٍعتي حليبْ
بَدور الشًّدّة فوق إبلاً شوافي ونيب
إن حرًّت نخت الشكرة ما بنعيب
وإن بردت نكافيبهن سوالف أم طيب
********************
كم شديت على تيساً بسوك الناب
وكم جايب زَمَل من الرَّهد كَسّاب
حديث الناس كتير .. ما عندي ليهو حساب
إنقطَع اللسان يا فاطنة أبوك إن عاب
********************************
كم شدّيت علي تيساً بهمك الغَلة
وكم غوَّص بهن لامن شِهيرن حلَّ
ود مكّة بيقول يا خالي كيف الحّلَة
من سوقهن حلف بلال جنى خادم الله
******************************
كم شديت علي ضهر البِهمْك الشوكْ
وكم كرَّف قُروناً عَبَّكِن دايوك
أمانةَ يا حسن تاخد عشا الولدوك
ياتو الخَلَّسك وكت العساكر جوك؟
*********************
الليل حيلو روح وحس سروجنا يبنِّنْ
جدع النمّة ود أب زيد وصوتو يحنِّن
نحن الكُسًّر النظرة عيوننا تجنن
ديمة درقنا بي دم الرجال متحنن
*************************
كم بنداور المصرة ونمصرو ثديها
وكم بنشق عتاميراً بعيدة وتيها
يا نفس السواد المتعة كملتيها
أبقي لزومة وكت القرعة وقعت فيها
********************

عاطف محمد
08-08-2010, 06:03 PM
كدي يا ابو الخاتم هاكم كلام العرب ده في وصف خريف البطانه وشوفو صقع ولا ما صقع؟

قال طه ود الشلهمة، شاعر أبو دليق يصف البطانة في الخريف:
سِمْحَتْ، ومن شَناةالصَّيفـة لونا اندسَّ
وجبَّالِـكْ لِبِس من الخَـدار واتكسَّـى
يا المـَرْدةالتَّليني مع الجُمـال في الرسَّة
فوقِكْ زَرْقَـن الرَّزَمِي السحـابواتمسَّى





وقال الشاعر عبد الباقي الشكري يصف البطانة فيالخريف:
تِعْلِك دودا فوق حقَّاص ضهـورِك خَتَّ
وضُهْرِيكْ صَابَـق السَّارْية وصبيبو انحتَّ
قِبْلِيـكْ ساوَق أم بَرَد البِرَمي سَقطَّـا
جبَّالِك جَبَد كُجَـر السحـاب، واتغتَّى



وقال الشاعر/ آدم ود سند، يصف البطانة في الخريف:
خرَّفْـتِ، وطلايْعِـكْ للمراتِـع لفَّـنْ
ضعايْنـِكْ شيَّلَـنْ من المدامِـر، وقفَّنْ
وديانِـك مشَنْ، ليهِـن سبوع ما جفَّن
وقِبْليـكْ تَوَّر الركَمِـي السحابومَدَفَّنْ





وقال الشاعر عكير الدامر يصف جمال الطبيعة فيالخريف:
الحُقُنْ إنْمَلَـنْ،والدَّابي جاتـو فضيحتـو
ومو خاتي إن مرق،ضاقَتْ عليهو فسيحتو
إندشَّ السرِح، كرَفَتْ هواهـو منيحتـو
والمحريـب شَهَـقْ،فتَّـح قزايز ريحتـو

طارق بابكر
09-08-2010, 11:56 AM
تيفة الغزالل إت آجنا قلّع متين من السودان؟ عساها كانت إجازة ممتعة؟
أتاريك بتعرف الدوباي
لكن ود خالتك يخربو بس بلحيل بنطربلو
و عشان خاطرك و خاطر أبو الخاتم الغالي
و خاطر ود أبوفروع ود الضياباب
أشارك بمحفوظات الإبتدائية عندما يفتح باب الدوبيت في الجمعية الأدبية فيبادر أخوانا الرائعان
عثمان علي محمد بخيت " أم عكش " كما كان يسميه حاتم العباس البشير
الليلة الليلة أنا ما بكضب كضبا كبار كبار
بكضب كضبا صغار صغار
بلف الحلة "بكسر الحاء" بالترتار
و بفتل الرملة حبال
و بغربل الموية بالغربال
و بقرقر سيقان الشدر زمبار
و بحلب أم سي سي و بجز الفار
و كذلك أخونا الرائع عبدالباقي أحمد عوض الكريم "ود الدقير"
الليلة لاقني تلات بنوت بالشارع القدامي
واحدة تشبه المايو المضرّا جديد
و الباقي نسيتو وحياة البيناتنا

عاطف محمد
09-08-2010, 03:06 PM
وين انت يا ابو الطا
والله مشتاقيييين جدا جدا
وقلع قبل اسبوع كده
ودخلت المنتدى بي كم حاجه كده لكن وحاتك انت زول واحد هببو لي مافي
قنا امكن الحكايه خيار وفقوس وخليناهو و مشينا اماكن اخرى بتاخد وتدي معاك
لكن وكتين بتنطرب للدوبيت بهرد كلاك هرد
انت نسيت ناس ود بساطي والالي وكده ولا سنو؟
طيب هاك المسدار في بنات ود كري حقتنا الجنب التبوب دي
مجادعه بين ود دحاله و ود حجاج لكن ود دحاله قفلها للاسف الشديد

بدأ الشاعر ود دحالة فقال، واصفاً جمال حسناوات (وَدْ كِرَيْ ):

في (وَدْ كِرَيْ ) شفت الشلوخو كُبار
سبَّبْ ليَّ صَــرَّة عين ومرضـاً حـار
قـُتْ يا قلـبـي اثبـت لا تَكون نـقـَّـــار
قِـدَّامــــــك عشـوقِـن لهـَّمــنـُّو النـار

فرد عليه ود حجاج قائلاً، في ذات الاتجاه:


في (وَدْ كِرَيْ ) شفتَ الشلوخو عوارض
سـبَّـبْ ليَّ صَــرَّة عين ومرضــاً مـارض
قـُتْ يا قلـبـي اثبـت لا تَـكـون مـتـعـارض
قِـدَّامــــــك عشـوقِـن لهـَّـمــنـُّـو القـارض

فجاوبه وددحالة قائلاً، في ذات الاتجاه:

في (وَدْ كِـرَيْ ) شفـت أب وضـيـبـاًكابي
سـبَّـبْ لـيَّ صَــرَّة عين ومرضــــاً عابي
قـُتْ يا قلبي اثبـت لاتَـكـون متشـــــابي
قِدَّامــك عشـوقِـن رُبْ وقــَـعْ في الجـابي

(الجابي: جابية البحر، أي غوره الأعمق).

فتجاوب معه ودحجَّاج قائلاً، في ذات الاتجاه:

في (وَدْ كِرَيْ ) شفت أب قرينـاًنادي
سبَّبْ ليَّ صَــرَّة عين ومرضـاً عادي
السبَبْ التـَّبـَخ مُخِّي وخرَبْ مُشهـادي
قِـدَّامــك عشـوقِـن رُبْ وقــَـعْ مِسًّادي

(القرين: تصغير قرن وهو الرأس، والمرض العادي: المعدي)

فلما أدرك ود دحالة أن الشاعرالمنافس صعب المراس، ولا سبيل إلى قهره؛ قرر اللجوء إلى عادته القديمة في الربطوالخوازيق:

فـي ( وَدْ كِــــرَيْ ) أكـنـا نـذكــَّــرْهـــِـــن
وفي الثلث الأخير هـَتـَّف علينـا مطـرهــن
حشيمـات، أديبات، وعيِّل حلة ماناطـرهـن
مكتوم سِرَّهن،معلَّق فوق في التـِّريا خبرهن

فما أن فرغ وددحالة من هذه الرباعية، حتى ساد الوجوم والصمت على كل من في المجلس، وكأن الناس علىرؤوسهم الطير. فالشاعر قد ارتكب المحظور، وحنث في قسمه، وربط زميله ودحجاج، وحكمعلى هذا اللقاء الأدبي بنهاية مأساوية!!

خلاصة (الربطة) أو اللغز الذي طرحهود دحالة هو أنه كتم سر الحسناوات وأخفى أخبارهن، وأخذ هذا الملف السري الذي يحتويعلى تلك الأسرار والأخبار وقذف به عالياً، ليستقر على هامة الثريا. والحل المطلوبمن ود دحجاج في هذا الموقف أن يعرف كيف يكشف هذه الأسرار ويذيع تلك الأخبار، بعد أنارتفعت إلى مناط الثريا!!

وفجأة قطع ود دحجاج حبل الصمت، بعد أن ثبت سبابتهجيداً في أذنه، ورفع عقيرته بالنميم؛ مخاطباً غريمه ود دحالة:

أصول الشريعـة الخمسـة ما تنساهن
ومـا تكتـم كلام أمَّـاتْ وضـيـبـاًداهـِن
مغنطيس قلوبنا المولى كاتبـو معاهن
إن شالَنْ زُحَل؛ رادي الغرام ببراهـن

فضج الحاضرون استحساناً لما جادت به قريحة ود حجاج، وعم الهرجوالمرج، والكل يثني على عبقرية شاعر طابت (على ود حجاج)، ولكن للأسف كانت هذه خاتمةتلك الجلسة الأدبية الماتعة، وذلك لأن ود دحالة قد أوصل المجادعة الشعرية إلى طريقمسدود

عاطف محمد
09-08-2010, 05:14 PM
وهاك الطقش ده عشان تااااااااااااامن ذاتو


تازاني
نغمات فاها تطرب للبعيد والداني
ممشوقةالقوام محزوزة الوسطاني

وديسا ليها أسود من حظيظي الجاني








بحلف باليمين وبى جدنا السماني
نغـمات فاهـا عـلبن في نيراني
نيراناً توج زيجهمورة الشيطاني

خلت قلبي رماد متل حظيظي الفاني





أنده يالطيف ربي الكريم يحجاني
من نشاب عيونو البتقن النيشاني
يرفع للرمشويفك سهام عانياني
إن قربت وبعد تلقاهو طق قداني







من سيرة العيون ما كان أخير تختاني
ليش تفتح علي بابا كم منو كنت بعاني
كملحظا هرد قلبي وتوّر علي مصراني
وكم طرفا كحيل لي نوم عيوني حماني






من كحل العيون دمعي إنبهل بلاني
وإنفتحن علي طاقات سموم نيراني
الهباب ضربجاب لي عبير هزاني
أصلو المنكرف فوق دكة الدخاننِ

طارق بابكر
10-08-2010, 11:16 AM
ختري و الله غايتو في مصر محل قرايتك الكلام دا مافي و لا في الحبشة محل هجرتك الأولى و لا اليمن هجرتك الثانية و لا السعودية حيث تقيم الآن لكن يمكن ود الناظر أدّاك الخلافة
و بمناسبة الحبشة إلتقيت في إثيوبيا عام 2008 أواخر شهر مايو و أنا عابر من كنشاسا إلى الخرطوم بواحد إسمه سراج تلميذك في المدرسة اليمنية في أديس أبابا جمعني به وقاص إبن أخي أحمد البدوي و لازال يذكرك بالخير , إذا عندك إيميل لوقاص يمكن أن يزودك بعنوان سراج الإلكتروني و إلا فأسزودك بهما معا في الأيام القادمات بعد وصول رسالة منك بإذن الله .
بعدين يا أخي حكاية زول واحد هببو لي ما في دي شنو؟
و هل هذا سبب يجعلك تحجم عن المشاركة؟
المواضيع منذ بدء المنتدى قبل 3 أعوام لا تزال تنبض بالحيوية
فالكتابة للتوثيق و للمستقبل
و بكره تصبح مرجع مهم
إن الإنتماء لهذا المنتدى الرائع هو إنتماء للعزازة
و بالتالي
فهو
فرض عين

عاطف محمد
10-08-2010, 04:31 PM
الحبيب دوما ابو محمود
لك التحيه وكل الود
لقد ادمنا مهنة التدريس وعليه(since there is no respnse you will feel boring no way)
هذا ما دعاني لان اقول ماقلت
عجبتني جدا هذه المجادعه بين صبي يافع يلعب بترتارته يدعى الشيخ هاشم
سمع ود الرضي في رباعيه عن فتاة تدعى ستتاره بتشديد التاء
قال ود الرضي:-
قنابل مونتقمري الفي الحروب بحتاره
ومقابلة اللسود الفي الخشش نتاره
وسيوف اولاد عجيب اللي الرؤوس بتاره
اهون لي من صرة جبين ستتاره

رد عليه الصبي واضعا ترتارته جانبا:
سالك عودا ماها مشحطات اوتاره
وضارب نورا ما بحجب جبينا ستار
الولد البيطوي الفقنه بالترتاره
يربط عجلو يشرب جبنه عند ستتاره

بالله عليك شوف الدقش ده

عاطف محمد
10-08-2010, 04:36 PM
اما عن الدوبيت وما ادراك ما الدوبيت
فلا اخبيك سرا اني مفتون به من زمان بعيد والله
أيام ما كان أهل البطانة يأتون الى الجزيرة في أيام الطلق (بفتح الطاء واللام) والطلق كما تعلم هو طلق القطن بعد أن يتم لقيطه للمرة الثانيه أو التالته يأتون في هذا الوقت بأغنامهم ضان وماعز ويقيمون ما يشبه المعسكرات في أطراف العز ازه والقرى المجاورة واذكر منهم الصديق ود حميدابي له الرحمة حيا كان أو ميتا ويعيشون حياة يحسدهم عليها كل من تورط في حياة المدنية المعقدة فتجدهم يصنعون طعامهم والذي هو عبارة عن البني كربو (قبضة دقيق في مويه حارة) ويصبون عليه بعض ما يجود به ضرع تلك الأغنام وهيا بسملا وجبة لا تضاهيها اعتى سفره في أفخم قصر, ثم الشاهي وديك يا الكفتيره والتي من كثرة جلوسها على نار الهبله بكل صبر وجلد تجدها لا تكتفي بلون واحد أو لونين وهنا يحضرني تشبيه الوالد لاحد خيلانا والذي كان رأسه يغشاه الشيب في بعض الأماكن دون أخرى قائلا( راسك الزي براد الهبله ده) ولكن يطلع منها الشاهي الصاموطي الما بغباك إن شئت ساده أو قلت لبن المهم هي تلك أيام الزمن الجميل .
من ضمن هؤلاء الناس الذين يترددون على الجزيرة في كل عام من اجل ذات الهدف كان الفرجوني وأخوه الأمين واذكر في تلك الأيام كانت بدايات الخريف وكان معسكرهم في تمانيه جنوب الميدان مباشرة .الميدان الذي شهد أمجاد العز ازه التليده في مجال كرة القدم وفريقها الذي كان لا يقهر داخل أرضه أو خارجها كم أمتعنا ذلك التيم الذي كان يضم لاعبين فوق التصور.
الفرجوني بصوته التريان ينم نمه يمكن لو كنت في النادي تسمعه
البارح بعد ناس الفريق ما هجعوا
عاودني طاعوني المطول وجعو
الى آخر المسدار ويرد عليه الأمين البنا وهكذا
لا تزال أصداء ألنمه ترن في أذني
ومن حينها وانا اعشق الدوبيت والمسادير والشاشاي

طارق بابكر
11-08-2010, 01:07 PM
لا و الله معاك حق و دا تاريخ غير مدون
أحمد الفرجوني و الأمين البنا في العزازة؟
يا للسعد!
طبعا تحتاج أن يشهد معك آخرون ليس طعنا في صدقك لكن لأن لآل البنا رحم في العزازة و القريقريب
و لا أخفيك القول أني شديد الإعجاب بأسرة البنا على إمتدادها
بدأ ذلك مع الشاعر الفحل عبدالله محمد عمر البنا
و جزا الله واضعي منهج اللغة العربية خيرا بأن ضمنوا في كتاب الأدب للصف الأول المتوسط رائعته " البادية "
رعى الرحمن أهلك ما أقاموا --- و ما رحلوا و حياك الغمام
ولا زالت عهاد المزن تهمي عليك --- و صوبها هطل سجام
تناثرت الظباء على ثراها --- و راتعها مع الإنس السؤام
رفاق الضيف أنّى حلّ هبوا --- لهم بالضيف ضن و إلتزام
إذا نحروا العشار مودعات --- فلا من بذاك و لا كلام
كان من ضمن من إلتقيتهم من زملاء حمد النيل محمد دفع الله في جامعة الجزيرة قبل أن ينتقل لجامعة الخرطوم سعد البناء و هو فنان أصيل أراه أنجح من عاصم البنا في الغناء
ثم أكرمني الله بالسكنى جوار الأستاذ إدريس عبدالله محمد عمر البنا
و هو رجل كريم كريم كريم
كنت أمر عليه في اليوم أكثر من مره و أنا أجاوره في السكن بحي المغتربين بالخرطوم بحري
بأسرتي حينا و بدونها أحيانا
و لمدى 8 سنوات
و كلما رآني أمسك بيدي و أخذ البارد من البقالة و دخلنا إلى داره العامرة
إدريس البنا أديب خرافي و رسالته للدكتوراة كانت في الفنون الجميلة و الآثار
و قد عقد مقارنه شعرية بين شعر الحقيبه و أشعار شاكسبير
و خرج بكثير من المقارنات و تطابق الرؤى الفنية و التصويرية
و هو أيضا من إكتشف الفنان الطيب عبد الله صاحب الصوت المتفرد
عندما كان في الستينات من القرن الماضي مديرا للإعلام بمدينة عطبرة
و هو أيضا صوفي متفرد
إسمع قصيدة القلب الذاكر التى أدّاها العملاقان حسن خليفة العطبراوي و عبد العزيز محمد داؤود

عاطف محمد
11-08-2010, 08:20 PM
اخي الحبيب دوما
اشكرك على الاضافه الثره وذلك ليس غريبا على ذاكرتك الثره
اما بخصوص من يشهد معي فيمكنك الرجوع للعم العزيز مبارك محمد ابو عبيده فكم كان يعشقهم ومفتون باصواتهم الرائعه خصوصا الشاشاي بصوت الامين
لكن كنت عايز تعقيبك على ما ورد على لسان الصبي صاحب الترتاره.

طارق بابكر
12-08-2010, 07:19 AM
تركت التعقيب لفطنتك التي لا تفوت عليها شاردة و لا واردة و عيني عليك باردة

ابو الخاتم
14-08-2010, 11:10 AM
الأحباب أحمد وعاطف وطارق
سلام عليكم ومشرفين والله ،،،

قالوا في واحد شاعر عندو بلاد مزروعة لمن خلاص
بقت علي الحصاد غاب منها فترة ولمن جاء قالوا ليهو
فى طيرة أكلت العيش وقضت على كل المحصول تب
ما فضل فيهو شيء !!

المهم صاحبنا قام زعلان وقال إلا يشوف الطيرة دي ويراقبها
وبالفعل مشى ولبد ليها تمام وعندما نزلت الطيرة
لمحها صاحبنا تماماً واكتشف أنها أجمل طيرة
شافها في حياتو يعني سمحة بالحيل قام قال ليها :

تعاليلو عديـل يا ام درعة ليه رارايا

أنا ما بقدر أحاحيكي وأسيلي جنايا

شبه المرتقوهو جاهو تلو قراية

قم خليتو ليك يا الفيكي شبه التاية


واحد شاعر من الهمباته محبوبتو مات أبوها
طبعاً حزنت شديد كتب يوصف فى حزنها قال :

ليل الغمة هوّد والبروق إتالن

دموع الوجعة جن زى السحابات شالن

ملن قِرب العيون لكنهن ما سالن

مو من قلهن بس فى الوجوه ما خالن


شاكرين ،،،

عاطف محمد
14-08-2010, 09:35 PM
حياك الله يا ابا الخاتم
والله طالما ظهرت اليوم كان اديك دي:
قالوا ان الكنون ود الجزيره والشاعر قمر الدوله الصديق كانا في تحدي كل واحد يوصف جمله
قال الكنون:-
يا تيس قنة الصبي اللقالو اراضي
مصع واتهنكر بالمقاس الماضي
حبوبتك قبيل من حامد الشدادي
وجدك نسلو من ناقة النبي وقام غادي

طبعا كل الحضور ظنوا ان قمر الدوله مهزوم لا محاله
فرد عليه قمر الدوله مفاجئا الجميع :-
خبير يتك دير وبكري الكنقو زادك صوره
اشقى وليك درز يا اب كفة محكوره
جريك عنو وتشتت بالنقيب مو فوره
وجدك نسلو في القراان جنا المعقوره

بالله شنو ليك صقع ولا ما صقع
ياخي ديل ناس ما طبيعين عديل كده
بكري الكنغو ده اظن مقصود بيهو القهوه مش كده؟

طارق بابكر
14-08-2010, 10:51 PM
أبو الخاتم
ما أظنّها دي طيرة؟
و لا شنو؟

ابو الخاتم
23-08-2010, 08:20 AM
سلام يا عاطف وتعال بالدرب العديل...

الطيب ود ضحوية يخاطب جملو :

من الهودي قام بي مكندي
وكت جبدت الرسن .. جاب راسو عندي
قال لي يا سيدي إنعدل اللوريك ذندي
و عقب نحضر مشاط بت اللفندي

واحد إسمو سليمان الكراي قال يخاطب يوسف البنا :

يا يوسف أخوي نار الفويطرات وجّن
والعجب اللهيج سكر جنيد ومعجّن
سليمان أصلو عارف عمرو كلو ملجّن
لكني خايف عليك من نظرتِّن لا تجن …

الفويطرات جمع فويطر وهو البرق


واحد إسمو ود شعيت قال:

مازيني السحي الما شال رماد وأترمد

ومازيني القنايتو عديله ما هو مكمّد

وحات رب العباد بجاه نبينا محمد

بقّ شعاعو في ود عيني لمن غمّد

عاطف محمد
23-08-2010, 10:12 AM
وعليكم السلام اخي ابو الخاتم
لكن تعال بالدرب عديل دي مافهمتها
باقي لي السنون طعنت في العضم والذاكره
الله يكفينا شر الزهايمر

ابو الخاتم
24-08-2010, 07:10 AM
العزيز ود الخال عاطف ،،،
سلام الله عليك عليك
تعلمنا من السعوديين عدم التدقيق ،،،
السعودي يقول ليك يا أخي لا تدقق .. بمعني لا تفكر في الأمر حا تتعب
أنا لمن قلت ليك تعال عديل ،،
قاصد إنك قبل أيام كتبت مشاركة دوبيت في العزازة فوق
أول الصفحة الرئيسية ،، والدوبيت مكانو يا أخوي الخيمة
عشان كدهـ قلت ليك تعال عديل ،،
وهاك وتعال بالدرب وعديل كمان:

واحد قال في الفخر:
كان أداك وكَتّر ما بقول أديــت
أب درق الموشـح كلو بالسـوميـت
أب رسوة النتر حجــر شراب سيـتيـــت
كاتال فى الخـلاء وعقبان كريـم فى البـيـت
واحد تاني قال:
أنا البحر الكبير إن عبّروني
وأنا شوك الكتر إن جرجروني
أنا رحل الكحل إن ميلوني
أنا الجن البخلي الزول إنوني
واحد تالت قال :
ما بابى المسيكين والفقير بي فقرو
وما عواس قوالة وما رفيقي بعقرو
بدخل لجة الوادي البتلب صقرو
قلبي مكجن الناس السوا وبتنقرو

عاطف محمد
24-08-2010, 09:02 AM
اخي الحبيب ابو الخاتم
انا طبعا قصدت ان ارسله على الصفحه الرئيسيه
مع علمي التام بوجود صفحة الدوبيت لان نفس الابيات قد ارسلتها على صفحة الدوبيت
من قبل ولكن قمت بهذا بحثا عن التجاوب
والدوبيت كما تدري مجادعة يعني اخذ ورد

المسادير التي وردت منك الان رائعه.
لكن في المربع الاول احسب ان البيت الثالث
اب رسوه البخر حجر شراب سيتيت

ويالروعة المربع الاخير
بالله شوف كلمة مكججن دي محكره كيف
والعجب بتنقروا دي طبعا بتذكرني صاحبك القلت لي انت انو انا بعرف ليهو
كنا دائما في مناقره ولكن ايضا يشدني الحنين اليها ايام المناقره التي لا تغيب عن ذاكرتي
حتى تجئ مثل حمى المتنبي


المهم لك الشكر وكل التقدير

عاطف محمد
24-08-2010, 09:31 AM
ابو الخاتم مساك الله بالف خير
ياخي المشاركه رقم166 استفتيناك في بكري الكنغو الحبيب طارق وشخصي البسيط
ولكن لم تفتنا .
هل المقصوده القهوه هنا ام هذا اسم طائر كما ظن اخي طارق
انا ارجح القهوه لان كلمة بكري دائما مقرونه بفنجان القهوة على الاقل في ذهني انا
والكنغو هواحد انواع البن وارد الكنغو

ابو الخاتم
01-09-2010, 09:27 AM
الأخ عاطف سلام رمضاني
مواقع وأنا بحثت وتأكدت وبجيك راجع

وهاك :

في الفخر:

واحد قال :

أنا البحر الكبير جاب اللقيطة
و أنا رحل الكحل متموم شطيطة
أنا الجن الوقع فوق زولو عيطة
وأنا البطل أخو المحزوم رحيطا

تاني قال في البطانة :

بندق فيك نحاساً من قديم راجينا
فيهو خيولنا عارضات كيه لي اللمابينا
كان ما تجرتقك دماً علوجو سمينة
لا تجيبي لنا حنتوت يا ام هواياً زينة


وقال العاقب ود موسى في الفخر:

نحن نسوي لكن ما بنقول سوينا
نحن نفرتق الكرنة أم صفوف بايدينا
الزول البضيف عدم الشراعة علينا
يفهم مني ويسأل من توارخ النينة

ابو الخاتم
21-09-2010, 07:03 AM
عكير الدامر في الدنيا :

سرورك ما بتم عاقباهو ديمة الفجعة
وظاهرك لينا سكر إلا طعمك وجعة
كم طفشتي مرتاح وقلبو مابي الهجعة
روحو تشابي وإنت قطعت خط الرجعة

تقابلك عروس تعشق معاني رقيصها
تملاك بالمحبة وتمشي نازلة نقيصه
ما يغريك دلالها وتوب جمال بلقيسا
عاين للقبور وبعدين سماحتها قيسا

بتقابلك جنينة تمتعك بي ثماره
وترقد في أمانا وتنهمك بي عمارها
باكر تبقى ليك حنضل تشوفو دمارها
تغدرك لحظة .... وتدق مسمارها

إتغشينا بي حبك لبسنا عباية
يا موية الرهاب الما ملت كباية
عجيب يا دنيا أمرك إلا نحنا غبايا
عاشقين الجمال في لمعة الحرباية

ابو الخاتم
18-10-2010, 06:06 AM
جابودي ــــ من غرب السودان

قش البطانة الفاقع
برعنو أمات براقع
أنا ما بديك : دهبي اللقيتو واقع

قش البطانة الفرهد
فوق المزرقن يرعد
انا ما جافيت لكن دريبك أبعد

يا يمّة انا المذنّب
ماكلاني نار جهنّب
حليل تومي .. اللقا الخريف وقنّب

اللخدر عيش الحدب
يا القايم فوق اللدب
عاشة القشيش، لابد تبقالي سبب

الأخدر عيش الشاتي
صيفو وخريفو مشاتي
أرمولو القيد مفتاحو في حجباتي

جِدّياً دابو قرّم
يرعىَ العسين والبرّم
شعرو وسواد شبيه الليل الضلم

قـوقـن يا قمــاري
لى أهلنا الفي الضهاري
رشرش تومي .. بقيــِّد البشاري


جابـو التِـلـوب شـدوهـن
بـي تويلـي الريف عموهن
بجز قرني .. يا خالي أما جبتوهن

البكرة الحومرية
من الغداد بريــة
لا ضاقت قيد .. لا إنشدت بى حوية

يا صنـــدل العرايــس
الأخــدر المتقايــس
الناس عرب .. ما بتفهم الحدايـث

يا صندل الشقيـقــة
تهمونـي بيـك رفيقـــة
الناس عرب .. ما بتعرف الحقيقة


أمات براقع : الإبل
المزرقن : السحاب
شبهها بالعيش : عشان لونها
الحدب : معروف واللدب أيضاً
واحد بقول (البي اللدوب طربان) وهي الفيافي البعيدة
عاشة القشيش هي عائشة المحبوبة والقشيش عشان لونها.
عيش الشاتي : عيش الشتاء
والخنساء قالت في صخر :
وإن صخراً لمولانا وسيدنا *** وإن صخراً إذا نشتو لنحار
يعني كريم في الشتاء والبرد القارص حيث تجوع البطون
رشرش تومي : رموش العين ولأنها طويلة يمكن يربط بها الجمل.
شبهها بالجدي الصغير
العسين والبرم الغابات المعشبة
التلوب : الإبل
وتويلي : تصغير لكلمة تالا ومعناها جهة
البكرة الحومرية بنت الناقة وحومرية لفصيلة أو قبيلة
لا قيدها أحدها ولا شد على ظهرها أحد
شبهت المحبوب بعود الصندل المعتدل في الجمال والخلقة
تهمها الناس أنها ترافقه وهو عرب لايعرفون أنها الحبيبة

ابو الخاتم
08-11-2010, 04:36 AM
المناحة دي مشهورة يا جماعة

الوليد الضيف غرقتنو كيف ؟
جيبو لي هدوم الراقدة فوق القيف
خلني النمنح بالقرع والسيف
وا سواد أمو الأهلو في الجريف

حليلك يا زمن هناي
حليلك يا زمن غناي
وقت بقول إنت لي براي
وقع القدر خلى لي بُكاي

حليلك يا هدية
وحليلك ياالرضية
أبكن يا بنات وقولن ووب واحيا
وا سواد أمو الحنتو العشية

جن بنات خلاتك من صغار وكبار
حزنانات عليك مليانات غبار
طول الليل ينوحن لمن جاء النهار

ناس الحلة جوا
والديوان ملوا
مشوا للبحر قالوا ما لقوا
واا سواد أمو الليلة وين ودوا ..

الأمبراطور
08-11-2010, 08:49 AM
المناحة دي مشهورة يا جماعة

الوليد الضيف غرقتنو كيف ؟
جيبو لي هدوم الراقدة فوق القيف
خلني النمنح بالقرع والسيف
وا سواد أمو الأهلو في الجريف

حليلك يا زمن هناي
حليلك يا زمن غناي
وقت بقول إنت لي براي
وقع القدر خلى لي بُكاي

حليلك يا هدية
وحليلك ياالرضية
أبكن يا بنات وقولن ووب واحيا
وا سواد أمو الحنتو العشية

جن بنات خلاتك من صغار وكبار
حزنانات عليك مليانات غبار
طول الليل ينوحن لمن جاء النهار

ناس الحلة جوا
والديوان ملوا
مشوا للبحر قالوا ما لقوا
واا سواد أمو الليلة وين ودوا ..

سيدالحرف/أبو الخاتم
ما أجملك وأنت تجدد فينا ماتم دثرة من قبل الزمن ..
أستمعت الي هذة الأغنية في التسعينيات كان يؤديها الفنان القامة مصطفى مضوي ..... كنت في ذلك الزمن كما الأن في غياهب الغربة مع تغير بعض المضامين أبتداً من المكان فقد كنت وقتها في الجمهورية اليمنية ..منطقة الحديدة ... وكنت مدمناً على هذة الأغنية ... ورغم صغر سني فقد كنت ومازلت أحفظها ..... مع أني كنت أجهل المعنى ولكن الوالد والوالدة حفظهم الله كانو وسيظلون قواميساً للمعرفة والدلاله . ومما أذكر أن شريط الكست الخاص بهذة الغنية كان يتخلل بعض الأغاني ...منها( منديلي الراح مني ــ و حليل موسى الي الرجال خوسة )....


لك التحية أيها الرائع
تقبل مروري مع خالص الإحترام

ابو الخاتم
09-11-2010, 06:23 AM
العزيز / مجاهد محمد عبد الله
سلام الله عليك ،، وبعد ..

المناحة دي مشهورة يا جماعة :

واضح مناحة وواضح غريق والدليل كلمة الجريف
إن كان الجريف شرق أم غرب أم جريف نوري
أم جريف أم دوم ..
وكلمة جرف هي الأرض الخصبة أسفل شاطيء النيل ..
الناعية أو الشاعرة بالتأكيد أمو والدليل
وكت بقول إنت لي برايا .. (كنت زمان بقول)

الوليد الضيف غرقتنو كيف ؟
جيبو لي هدوم الراقدة فوق القيف
خلني النمنح بالقرع والسيف
وا سواد أمو الأهلو في الجريف

زمان يا مجاهد كان في حاجة إسمها النقارة
تعد يوم البكاء لكن حسب معزة الفقيد وفي الغالب
تقوم بها الخالات والعمات كان بجيبوا مجموعة
من (الطشاتة) وبالعربية الطشت أو السطل إن كان صغيراً
مملوءة بالموية وموضوع عليها القرع بطريقة عشوائية
ثم يكون الضرب للقرع وهو عائم في بحر ماء الطش..
العلة إيه عشان بيصدر صوت حزين وناع يخرج
الصوت أشبه للأنين والبكاء ..

(النمنح) يعني أبكي بمناحة ارتجل كلامها وحروفها
وأنا متحزمة ومتلزمة والحزامة ربطة في النص
أو حول الخصر كناية على قمة الحزن ..
هكذا يا مجاهد ..
كان التعبير عن الحزن والموت في جاهليتنا قديماً
وكانت العادات وكان البكاء لطم الخدود وشق الجيوب
وكيل الرماد وهذه تدل عليها كلمة وا سواد أمو
النسوان كن يحضرن الرماد والسجم والسكن
ويلطخن به الخدود والوجوه .. وأنا شفت النقارة
في حياتي مرة واحدة وفي العزازة وكانت ليلاً
ساعة الوفاء وما زالت في ذاكرتي شخصيات
من العمات والخالات غايتو ربنا يغفر لنا
ولهن وهذا بالطبع (objection) ..
وكأن المشهد أمامي الآن ..
وأنا ذاكرتي ذي ذاكرة أخونا عادل بابكر
عادل بقول لي أنا بتذكر حاجات وأنا عمري
قبل المدرسة لكن أنا بعدها بقليل ..

حليلك يا زمن هناي
حليلك يا زمن غناي
وقت بقول إنت لي براي
وقع القدر خلى لي بُكاي

تصفه بزمان وأيام هناها ومناها وغناها
وكنت بفخر بك وبقول إنت لي براي
أنت لحبي وحدي أو يكفيني دمعي
.. لكن بالتأكيد تتعشم في أن
يعم خيرو كل أهلو

حليلك يا هدية
وحليلك يا الرضية
أبكن يا بنات وقولن ووب واحيا
وا سواد أمو الحنتو العشية


هدية والرضية أسماء
ربما خالات أو أخوات الصبي
تحثهن وبقية البنات بالبكاء ــ قمة البكاء
ويمتدح به الناعيات والله عاد بكنو بكاء ..
الواحدة تجي تحكي ما شفتي فلانة ديك
لمن تقول ليهو حليل راجل الزريبة
وحليل ضوء القبيلة وهكذا ..
على أي حال ..
موت الأعزاء كلو نبيل
اللهم أغفر لهم جميعاً ..
نسأل الله أن يتقبل كل موتانا وأن يجمعنا
بهم في الفردوس الأعلى مع حبيبنا
محمد صلى الله عليه وسلم ،،

جن بنات خالاتك من صغار وكبار
حزنانات عليك مليانات غبار
طول الليل ينوحن لمن جاء النهار

ناس الحلة جوا
والديوان ملوا
مشوا للبحر قالوا ما لقوا
واا سواد أمو الليلة وين ودوا ..

ثم تذكر كل من حضر من بنات الخالات وكأنها
هنا تمتدح فيهن أو تشكرهن .. الديوان هو بيت
المضيفة في الحياة والموت
أو إنت ولد ناس ديوان مفتوح

هذه المناحة تذكرني بدفع الله إبراهيم حسن
الصبي الضيف الغريق .. وأنا عكسك يا مجاهد
لا أحب سماعها لكن أحفظها من زمان ..
ومرة وأنا على سيارة راكب قدام ومعي إحدى الخالات
وأخونا (أبو طه) مشغل الأغنية تنبهت
وفجأة تفرست في وجه الخالة فرأيت الخالة
تعبت وقلت للسواق يا أخي وقف الشريط دهـ ..
الخالة هذه هي أم (عادل)
وقد مات صبي بسبب ملاريا وأنا أذكر كنت بالخرطوم
وآخر عهدي به كان أيام جميلة وفي بيتنا
فتعبت وحزنت عليهو شديد
وصدقوا ما زال محمول في خاطري
بكل ألقو وبهاهو وصباهو ..
ربنا يرحمو فهو وحيد أمو
إلا من ثلاث أخوات ..

نسأل الله أن يتقبل كل غريق وغريقة
ويزف الغرقى شهداء للجنة
عليهم الحلل الخضر، والعطر المسك ..

وأن يبدل حزن الأمهات شفاعة مقبولة ،،،
حيث يأتي الذين كتب لهم الله أن يدخلون الجنة
من الصغار والصبية ومن الشهداء ..
فيمسك الواحد أو الواحدة بأطراف أبيه وأمه
ويقول يا ربي هذا أبي أدخله معي الجنة ...
ثم يأتي العبد ويرى ميزان حسناته يفوق الجبال
فيقول يا ربي : من أين لي كل هذه الحسنات
فيقول المولى عز وجل له :
هذا بدعاء إبنك أو بنتك لك !!

أدعو يا أخوانا لآبائكم وأمهاتكم وإخوانكم
وإخواتكم وجميع أهليكم من الموتى
فالله يقبل الدعاء ..

تقبل مروري،،،

hafiz
17-06-2011, 10:29 AM
مسدار للطيبين

منسوب لمحمد عوض الكريم ابوسن حينما ارسله والده لتحميل عيش المطامير فتاخر فبعث والده المراسيل يستقصي سبب تاخره فرد قائلا

البارح رقادي كسيده فوقا بريش
راكوبةً تجيب صقطه ومعاها رشيش
السبب الحماني ما أشهل جمال العيش
هنيهيناً بسونو الدغش بشويش

ابو الخاتم
16-08-2011, 09:17 AM
سلام يا حافظ ورمضان كريم
وسلام لكل المارين والمشاركين
***
شعر أصبح مثل :
***
كان ما جور زمان وناساً فهمها قليل
شرك أم قيردون كيفن يقبض الفيــل
***
هذا البيت للشاعر الكبير أحمد عوض الكريم أبو سن
قاله في حضرة الخليفة عبد الله ود تورشين في جلسة
محاكمة ابن أخيه عماره الذي كان بينه وبين الخليفة شريف
مكاتبات لإسقاط حكم الخليفة والتخلص من سطوته ..
والقصة طويلة ورائعة وشيقة
سوف أتعرض لها إن شاء الله ...
***
وأم قيردون هي طيرة بيضاء جميلة تكثر في البطانة تعرف
بطيرة البقر تتبع البقر في حله وترحاله تنظف ظهرو
وبطنو وكل جسمو ما لازماها وصية من الحشرات عن
طريق أكلها.. وعندما تغادر جناها في الصباح لرحلة القوت
تودعه بغناء عذب وحنين.. حتى أن بعض الحبوبات عندما
تودع أحفادها تقول: ودعتك الله يا ولدي وداعة
أم قيردون لى جناها ..
***
قصة:
فارس شكري كان مطلوب في محكمة بتهمة همبتة كبيرة
وفي اليوم الموعود لانعقاد الجلسة .. تحرك الشكري الهمباتي
صوب المحكمة للمثول أمام العدالة وتحرك معه مجموعة
من أفراد القبيلة .. الشكري وصل المحكمة ..
وعند جلوس أعضاء المحكمة تفاجأ الشكري
بأن القاضي إمرأة !!!
***
وفي الحال وبقريحة شاعر ضليع :
***
نظم الشكري شعر وبعد إصدار الحكم ضده
أنشدهم الأبيات يهجو فيها مولانا القاضي المرأة :
***
يقول فيها :
أم قيردون يمين وشمال
وقف كركونها
منع الداخل
بالبوليس عدل قانونها
ماسكة قلمها فوق كراس
تصج في سنونها
الله يبلاها رجافة وغراقة عيونها
***
نواصل إن شاء الله ،،،

ابو الخاتم
20-08-2011, 08:53 AM
ما بين الخليفة عبد الله
وأحمد عوض الكريم أبو سن (الحاردلو)
***
بعد أن تولي الخليفة عبد الله ود تورشين الحكم
ظهرت بوادر الشقاق والخلاف حوله لكثرة المجاذر
التي ارتكبها وبخاصة في الأنصار ولمحاباته لأهله ناس الغرب
ووضعهم فوق عين الأشراف أقارب الإمام المهدي حيث كان
الأشراف يرون أحقيتهم بالخلافة لما لهم من الجاه والعلم والقرابة،
فعقدوا رأيهم لخلع الخليفة وتولي السلطة، لكن آذان الخليفة
كانت صاحية أخوه يعقوب (جراب الرأي) كان يرصد كل ما يحاك
ضد الدولة في الخفاء, ونقل إليه الخونة والجواسيس أن الشكرية
بقيادة (عمارة أبو سن) وعمه الشيخ عوض الكريم أبو سن
(والد الحاردلو) زعيم القبيلة يساندون الأشراف ولما وصل الخبر
للخليفة أهدر دم الزعيمين وشرع في إعداد حملة عسكرية قوية
من قرابته لتأديب الشكرية وتأديب كثير من القبائل غيرها فكان
بالفعل الفتك بمعظم قبائل السودان والقتل وقطع الآذان والألسن.
وقطع الرؤوس وتعليقها على المسجد ..
هتلر ما عمل ذي ما عمل ود تورشين !!
****
الحاردلو معروف شاعر الخليفة، وهو في ذات الوقت ابن عم عمارة
المهدر دمه وابن الشيخ (عوض الكريم) المهدر دمه أيضاً،
كان يخشى علي أهله الشكرية بما يُراد بهم من هول عظيم،
فأنكر أن يكون أهله من المتآمرين, ومضى يحصي ما كان للشكرية
من مواقف وولاء وفداء للثورة المهدية, ثم صوّر الأمر للخليفة
على أنه فقط مجرد وشاية ومكيدة..
***
الأمير يعقوب شقيق الخليفة وساعده الأيمن وجراب الرأي الذي
يشاوره التعايشي في كل أمر، كانت العلاقة بينه و الحاردلو سيئة
ومقطوعة وفترانة, لذلك سعى يعقوب لإشعال نار الفتنة، ولم يتردد في
استخدامها لزحزحة الشاعر عن مكانته والخلاص منه، فنصح الخليفة
أن يجتث شجرة الفتنة ويقتلع جذورها :
الشيخ عوض الكريم أبو سن وابن أخيه عمارة.
***
نصيحة الأمير يعقوب بلغت هدفها عند الخليفة ، إلا أن الحاردلو
ظل يدافع عن أهله بلسان شاعر فطن وسياسي وابن شيخ عرب حكيم.
بتوجيه من يعقوب أرسل الخليفة دعوة حضور لزعيمي الشكرية
المغضوب عليهم، الشيخ عوض الكريم أبو سن وابن أخيه عماره
بمناسبة عيد الأضحي في أم درمان كما هو شأن زعماء القبائل
وقال الخليفة للحاردلو:
***
( أولاد عمّك كان نضيفيين مابهابو الجيّة).
فرد عليه الحاردلو قائلاً :
(صدقت يا خليفة المنتظر)
***
أقبل عمارة على الخليفة فوجده في مجلس من رجال دولته وأعيان
قومه في مسجده بأم درمان، وكان بينهم الأمير يعقوب وشاعر
الخليفة الحاردلو، فسلم عمارة على المجلس وحيّا الخليفة بما يليق,
ثم أخذ جانباً من المجلس، فلمّا حان وقت الحديث عن الشكرية نهض
أحمد عوض الكريم أبو سن (الحاردلو) فرحاً يعدد فضائل ابن عمه
عماره ويزيد من الشكر والمدح والثناء عليه قائلاً :
***
ده إن أداك وكتّر، ما بقول أديت
الدرق الموشّح كُلو بالسوميت
أب رسوة البِكُر حجّر شراب سيتيت
كاتال في الخلاء وعُقبان كريم في البيت
***
يعني كريم لا يتحدث بكرمه، الدرقة معروفة موشحة بالسوميت
وهو عقد من صدف غالي يوضع وشاح على العنق،
أب رسوة هو التمساح منع الناس من الشراب على نهر سيتيت
وليه قال سيتيت الحاردلو إقامته في ريرة وما جاورها نهر عطبرة
وسيتيت.. فاهتز الخليفة طرباً، وأخذ ينظر إلي عمارة بكثير
من الإعجاب ثم أردف الحاردلو:
***
ده من قومة الجهل ولداً مابِضّارا
بِعَصْر الكيك على الحربة البتوقد نارا
خليفة المنتظر إمتثل وجاك ود عِزّة النقارة
حلّفتك بالرسول قُول السماح لعمارة
***
يعني شجاع من صغير، الكيك هو الحصان يقصد الحرب
أمتثل يعني تنازل واعفو لود العز ناس النحاس والنقارة
ثم أمسك لحظات ينتظر استجابة الخليفة, والخليفة ليس له رأي
الرأي عند يعقوب الذي تعود إليه كل المفاسد والمجازر التي حدثت
في ذلك العهد .. بعدها عاد الحاردلو يمدح عماره ويرفع من شأنه:
***
ده من قومة الجهل بِرْكَب على المُتْشَابِي
وحَافْلاَت الخيول فِيهن بِعَزْل النَّابِي
خليفة المُنتظر عماره جاك مُو مَابي
حلّفتك بالرسول قُولُو من أصحابي
***
المتشابي الحصان القانص النابي الحصان الجيد وبرضو
يطلب العفو لعمارة وجعله من الأصحاب والأحباب بعد العفو
، صلى الخليفة على الرسول وردد الحاضرون معه الصلاة
علي النبي المصطفي، وأوشك الخليفة أن يستجيب،
وصلح جلستو وتهيأ للكلام .. لكن الأمير يعقوب
باغته قائلاً : خليفة المنتظرــ
***
الزول عَدُو وقلبُو وسخان
وخاتي راسو مع الجماعة
وعندنا الدليل والبرهان..!
***
الدليل والبرهان مجموعة من الرسائل كانت بين عمارة
والخليفة محمد شريف للقضاء على حكم الخليفة, وكان الخليفة
يقلب تلك الرسائل وقلبه يغلي حقداً, ثم رفع رأسه وسأل عمارة
عن صحة الرسائل فلم يملك عماره إلا أن يعترف..
في صدق وشجاعة ورجالة ما بعدهن شيء !!!
***
عاجل الحاردلو الخليفة ودتورشين بمربع تاني قوي وهو يعلم
تورّط قومه وزعماء القبيلة في تلك الفتنة راجياً ومجتهداً في
طلب العفو ثم صاح بصوت قوي يمدح ابن عمه عماره:
***
ده من قومة الجهل ولداً مميّز عُومو
حافلات اللبوس فيهن يعزّز كُومو
خليفة المنتظر عماره أغفر لُومو
جاك كبش الضحية الليلة آخر يومو
***
مدح لعمارة وبعده استجداء للخليفة عبد الله .. بعدها أصدر
الخليفة قراره بحبس عماره على ذمة التحقيق في انتظار وصول
عمه عوض الكريم أبو سن (والد الحاردلو) من بربر.
***
مضى شهران وعماره رهن الحبس في سجن الساير ـ
(سجن أم درمان الحالي) قبل أن يصل عمه الشيخ عوض الكريم
أبو سن .. يسوق ألف بعير هدية الشكرية للخليفة عبد الله،
هي رشوة بالطبع فانعقد مجلس الخليفة للنظر في الأمر
وعاد رأس الفتنة الأمير يعقوب بالمطالبة بأقصى العقوبة
يقصد القتل لأن المسألة كانت تصفية لناس البحر وردعهم
ووصفهم بأهل (الشرك) وقد نجح نجاحاً باهراً في هذه الفتنة..
وكما تدين تدان والتأريخ يعيد نفسو الآن .. ناس البشير يقتصون
الآن لكل قبائل الشمال والوسط التي أقيمت لها مجازر ومشانق
من أفظع ما عرفه تاريخ البشرية !!
***
نظر الخليفة عبد الله إلي الحاردلو وكأنه يطلب منه تقديم
مرافعة أخيرة .. لكن ذكاء ودهاء وبديهة وشاعرية الحاردلو
كانت كلها حضور .. ثم أخيراً فكر الحاردلو بأن يغير شكل
المرافعة وسينتقل من مدح عمارة لمدح الخليفة الذي كان يحب
المدح والنفخ فابتدر الحاردلو يمطر الخليفة وكل التعايشة وناس
الغرب والأتباع بالمدح الذي يصور تفوقهم وشدة بأسهم وكثرتهم
في البلاد.. ثم رمق الأمير يعقوب بنظرة ذات مغزي وواصل:
ثم أشار إلى ابن عمه عماره ..
***
فقال: خليفة المنتظر ..
أنصارك كُتار تامِّين عبره وكيل
ومِتل نبت الرُبا وكْتِين رُكوب الخيل
أكان ما جُور زمان وناساً نظرها قليل
شرك اُم قِيرَدُون كيفن يَقُبضْ الفيل؟!
***
كان الحاردلو يشير إلي الخليفة وهو يرسل عجز البيت
الأخير (كيفن يقبض الفيل)، فضحك الخليفة وانفجر المجلس
بالضحك ومنح زعيمي الشكرية عفوه ورضاءه ..
رغم أنف يعقوب هذه المرة .. والجمال الهدية طبعاً وصلت!!
***
لي عودة مع الهجاء المر عندما
منع الخليفة الحاردلو من شراب السجاير،،،

ابو الخاتم
10-09-2011, 07:57 AM
إن صحت الرواية !!!
***
في خريف عام 1984م سيق أحد الهمباتة إلى
ساحة الإعدام، نظر للسماء وهو في طريقه لحبل المشنقة ..
و رأى السماء قد تغطت بالسحاب، وأرعدت ولمع برقها،
فحرّك ذلك المنظر في نفسه الشوق للبطانة،
وتذكر المحبوبة وأيام حياته الجميلة واللهو،
والأهل والأرض والخريف والمطر
والبهائم والصيد و... و وأخذ يقول:
***
وين دوديتي وين كبّيتي يا أم برق أم سحاباً شايلْ
شن سوّيـتي في الكِترة وقـليعات نايلْ
واحدين ساروا وواحدين بسوقوا الشايلْ
مـعـاكِ سلامه ياالـدُّنيا أم نعيماً زايلْ
***
الكترة اسم قرية، وقلعة ود نايل أيضاً اسم قرية ،،
***

ابو الخاتم
18-09-2011, 06:49 AM
***
يا خالق الوجود أنا قلبي كاتم سِرّو
ما لقيت مين يدرك المعنى وبيهو إبِرّو
قصبة مَنْصَح الوادي المخدِّر دِرّو
قعدت قلبي تطويه .. وكل ساعة تفِرّو
***
كلمات حق أريد به باطل !!!
الزول كان أباك من غير سبب ما تسكو
امسح إسمو من خاطر ضميرك حكو
جامل البجاملك والبسكك سكو
حب البحبك والبدك دكو
الناس ذي الهدوم فيها الراقي
وفيها الذي جناح أم جكو
واحد ساتر وواحد أحسن من تمشي ..........
***

ابو الخاتم
12-10-2011, 06:09 AM
سوداء الأديم
خضراء البطاح
لكم أنجبت بدراً شارقاً وضاح
هذه أقمار مساك
وها نهارك وضاح
وفردوسك تنفسته
وها بلبلك صداح
محمد ود الرضي ...
***
ويكتب خيال، ويرسم شاعر، وتصور عيون كاميرا:
ومع انسياب الحياة المطيرة تشاهد خلجات القلوب
تغازل ملامحها الشاردة برفق ليعلو صوت العربان
لتذوق لذة التأمل في حركة الروحة والعودة
دندنة وغناء دوبيت وحداء ...
فيتحد الوجود بالوجدان وتتنفس النسمات القسمات
وتتلى الصلوات وتغزل الكلمات فتدنو كل الذوات
وعند حمرة الشفق يدور الهمس النقي
يدندن بالأشعار من وراء ستائر الليل المخملية
وينقل الصوت بين أروقة السماء ومع ارتعاش ريح الليل الباردة
وعلى بساط الفجر التهجدي يسلك المصلون الدروب
ويخرج العمال والزراع والصناع وأولاد المدارس ..
وتطرق الملائكة معهم أبواب السماء ..
هل من سائل فقير ومريض مستجير ؟
***

hafiz
15-10-2011, 12:39 PM
جميل تناولك لبلاغة ود الرضي يا خال

واتمني ان تهابش هذا المقطع الذي سمعته قديما واعجبني


يعاينن توبتي في كامن ضميري ويمحن
والشاف فاتن جمالن وإنتشارن يمحن
قلوباً ما إنكون بي نار غرامن قمحن
الله يكبرن الكبرني وسمحن.

ابو الخاتم
02-01-2012, 06:46 AM
&#x202b;ط§ظ„ط*ظƒظˆظ…ط© ط§ظ„ط³ظˆط¯ط§ظ†ظٹط© ظ…ط¨ط³ظˆط·ط©.mp4&#x202c;&lrm; - YouTube





معاك يا حافظ .. لكن بعد بشرى بجيك!!

المهندس / بشرى عبد الله

عربي شاعر ليس واسع الخيال

بل واسع وبعيد الخيال ..

***

لاحظوا أمين حسن عمر لا يضحك أبداً !!

والبقية بما فيهم عمنا البشير الضحك شرطهم

دكتور أمين حسن عمر يستمع جادي جداً

ويقيم القصيدة حسب فهمه لأنو شاعر ..

وهو كما يقال إنسان غير عادي .. حاد الذكاء

لا يخطي الفهم في أشياء كثيرة جداً

غير قابل للخداع يقنعك حتى لو كان على خطأ

رغم أنه لا يمارس هذه العادة ..

***

في مقولة بتقول إثنين أو ثلاثة في حكومة السودان

غير عاديين .. عندهم زيادة في العقلية

دكتور/ أمين حسن عمر ودكتور/ حسن مكي

والتالت ما بجيب إسمو!!

ابو الخاتم
04-01-2012, 05:21 AM
دخل في أضافري : كناية عن الحرج
السحارة معروفة : صندوق توضع فيه الأشياء المهمة
العضاضة : هي الرصاصة أو العود من فوق المرق
تليت : تل الشيء اختبر وزنه بيده
اللبدة : معروفة توضع تحت سرج الحمار
الكوكار : هو حماي العنقريب أو الكراب في الجزيرة،
و السوكري في البطانة، والشداد في الشمالية ..
الكوفارة : الجوعة الشديدة
النتاف : الباقي والمقطع من الأشياء قماش أو غيرو
مرقت وشي مطوطو : كناية عن الزعل واللبس المشلهت
***
رجال وعوين : العوين هن النساء
ظرفي مكدر: كناية عن الفلس وكلمة مكدر من الكدر وهو التعب
أو من الكُدُر وهو ظفر الحيوان الملصق على الأرض ..
بتابو : بتاب العيش معروف كلو روس
وكلمة روس عامية جاية من كلمة (روث)
وكلمة روث فصحى وهي بقايا الحيوانات
أصقِر : ألعب الصقرية وهي رقصة الصدر
قريدن : يعني زول هوين
***
هذا هو سلطان الشعر.. بشرى عايز يعكس واقع المنطقة
لكن القصيدة فيها كلام مبالغ فيهو ..
صحيح يمكن اللغة في البطانة مازالت من الثوابت
واللسان لم يتغير كتير لكن الحياة تغيرت وتطورت ..
***

ابو الخاتم
25-03-2012, 07:45 AM
نصر بن الحجاج السّلمي ...

كان نصر بن الحجاج فتى جميلاً وسيماً قسيماً، بهي الطلعة، يوسفيّ

الجمال .. تبدو على ملامحه هيبة مزجتها الوسامة ببعض من سحر

الفتوة والرجولة تتأمله العيون فتندهش، وفوق هذا كله كان شاعراً

عاشقاً، كان مولده قبل سنين لخيبر ثم ترعرع وشهد خيبر مع أبيه،

وكان يقيم بالمدينة في خلافة عمر بن الخطاب رضي الله عنه،

حيث تقيم فيها قبيلته ربما قبل عهد الرسول صلى الله عليه وسلم،

وقد حدث أن عمر بن الخطاب رضي الله عنه سمع وهو يطوف بليلٍ

امرأة تجهر بأمنيتها الكامنة بالحب لنصر وتناجي ليلها بكلام ملؤه

الغزل والشوق حيث تتأوه وتتفوه وتقراً الشعر ويقال إنها

أم الحجاج بن يوسف الثقفي ، والله أعلم .. تقول :

هل من سبيل إلى خمرٍ فأشربها ؟

أو هل من سبيل إلى نصر بن حجاج ..

وكانت تقول أيضاً :

أنظـر إلى السحر يجري في نواظره

وانظر إلى دعجٍٍ في طرفه الساجي

وانظر إلى شعراتٍ فوق عارضه

كأنهن نمال دبّ في عاجي !

***

أما نصر نصر بن الحجاج كان يقول فيها:

ليتني في المؤذنين نهاراً

إنهم يبصرون من في السطوح

فيشيرون أو يشار إليهم

حبذا كل ذات دلٍ مليح

***

فلما أصبح الصباح سأل عنه عمر بن الخطاب رضي الله عنه،

فقيل له يا أمير المؤمنين هو فتى من بني سُليم ، فعرفه عمره ثم أرسل
إليه فأتاه فإذا هو من أحسن الناس شعراً وأحسنهم وجهاً ، فأمر عمر
أن يحلق شعره ، فحلق نصر شعره فخرجت جبهته فازداد حسناً على
حسنه وبهاءاً على بهائه. ثم سمع عمر بعد ذلك المرأة تقول :

حلقوا رأسه ليكسب قبحاً

غيرة منهم عليه وشحاً

كـان صبحاً عليه ليل بهيم

فمحوا ليله وأبقوه صبحاً

فقـال عمـر: لا والذي نفسي بيده لا تجامعني بأرض أنا بها،

يعني لا تقيم معي بأرض أنا فيها .. فأمر له بما يصلحه يعني

أعطاه مالاً وسيره إلى البصرة ثم هاجر نصر للبصرة وكان بالبصرة
أقارب له من بنو سُليم اتخذوهـا موطناً لهم عقب تمصيرها ،

ولابد أن عمر أختارها (منفى) لنصر بن حجاج رأفة به ، إذ

لا ذنب له ، وإنما هي سياسة درء المفاسد ومحاربة الفتنة وحماية الأخلاق
الإسلامية في بلد الرسول المصطفى صلى الله عليه وسلم.. ثم بعد نفيه
من المدينة آواه رجل يقال له (أبو الأعور السُلمي)

، ثم رأى أبو الأعور امرأته تكتب في الأرض ، فأزاح نظره على

المكتوب ودعا من يقرؤه وإذا المكتوب : لا صبر عنك ، فطرده

أبو الأعور ، هذا هو نـصر بن الحجاج الشاعر الوسيم ..

وقـد نفى عـمـر بن الخطاب – رضي الله عنه – بعد نفيه لنصر
شاباً أخر اسمه أبو ذئب لقصة مشابهة لهذه وألحقه بابن عمه

نصر بالبصرة وهذا يؤكد أن (قبيلة سليمة) كانت تجمع الحسن
والبهاء والشعر معاً..

***

والله أعلم !!

ابو الخاتم
15-07-2012, 05:50 AM
حتى لا يظل فارغاً ، ولربما يأتي الآخرون !!

***

لعل أجمل ما كتب في الشعر وقرأه الناس هو ما عرف

بشعر النقائض وهي المعركة الشعرية الكبيرة التي

نشبت بين أضخم ثلاثة شعراء في العصر الأموي

والتي أسفرت عما سمى في تاريخ الشعر العربي

بـ ( مناقضات جرير والأخطل والفرزدق ) فكانت حرب

هجائية ممتعة انتصر فيها عطية الخطفي المعروف

بجرير في النهاية على خصميه

الفرذدق المعروف بهمام بن غالب

والأخطل المعروف بجرول ..

ومما ذكر أن الشاعر (عبيد الراعي النميري) وسمي

بالراعي لأنه كان يكثر من ذكر الإبل والحيوان في شعره

والنميري لأنه من قبيلة بني نمير وهي قبيلة الشاعر الفرزدق

والتي كثر فخر الفرذدق بها، فقيل إن الراعي الشاعر

كانوا يسألونه عن الشاعرين (جرير والأخطل)

فيقول: الفرزدق أكبر منهما وأشعرهما ..


رأى جرير الشاعر النميري مرة وطلب منه أن لا يتدخل

بينه وبين الفرزدق، فوعده بذلك، ولكن الراعي هذا لم يلبث

أن عاد إلى تفضيل الفرزدق على جرير، فحدث أن رآه ثانية،

فعاتبه فأخذ يعتذرإليه، وبينما هما على هذا الحديث،

أقبل ابن الشاعر الراعي النميري وأبى أن يسمع

اعتذارأبيه لجرير، حيث شتم ابن الراعي الشاعر جريرًا

وأساء إليه.. فغضب جرير وذهب إلى بيته، لكنه لم يستطع

النوم في تلك الليلة، وظل قلقا ساهراً ينظم قصيدة ،

فلما أصبح الصباح ، ألقاها الشاعر جرير في (المربد)

على مسمع من الراعي والفرزدق والناس جميعاً،

فكانت القصيدة شؤما على بني نمير حتى صاروا إذا سئلوا

عن نسبهم لا يذكرون نسبهم إلى (نمير) بل إلى جدهم عامر

بن ربيعة .. هذا وقد سمى جرير قصيدته هذه (الدامغة) ..

لأنها أفحمت خصمه ودمغتهم ومنها هذه الأبيات :


فلا صلى الإله على نمير **** ولا سقيت قبورهم السحابا
ولو وزنت حلوم بني نمير **** على الميزان ما وزنت ذبابا
فغض الطرف إنك من نمير **** فلا كعبا بلغت ، ولا كلابا
إذا غضيت عليك بنو تميم **** حسبت الناس كلهم غضابا



أما راعي الإبل فقد غض طرفه كما شاء جرير، وصبر هو

وابنه على ما يسمعان حتى إذا فرغ جرير ذهب الراعي

إلى قومه يقول: ركابكم .. ركابكم ، يعني ارحلوا

فليس لكم هاهنا مقام ، إن جرير والله قد فضحكم !!
فغطى الخجل وجوه بنو نمير ، و صار لا يسمع لهم

إلا ضوضاء الرحيل،
و قالوا له : هذا شؤمك و شؤم ابنك علينا
فقال : كلا يا قوم لست شؤماً عليكم و ليس ابني

كذلك ، و إنما جرير شؤم على الناس أجمعين .
و قال بعضهم له ما الذي دعاك للتعرض له و للفرزدق ؟

محت هذه القصيدة من عز بني نمير بن عامر بن صعصعة ،

و غدا كل منهم ينتسب ( عامرياً ) بعد أن كان إذا سئل :

ممن الرجل ؟ قال : ( من نمير .... كما ترى )

و فخم لفظه ، و مد صوته، ورفع رأسه ..



وقيل إن مولى لباهلة وكانت قبيلة (باهلة) معروفة

عند العرب بالضعة وعدم الشرف فكان هذا المولى يذهب

لسوق البصرة متسوقاً و كان بعض بني نمير يصيح به

( يا أراذل باهلة !) فيعاني الرجل من ذلك

ويتألم ألماً شديداً ، فلما ضجر منهم قص الخبر على مواليه
فقالوا له : إذا نبزوك فقل لهم : فغض الطرف ..... البيت ...
و مر بهم ذات يوم فنبزوه ، فأراد البيت فاستعصى عليه

و خانته الذاكرة ، فقال لمن شتمه : غمض و إلا جاءك

ما تكره فعضوا أصابعهم ندماً و كفوا عنه ،

و لم يتعرضوا له بعدها ..


وروي أن امرأة مرت ببعض مجالس بني نمير فأداموا

النظر إليها و قال قائل : إنها (رشحاء..( أي جميلة !!
فقالت : قبحكم الله يا بني نمير، واللّه ما أخذتم بواحدةٍ من اثنتين:
لا بقول اللّه: " قل للمؤمنين يغضّوا من أبصارهم " .
ولا بقول جرير: فغضّ الطّرف إنك من نميرٍ ...

فلا كعباً بلغت ولا كلابا..
***

ابو الخاتم
08-08-2012, 09:02 AM
سمعتها غير ووجدتها مكتوبة غير !!



تمت في العام 1950م المحاكمة الشهيرة بواسطة

المفتش الانجليزي ( المستر سمسون) والمتهم فيها كان

شاعر البطاحين الفحل (عمر أحمد محمد علي الشلهمه)

وكان قد قتل عمر صديقه (يوسف ود نعمان) النافعابي،

وكان من أعز أصدقائه فحكم على عمر بالإعدام وتم تنفيذ

الحكم بمشنقة سجن كوبر، وصاحب تنفيذ الحكم ملحمة

شعرية حكت عن بسالة الصديقين وثباتهما عندما واجها

الموت أحدهم مات مقتولاً بسكين صديقه والآخر مات

قصاصاً ، وروت القصة قيم الشجاعة والفخر والفتوه

وانطوت علي حزن عميق وأسي عظيم، وعندما حانت

ساعة الشنق سارع لوداع عمر ود الشلهمة أهله ومن

بينهم أخوه الشاعر المعروف (الفنجري ) وأخوه الشاعر

المعروف (طه) وأخته الشاعرة (زينب ) ، ومن ثم بدأت

أعظم ملحمة شعرية شعبية في تاريخ البطاحين الحديث ..
بعد أن انتهت ( زينب بت الشلهمه ) من وداع شقيقها ،

عمر ووداع شقيقه ( الفنجري ) الذي وصفه بالأسد

الهصور والصابر المتيقن الشجاع ، ويخبره أن نبأ

إعدامه في الغد ، سوف يثير حزن وأسى عميق في

نفوس البطاحين وغيرهم من القبائل المجاورة :

أب رسوة الغلاد كفوفو وشداد ضرعاتو ..
خبرك هجع الكون والمريكز جاطو..
فيك شيتاً قطع شكاً منافي غلاطو

صبرك إلا من صابرين هلالو الفاتو

وبعد أن استمع (عمر) لأبيات شقيقه في وداعه ، أصر أن

يشارك في توزيع القهوة على ضيوفه ومودعيه ، وحمل

بيديه المقيدتين فنجان من القهوه ليمده لشقيقه (الفنجري )،

أمسك ( الفنجري ) بيدي (عمر) وقال له :

موتك درتو فوق اصدا ومخمس دافر
يابس فوق سروجن ما هو حاكمك كافر
يا مقنع كواشف أمات وضيباً وافر

ما دام العمر عاريه خلو يسافر

فرد (عمر ) قائلاً :
والله ما بخلان بيهو تب ..!
في تلك اللحظة ، كان أحدهم يبكي وهو أمر ما أراد له

البطاحين أن يحدث أبداً، فقد أرادوا أن يودعهم دون

نحيب أو دموع ، ولكنهم عندما أدركوا أن المنتحب

هو أحد الحراس، عاد الاطمئنان إلي قلوبهم وقام

( الفنجري ) بزجره وقال :

نحنا قلوبنا ما نزل الخفيف في دارن
يمشن دغري بالدرب المشوبو كبارن
راسيات الجبال كيفن رحيل حجارن
البلد المحن مجبور يلولي صغارن

وبدأ ( الفنجري ) يقصد وهو يفخر بقومه ويفضلهم علي

الانجليز الذين أمروا بإعدام شقيقه ، ويتعهد بأنهم

سيسيرون في درب مقاومة المحتل كما فعل جدودهم :

أصدق نحن من الإنقليز في عهودنا
وما بنبطل الدرب المشوبو جدودنا
يا البريبة ما بنقبل خلل في عروضنا
نفداهن رخاص بي دمنا وبي موجودنا

وأردف الفنجري !!

نسبك مو بخس أصيل معروف
وحكموك النجوس ما لقيت خلاصنا كفوف
كان الهاري في ايدينا ووقفنا صفوف
كان تشوف البرغي والطابق الحمل مردوف



كل شي ليهو مبدأ ووقفة عن تحديدو
ويبقي وينفد الدايرو الكريم وبريدو
ما دام البخاف يوم في العمر ما بزيدو
أخير با أب رسوة تسليم الأمر لي سيدو

ويقول :

المو بانيك ما بكسر لو فيك قصير
والمكتوبة بتصادفك محل ما تطير
قيراط انحفر لك ما بندفن في الغير
موت العزة لا عيشة الذليل وحقير



الموبانيك : أي الذي لم يخلقك ، القصير : عظم المفصل .

المكتوبة الأقدار ، والقيراط يقصد القبر

أ م روبة : الروبة : الشعر وتلقب الحسناء بأم روبة .

الوضيب : الشعر.

عارية : العارية هي الدين أو الاستعارة

والشاعر يشبه العمر وكأنه استعارة من الله يجب ردها .

البريبة : صغير الظبي توصف بها الفتاة الحسناء .

ابو الخاتم
09-10-2012, 09:04 AM
حياك الله أخوي الطيب شهر لا ينسى وأيام مرت ،

لكنها محفورة في الوجدان ومحمولة في الخواطر

.. فأل طيب وود يتوق للتواصل واللقيا ..
لك كل ودي وتحياتي وشكري وسلامي ،
ويا ما أنت أصيل وطيب يا الطيب ..
متعك الله بالصحة والعافية
عزيزي الطيب عبد الرحمن ..

ومع هذه الإطلالة ..

هاك من جميل الدوبيت ..



الطيب ود ضحوية :

كبس الهم علي ليلي ونهاري مسِّرح
بطنى اشيمطت قلبى البفر مِجّرِّح
الصايدنى كان صاد الحجار بتمرح
لكين رحمة المولى الوسيعة تفرح

***

الليل أمسى والنعسان جرايدو يدحَّن
وكبس الهم علي السُّلَّط قلوبن وحَّن
كضم الجرة سحار الغروب اتمحن
نعود سلمانة يا عمر الظنون إن صَحَّن



محمد طه القدال ..


كبس الهــم علىّ
والحال قبض يا السيد
غبناً فيّ كجّ
أوتادو جنبى معيّد
مو جنا تجيب
سلسل جنازرو تقيد
بلا غيبوبة البلد
النصيح و مصيد

ابو الخاتم
24-04-2013, 05:01 AM
جاء في كتاب بهجة المجالس وأنس الجالس
في باب (من طرائف الخطباء والمنابر) ..

صعد عليّ بن أرطاة المنبر فتلعثم وارتجف ولم يدر ما يقول
ثم التفت للقوم ، فقال: الحمد لله الذي يطعم هؤلاء ويسقيهم ..

خطب رجل من الأزد على منبر البصرة يوم الجمعة ، فلما صعد
المنبر، وقال الحمد لله، أرتج عليه (ارتجف)، فقال : قد والله
هممت ألاّ أحضر اليوم، فقالت لي امرأتي: نشدتك الله إن تركت
الجمعة وفضلها، فأطعتها، فجئت فوقفت هذا الموقف أمامكم،
وها أنذا أرتجف من صعوبة الموقف فاشهدوا أن امرأتي طالق.
فقالوا له : انزل قبحك الله ، وأنزل إنزالاً عنيفاً،

وذكر القهرميّ عن أبيه قال : قام القلاخ بن حزن يوم عيد
خطيباً على منبر، فقال: الحمد لله الذي خلق السّموات والأرض
في ستّة أشهر. فقيل له : إنّما خلقها في ستة أيام فقال :
أقيلوني (يعني سامحوني)، فو الله لقد ظننت أنّي أقللت
(نقصت)، وكنت أريد أن أقول في ستّ سنين. والصحيح
يا أخوانا كما تعلمون هو أن الله خلق السموات والأرض
في (ست أيام حسوماً) ..

صعد روح بن حاتم المنبر، فلما رآهم قد فتحوا أسماعهم
وشقّوا أبصارهم، قال : نكّسوا رءوسكم وغضّوا أبصاركم،
فإنّ أول كلّ مركب صعب، وإذا يّسر الله فتح قفل يسِّر ذلك .

خطب مصعب بن حيّان خطبة نكاحٍ فتلعثم ، فقال لقّنوا موتاكم
شهادة ألاّ إله إلا الله، فقالت أمّ الجارية (أم العروس) :
عجلّ الله موتك، ما لهذا دعوناك ؟!

قيل لرجل من وجوه القوم : قم فاصعد المنبر فتكلم،
فقام . فلّما صعد المنبر تلعثم وارتجف، فقال: الحمد لله الذي
يرزق هؤلاء، وبقي ساكتاً فأنزلوه وأصعدوا آخر، فلما استوى
الآخر قائماً وقابل وجوه الناس بوجهه، وقعت عينه على رجلٍ
سمين فتلعثم وارتجف أيضاً ، فقال اللّهم العن السمنة.

صعد عتّاب بن زرقاء منبر أصبهان فتلعثم وارتجف،
فقال: والله لا أجمع عليكم عيّا وبخلاء ادخلوا سوق الغنم
فمن أخذ شاة فهي له وثمنها عليّ، وقد روي أن هذا إنما
عرض لعبد الله بن عامر على منبر البصرة، وأن عتّاب بن
ورقاء هو الذي قام على المنبر فحمد الله ثم أرتج عليه،
فجعل يقول: أمّا بعد أمّا بعد...، وقبالة وجهه شيخ أصلع
فقال: أما بعد يا أصلع، فو الله ما غلّطني غيرك،
عليّ به، فأتي به فضربه أسواطاً في صلعته .

وصعد آخر المنبر فقال: إن الله لا يرضى لعباده المعاصي،
وقد أهلك أمة من الأمم بعقرهم ناقةً لا تساوي مائتين وخمسين
درهما، فسمّى مقوِّم الناقة، وهذا هو عبد الله بن أبي ثور
عامل ابن الزبير على المدينة . ذكر عمرو بن شبة، حدثنا
الحسين بن عثمان عن بعض علماء المدينة، قال: ثم عزل
ابن الزّبير عبيدة بن الزبير، واستعمل عبد الله بن أبي
ثورٍ حليف بني عبد مناف، فلّقبه أهل المدينة مقوّم ناقة الله،
وغلت أسعار النياق فتشاءموا به، فعزله ابن الزبير.

صعد أعرابيٌّ المنبر فقال: أقول لكم ما قال العبد الصّالح:
( ما أريكم إلاّ ما أرى وما أهديكم إلاّ سبيل الرّشاد ) ،
فقالوا له: هذا فرعون . فقال : والله قد أحسن القول !!.

عادل جابر محمد دفع الله
05-11-2013, 05:28 AM
سلام آ ناس

الاستاذالجليل والخال الحنين والمثقف الذي تثني المعلومة ركبتيها لديه في مهابة .. وتنصت من أجل الإصحاح . سلام ما يغشاك شر . ونخلع النعال ونترك العمم شوامخ ونحن ندلف الي رحابة وجمال خيمتك . نحلف بمفارقة ( أم شلوخاً عوارض ) إننا لا نكرم قبل أن ترد لنا إعتباراً لهذا الشاعر الذي ضاع صيته ولم يأخذ حقه مع رصفائه . وهو الذي صنع الشاعر المحب ( ود شوراني ) حتي حرضه على أن ياتي بما يطابق تلك البديعة المذكورة أدناه وهو الشاعر ( كرار ود كردم ) وفاق جمال وصفة أمرؤ القيس وهو يدندن .
دمك صافى تحوير المعردب لونك
بدر الكون جبينك والضلمة قرونك
ما دام انتى زى نجف الخواجة عيونك
كيف يداوى من المه ويطيب مجنونك

سوف نكون حضوراً هنا حتي تتحول قهوتك الي آي سكريم أو نربط هلال الشعر لـ ( كرار ود كردم )